Luku 3:14 - Godokono Wade Tabo

¹⁴ Ebene gowelaopi epetapiate Yoneko nalatediya, “A keba kunula꞉ka꞉? A beda꞉ tanalo na꞉kosiyodiloma꞉?” Ebene ebete iba꞉tamo negiya, “La꞉le epo epetapino mani elawo gabodo o a꞉da꞉ gabodo akouwata꞉la꞉, ega꞉walo la꞉imano tabo gela magumulo epo epetapi akokubailama꞉la꞉, ega꞉walo la꞉imano woko wiya delawa꞉wenakoma ubia꞉ tabo gela꞉no kalakalago nuwatenakiyala꞉.”

Godokono Hido Tabo

¹⁴ Ba꞉bene komo alaholohopa꞉te Yoneko nalatediya꞉, “A keba ka꞉nala꞉ka꞉? A bada komo na꞉kododima꞉?” Ba꞉bene ebete iba꞉tamo na꞉goiya꞉, “La꞉le komo tawakalubino mani heloamo o ha꞉da gabodo akuwata꞉la꞉, ba꞉gala la꞉eno tabo ga꞉la ipuwalo komo tawakalubi akakubahilama꞉la꞉, ba꞉gala la꞉eno oko huiya da꞉lawenakoma ubiha꞉ tabo ga꞉laheno kalakalago nuwatenakuya꞉la꞉.”

Luku 3:14 Iomraidhean Croise

Ma꞉tiyu 8:5

Ebene Ya꞉sute Kapeniyama duliyomolamo da꞉tiya Loma epono gowelaodawa elawodubu idite ebetamo pete ebe petoweomelo napaniya,

Luku 19:8

Wiyasiya Sa꞉kiyasete ebeno motolo epono dopo apulo maigate Ya꞉sutamo negiya, “Kawodawa, a꞉ma꞉ numa꞉! Ka꞉lo nale naimano inamabu tulituliya anagiyamidalete, naimano inamabu epetapi nigologolopiatamo kikalamolemamo, ega꞉walo nale epetapino mani elemasigi gabodo duwatenakimo netewa-netewa teta꞉mo walo ka꞉ka꞉wiyaolemamo.”

Luku 3:10

Epate ebe tanalo olowite Yoneko nalatediya, “A Godokono dowa odiyoboma꞉ beda꞉ tanalo na꞉kosiyodiloma꞉?”

Luku 3:13

Ebete ibi nanaliya, “La꞉le ta꞉kese mani uwate tetelo a꞉da꞉ gabodo kawonomamo akouwatenakala꞉ la꞉ a꞉ka꞉tuwa꞉ la꞉ walubilima꞉, wiyasiya gabamani dubate degelanaka ebe modobolo nuwatenakiyala꞉.”

Oelamepino Ododili Komokomo 10:7

Ebe tetelo Koniliyasitamo da꞉kiyawaoni ebe nopodawate ebegodone da꞉toni, ebete ebeno moto guno wokopi netewa ega꞉walo gowelaodawa dubu kapiya ebo ka꞉la꞉mini, ebe gowelaodawa dubute Godotamo na꞉tuduwatanami ega꞉walo ebe Koniliyasikono wade opodawa idila.

Pilipai 2:15

Ma kunu me opo epate kawokawo kuba osiyodilolepima꞉ eda꞉ote kalawikalawi gabodo eba tolamenalo, la꞉ wiyasiya Godokono wadewade gudima꞉ beda꞉onamata, iyo, la꞉godolo kuba osiyodilo tanalo idi ega꞉walo daleya wokino tanalo da꞉peso idite a꞉kitanamene. Ebene la꞉le epatamo Godokono igilo tabo dikalama꞉wenakoma, la꞉le ebeno aloma꞉ eba eda꞉onalo me opo ba꞉pukuiminamata, mawelete tobolo unulo da꞉pola꞉na keba kunula꞉ka꞉ eba kunu. Me mabuma꞉ nale Kelisokono Uwomu Egelalo me tanalo kiyatawamamo, nale kebe woko la꞉ magumulo kosiyodilonaimo ebe kodakoda woko magumune wadewade da꞉ima꞉te nanitabolo a꞉pemaimiya, iyo, nale la꞉ mabuma꞉ ebema꞉ kamamamamo.

Pilipai 4:11

Wiyasiya nale me kalakala tabo kiyawao tanalamo modoboa꞉ tanalo idi la꞉tamo kawokalimita꞉, ao, me tanalo iyalo iyatawiyamo, na iyaiya modoboa꞉ tanalo magumulo eba okolinalo wiyasiya naimano Kawodawano kalakala kapiyate nagodolo bitanamene.

Taitasi 2:3

A꞉ma꞉ atumu nanitabokobi midipi menokobi nakanaliye, iba꞉te Godokono ololo apulo wadenomamo eba ilukulinalo ebe mabuma꞉ talenapima꞉ neda꞉onama꞉na꞉. Ma kunu iba꞉te elawo gala꞉ipi da꞉imi obo kawonomamo nioma꞉ modoboa꞉ ibino wokino tanalate daedalema꞉ eda꞉okapoma꞉, ega꞉walo iba꞉te a꞉da꞉ tabo kiyawao tanalodo epetapi akokubailama꞉la꞉. Modobola iba꞉te wiyasiya oli ape kamiyale wadenomamo eba iyatulamelo

Awokalilame Tanalo 12:10

Ebe tetelo na Yonete Unu Duliyomololo idawano tabo madodo kawonomo olowimo, ebete ma kunu gi, “Ka꞉lo Godokono igilo mula꞉ tanalote opo duliyomolo epatamo a꞉pemaiga! Iyo, ebeno elawo ega꞉walo ebeno Alibodawa Kelisokono elawote awokala pe, mabu me tete ebe ebeno Kawo Elawodawama꞉ eda꞉ tetela! Nanitabola, aimano Godokono Kawo Elawodawama꞉ eda꞉ tanalote a꞉pemaiga, mabu ebeno ololo apulo kebe dawate dopamo idoko ega꞉walo egela bilibilinomolo a nanitabokobi midipi ekaki kuba osiyodilolepima꞉ deka꞉minaki, ebete ebe Kubadawa Unu Duliyomolone a꞉peba꞉idili.