Luku 2:14 - Godokono Wade Tabo

¹⁴ “Godote ebeno Ununomo Duliyomololo dokolina, la꞉ ebe moiolo nadipata꞉la꞉. Me opolo ebete piyatamo dekalakalana, ebeno igilo mula꞉ tanalote iba꞉godolo nitanamene!”

Godokono Hido Tabo

¹⁴ “Godote ebeno Hununomo Habalo demedena, la꞉ ebe milimiholo nadipata꞉la꞉. Ba꞉moe hopolo ebete puya꞉tamo da꞉kalakalana, ebeno ka꞉ka꞉ mula꞉ komote iba꞉godolo nitanamene!”

Luku 2:14 Iomraidhean Croise

Ma꞉tiyu 21:9

Ebene piyate da꞉dopiya ega꞉walo Ya꞉sukono walogabo apune da꞉pelamitiya, iba꞉te kapimiya kawonomamo ma kunu gelitiya, “Da꞉ibidikono a꞉la꞉mu nadipata꞉la꞉! Godo, a꞉imano mailago da꞉pita, modobola a꞉ma꞉ ebe lumagi kawokobi na꞉midiye! O epala꞉, la꞉ Godoko moiolo unamo nadipata꞉la꞉!”

Luku 1:79

Ebe alote ebeno Unu Duliyomolone ka꞉pa꞉pukuilaemene, a꞉e magumulo ega꞉walo idoko magumulo dilukuliona ebe epatamo, ebema꞉ kalakala kawonomola, Godote ebeno milolo wapata꞉lame tanalono gabo a ebo kiyatuaemene.”

Luku 19:38

Iba꞉te tabo ma kunu gelitiya, “Godo, a꞉imano mailago da꞉pita, modobola a꞉ma꞉ ebe Kawo Elawodubu kawokobi na꞉midiye! O epala꞉, la꞉ Godoko moiolo unamo nadipata꞉la꞉, ebe Unu Duliyomolono kalakala tanalono mabula!”

Luku 2:13

Ebe tetenomolo ebe nopodawago Godokono nopopi epetapi bilibilinomate gito pawokalaoniya, ebene iba꞉te Godoko eba adipatenalo negelaniya,

Luku 2:15

Ebene Godokono nopopiate Unu Duliyomolamo walo da꞉ka꞉nodoloniya, ebe tetelo sipi-goeogoeo ulamepiate negelaniya, “Kawodawa Godote a danae Beteliyama duliyomololo ka꞉lo idokolo da꞉pemaiga, a ebe tanalo uima꞉ ka꞉tolamiye.”

Luku 3:22

Ebene Godokono Uliyanate bigo olamu ebe unamo eba piwisigalo, tabote Unu Duliyomolone ma kunu piwisigiya, “A꞉ma꞉ naimano kapiya Gudunomolata. Na a꞉ma꞉tamo nekalakalitamo.”

Yone 14:27

Ega꞉walo me tanalo idila, nale la꞉tamo naimano tepo magumulo ditana ebe milo ikalaemata. Ebe milo me oponoa꞉, ebema꞉ la꞉ la꞉imano tepo magumulo woki bilibila꞉go ega꞉walo tola꞉go akoilukulinala꞉.

Yone 17:4

Ebema꞉ nale me opamo pea꞉no a꞉ma꞉le iyalo natamo kebe iyaiya woko kikanamona꞉wiyala, nale ebe woko bilibilinomo opoliyalimo, iyo, me gabodo nale a꞉ma꞉ eba walogolo a꞉imano wade amama tanalo epatamo awokalimo.

Yone 3:16

Mabu Godote me opo epo nilakapolo kawonomamo eba malagidilolelo ebeno Gudu kapiyanomo me opamo ebo palibiya, ebema꞉ piyate ebe nanitabokobi da꞉midima꞉na꞉ ibino igilate akalatidioma꞉na꞉ wiyasiya iba꞉te uwomua꞉ igilo kelaema꞉na꞉.

Oelamepino Ododili Komokomo 10:36

“Godote dopamo a Isalaela epatamo dapalibi, la꞉ ebe tabo iyatawalata, iyo, ebete ebe Wade Gelebadi Tabo atamo Ya꞉su Kelisodo apawokalimi, Ya꞉suko ebe me opo epo bilibilinomono Kawodawala.

Loma 5:1

Nanitabola, aimano nanitabokobi midi tanalodo Godote a ebeno tuputupupima꞉ a꞉midiya, ebema꞉ aimano Kawodawa Ya꞉su Kelisote a mabuma꞉ dosiyodiliya, ebe woko magumudo ale Godago gelebadi magumulo bilukulionama꞉.

