Luku 16:6 - Godokono Wade Tabo

⁶ “Ebete negi, ‘Nale 100 dolomu alono obo duwatimo, nale ka꞉wiya꞉.’ “Ebene kawo dubuno inamabu ulamedawate ebetamo negi, ‘Mela, a꞉ma꞉le duwata꞉wia ebe pepa. A꞉ma꞉le 100 uwomu egebola꞉wete wiyasiya 50 dolomu nakulola꞉.’

Godokono Hido Tabo

⁶ “Ebete na꞉goi, ‘Nale 100 dolomo aloeno beya duwatimo, nale kahuiyaha꞉.’ “Ba꞉bene ko dubuino ilina ulamedawate ebetamo na꞉goi, ‘Mola, ama꞉le duwati ba꞉be pepa. Ama꞉le 100 kuititi egebolete huiyatiya 50 dolomo na꞉miya꞉ta꞉.’

Luku 16:6 Iomraidhean Croise

Ma꞉tiyu 20:8

“Dadimoni ebe pali namutudawate penate ebeno woko umidawatamo na꞉pegeni, ‘A꞉ma꞉ wokopi bilibilinomo ka꞉la꞉miawete wiya nikalamola꞉. Walogabonomolo woko da꞉powagilima꞉ka ebe dubagodone wagilima꞉wete, wiyasiya duiyanomolo woko da꞉powagilima꞉ka a꞉ma꞉le ibi uwomulo nowalubiliye.’

Luku 16:12

ega꞉walo la꞉le epetapino inamabu tuputupu gabodo ulamelelamena꞉no, idawate la꞉imano inamabunomo la꞉tamo a꞉kikalamolema꞉ta!

Luku 16:5

“Ebema꞉ ebe tetelo ebete ebeno woko namutudawa ma kunu masigi. Piyate ebe kawo dubutamo mani wiyaolea꞉no, ebete ibi bilibilinomo ka꞉la꞉mite dopodawatamo negi, ‘A꞉ma꞉ naimano woko namutudawatamo kebako mani ka꞉wiyawea꞉?’

Luku 16:7

“Ebene ebete tetedawa iditamo negi, ‘A꞉ma꞉ kebako mani ka꞉wiyawea꞉?’ “Ebete nowami, ‘Nale 1,000 witi-laiso baiko duwatimo, nale ka꞉wia꞉.’ “Ebene kawo dubuno inamabu ulamedawate ebetamo negi, ‘Mela, a꞉ma꞉le duwata꞉wia ebe pepa. A꞉ma꞉le 1,000 uwomu egebola꞉wete wiyasiya 800 baiko nakulola꞉.’ Ebene kawo dubuno inamabu ulamedawate wiyaolea꞉pi bilibilinomatamo ma kunu genaki, iyo, ebete me gabodo ebeno woko namutudawa eba masigilo epo bilibilinomo epetapi ebeno namutupima꞉ gito midili.

Luku 16:9

Nale la꞉ analemata, modobola la꞉ me opono maniamo epo la꞉imano namutupima꞉ na꞉midilinala꞉, ebema꞉ la꞉imano a꞉elao tetelo me opono inamabu dolopoligolametamene, Godokono Unu Duliyomololo la꞉imano namutupiate la꞉ atumu kalakalago kuwatema꞉ta.

Yone 2:6

Ebe tetelo ebe motolo sikisi kawokawo obo upate na꞉pola꞉niya, me upa epate nokolamo osiyodiloliya ega꞉walo ibi magumulo epetapi 80 litala ega꞉walo epetapi 120 litala. Me upano tanalo ma kunu itani, nio oboa꞉ wiyasiya Yu epono osiyodilole magumulo iba꞉te Godokono totomu tabo ida꞉mo ka꞉tudila꞉oma꞉ ibino kotono daleya makomako upano obamo ukulaolenakiya, ibino ewoniate ibi diyatulamiya eba kunu.

Taitasi 2:10

ega꞉walo iba꞉te ibino woko namutupino mani pilolo uwatea꞉no, modobola ibi wiyasiya ibino tuputupu osiyodilole tanalamo me tanalo nawokaliminakoma꞉na꞉, ibino woko osiyodilole tanalo bilibilinomo magumulo a꞉da꞉ osiyodilo tanalo kapiya idi kitana꞉. Ebema꞉ iba꞉te eba kunu aimano Igilo Mula꞉leamedawa Godokono iyaiya iyatulame tanalo wadenomamo eba awokalilamenalo, epo bilibilinomate ebe tanalo wadewadenoma꞉ begelanakoma꞉na꞉.