Luku 16:7 - Godokono Wade Tabo

⁷ “Ebene ebete tetedawa iditamo negi, ‘A꞉ma꞉ kebako mani ka꞉wiyawea꞉?’ “Ebete nowami, ‘Nale 1,000 witi-laiso baiko duwatimo, nale ka꞉wia꞉.’ “Ebene kawo dubuno inamabu ulamedawate ebetamo negi, ‘Mela, a꞉ma꞉le duwata꞉wia ebe pepa. A꞉ma꞉le 1,000 uwomu egebola꞉wete wiyasiya 800 baiko nakulola꞉.’ Ebene kawo dubuno inamabu ulamedawate wiyaolea꞉pi bilibilinomatamo ma kunu genaki, iyo, ebete me gabodo ebeno woko namutudawa eba masigilo epo bilibilinomo epetapi ebeno namutupima꞉ gito midili.

Godokono Hido Tabo

⁷ “Ba꞉bene ebete eta tetedawatamo na꞉goi, ‘Ama꞉ kebako mani kahuiyaha꞉?’ “Ebete na꞉huiyui, ‘Nale 1,000 witi-laisa baika duwatimo, nale kahuiyaha꞉.’ “Ba꞉bene ko dubuino ilina ulamedawate ebetamo na꞉goi, ‘Mola, ama꞉le duwati ba꞉be pepa. Ama꞉le 1,000 kuititi egebolete huiyatiya 800 baika na꞉miya꞉ta꞉.’ Ba꞉bene ko dubuino ilina ulamedawate huiyahaleha꞉pi hiliyonomatamo ba꞉ma ka꞉na goenakui, iyo, ebete ba꞉moe ba꞉be gabodo ebeno namutudawa ha꞉da ba amihome komo hiliyonomo tawakalubi ebeno mabulubima꞉ ba꞉ dito midili.

Luku 16:7 Iomraidhean Croise

Ma꞉tiyu 18:28

“Wiyasiya ebe wiya꞉ wokodawate Kawo Elawodubugodone nemaigate eba tolo ebeno namutudawa idi ebo numi, ebe namutudawate ebegodone dopamo 100 mani egege duwati, walo ebetamo ka꞉wia꞉. Ebe tetelo ebete ebe kuwokobene lawete eba adimagotelo nani, ‘A꞉ma꞉ naimano mani natamo samonomamo na꞉wiya!’

Luku 16:6

“Ebete negi, ‘Nale 100 dolomu alono obo duwatimo, nale ka꞉wiya꞉.’ “Ebene kawo dubuno inamabu ulamedawate ebetamo negi, ‘Mela, a꞉ma꞉le duwata꞉wia ebe pepa. A꞉ma꞉le 100 uwomu egebola꞉wete wiyasiya 50 dolomu nakulola꞉.’

Luku 16:8

“Walone kawo dubute ebeno inamabu ulamedawano osiyodilo tanalo iyatawate negi, ‘Oe, ebe beda꞉ mulo kawodawala꞉ka꞉! Ebete na eba kubainamelo ebe a꞉ka꞉tuwa꞉ ebe walubi.’” Ebene Ya꞉sute ebeno iyatulame oino magumu ma kunu awokalimiya, “Me opolo nanitabokobi midia꞉ epate mulonomoma꞉ eba eda꞉onalo ibino maniamo iyaiya tanalo osiyodilolenaka ibi kowalubilinama꞉. Wiyasiya alo magumulo dilukuliona ebe epate tete epetapilo mulo woki malagidiloa꞉no ibi a꞉ka꞉tuwa꞉ ibino maniamo ibi kowalubilina꞉.

Luku 2:37

ebeno awite ebo a꞉iya, ebene ebete amolema꞉ eda꞉te ebe tetene wagilimite ebeno 84 ulama teta꞉mo pemaiga, ebete egela ega꞉walo idoko bilibilinomolo Godoko Amamateno Iya Motolo eba okolinalo ebe moto katepanakia꞉. Ebe tete geyageyanomolo ebete Godoko eba amamatenalo, tete epetapi bilibilinomolo bae naoa꞉no Godotamo towetowe tabo ebo genaki.

Luku 20:12

Ebene ebete walo idi dakapalibi, ebe netewa-kapiya tete dubula, wiyasiya iba꞉te ebe bugomokobi midite pali magumune ebe gito neba꞉idiliya.

Luku 20:9

Ebene Ya꞉sute me iyatulame oi epatamo negiya, “Dubute pali osiyodilote tupina da꞉imi kewa ebo ami, ebe da꞉imino mailo ebe gala꞉ipi da꞉imila. Ebene ebete ebeno pali atila꞉pi dubu epetapiatamo gito atepi, iba꞉te ebolo woko eba osiyodilonalo ebe pali wadenomamo umilo ebeno da꞉imi kuwatolemenakoma꞉, ebene ebete mulu opamo tote tete geyageyadopo nokoliatepi.