Epesese 1:6

Ebema꞉ numa꞉la꞉, ebete poko kawonomamo demalagidilona ebe Gudugodone ebeno wade nilakapo tanalonomo atamo gito dikaeamiya, ebe mabuma꞉ modobola ale ebe kemoiomalema꞉!

Epesese 1:9

Ebema꞉ numa꞉la꞉, Godote ebeno ubilo kalakalago diyatiya ebe nopo ebete dopamo owaminiya, wiyasiya me tetelo ebete ebe nopono tanalo atamo ma kunu awokalimiya, ebete ebeno wade woko Kelisodo kopoliyamene. Iyo, ebete me opolo ega꞉walo Unu Duliyomololo kebe epo ega꞉walo uliyana ega꞉walo inamabu ega꞉walo tanalo epetapi bilibilinomo dosiyodiloliya, iba꞉te wadenomamo ka꞉pola꞉nama꞉ ebete ibi bilibilinomo kapiya wokiamo kapiyakobi midilite Kelisote ibino Kawo Elawodawama꞉ keda꞉nama꞉ ebe ebo kiyatimene. Ebema꞉ kalakala kawonomola, Godote kebe tete wadenonomoma꞉ degemene, ebe tetenomolo me nopono tanalote nanitabonomolo ebo kemaigamene!

Epesese 2:4

Wiyasiya kalakala kawonomola, Godote a nilakapolo eba malagidiloenalo ebeno nilakapo atamo kawonomamo awokalimina,

Epesese 2:7

Numa꞉la꞉, Godote ebeno nilakapo Ya꞉su Kelisokono osiyodilo tanalodo atamo dawokalimiya, ebe nilakapo tanalote kawonomoma꞉ deda꞉na, ebete ebe tanalo uwomua꞉ uwomua꞉ tetelo kawokaliminama꞉ aimano igilo ebema꞉ mula꞉leamiya.

Pilipai 2:11

iba꞉te Nabiwi Godoko eba moiolo awokala negelanakoma꞉na꞉, Ya꞉su Kelisoko kapiya ebe Kawodawanomola.

Pilipai 2:13

mabu kalakala kawonomola, Godote la꞉ magumulo ebeno woko bosiyodilona, iyo, ebete la꞉tamo wade tepo magumuno woki ega꞉walo elawo nikalamenata la꞉le ebeno ubi tanalamo ka꞉tudila꞉wenama꞉!

Kolosi 1:20

Ega꞉walo ebete ebeno ubi tanalo ma kunu iyalo kiyatiya, ebeno Guduno kalimate kewa olotolowalo deka꞉ka꞉liyamene, ebete ebe kalimamo me opolo ega꞉walo Unu Duliyomololo da꞉pola꞉na, ebe iyaiya inamabu ega꞉walo epo ega꞉walo uliyana ibi bilibilinomo uwatete ebeno namutupima꞉ keda꞉onama꞉ ibi walo ebetamo ka꞉kemagaelemene, mabu ibi bilibilinomate dopamo eba꞉go gowelaopima꞉ eda꞉onamiya.

2 Tesalonaika 2:16

Numa꞉la꞉, iyalo tetenomolo aimano Kawodawa Ya꞉su Kelisote aimano Nabiwi Godago a kawonomamo eba malagidiloenalo, iba꞉te ibino nilakapo magumudo a uwomua꞉ teteno tepo magumuno elawo atamo ikaeamiya ale Ya꞉sukono pe uwomuamo olowiolo kemakopelenama꞉. Ebema꞉ modobola iba꞉te eba kunu la꞉imano tepo magumu elawokobi namidilinakoma꞉na꞉, tete bilibilinomolo wadewade tanalate la꞉imano tabo gela magumune ega꞉walo osiyodilole magumune ka꞉pemaimionakoma꞉.

Awokalilame Tanalo 5:13

Ebe tetelo Unu Duliyomololo ega꞉walo opo duliyomololo dilukuliona, iyo, damela magumulo ega꞉walo kewa꞉ kolomono obo magumulo ega꞉walo tobolo unulo dilukuliona, ebe epo ega꞉walo igilo inamabu bilibilinomate kapimiya degelitiya, nale ebe tabo ma kunu olowimo, “Kawodawate ebeno Kawo Elawodawano okoli bailo uwomua꞉ tetelo dokolitamene ega꞉walo Sipi-goeo Da꞉peso, modobola ale uwomua꞉ tetelo iba꞉tamo kalakala tabo eba gelanalo, ibino mailo unamo bowadipalatelenakoma꞉! Iyo, modobola ale ibi eba walogolenalo, ibino elawo tanalamo ba꞉tudila꞉onakoma꞉!”