Luku 12:9 - Godokono Wade Tabo

⁹ Wiyasiya kebe lumagite na iyatawa꞉noma꞉ degemene, na atumu Godokono nopopiatamo ebe iyatawa꞉noma꞉ ka꞉kegemamo.

Godokono Hido Tabo

⁹ Huiyatiya kebe lumagiti na iya꞉tawaha꞉ma꞉ da꞉goemene, na ba꞉ atumu Godokono nopopa꞉tamo ebe iya꞉tawaha꞉ma꞉ kakagoema꞉nemo.

Luku 12:9 Iomraidhean Croise

Ma꞉tiyu 10:33

Wiyasiya kebe lumagite na iyatawa꞉ma꞉ degemene, na atumu Godotamo ebe iyatawa꞉ma꞉ ka꞉kegemamo.”

Ma꞉tiyu 25:12

Wiyasiya ebete negeni, ‘Ao, na la꞉imano tanalo iyatawa꞉.’”

Ma꞉tiyu 25:31

Ebene Ya꞉sute walo na꞉kegiya, “Epono Naniwite ebeno alo kawonomago ega꞉walo Unu Duliyomolono nopopiago da꞉pemene, ebe tetelo ebete ebeno Kawo Elawodawano okoli bailo ka꞉pokolitamene epono tanalo kapanagilamelelaema꞉.

Ma꞉tiyu 25:41

“Ebene ebete olobigate pele apupiatamo ma kunu kegemene, ‘Godote la꞉tamo kuba wiya ikalaema꞉ gena, ebema꞉ la꞉ naimano ololo apune na꞉tolama꞉la꞉! Ebete Saitanako ega꞉walo ebeno nopopino tanaloma꞉ a꞉ega꞉ ela iyalo demadiya, la꞉ ebe ela magumamo na꞉tolama꞉la꞉!

Ma꞉tiyu 7:23

Wiyasiya nale iba꞉tamo kegemamo, ‘Na iyatawa꞉ la꞉imano tanalo. La꞉ kuba osiyodilolepilata, nagodone na꞉tolama꞉la꞉!’”

Maka 8:38

Numa꞉la꞉, me tete epate kubakubanomoma꞉ eda꞉ote, iba꞉godolo Godoko nanitabokobi midi tanalo puliyala. Ebema꞉ kebe lumagite natamo ega꞉walo naimano taboma꞉ dilipomene, na Epono Naniwite atumu ebetamo kilipomamo, iyo, nale naimano Nabiwino elawo alonomago ega꞉walo ebeno wade-talena nopopiago da꞉pemo, ebe tetelo ebe ka꞉pilipoimamo.”

Luku 15:10

Ebema꞉ Ya꞉sute tabo ma kunu giya, “Na la꞉ analemata, kapiya lumagite ebeno kubane olobigate woki iyakobi da꞉midimene, Godokono Unu Duliyomololo ebeno nopopiate atumu kawonomamo kekalakalaoma꞉na꞉.”

Luku 22:57

Pitate wiyasiya negeni, “Kamiyale, na iyatawa꞉ ebe!”

Luku 9:26

Ebema꞉ numa꞉la꞉, kebe lumagite natamo ega꞉walo naimano taboma꞉ dilipomene, na Epono Naniwite atumu ebetamo kilipomamo, iyo, nale naimano alago da꞉pemo, ebe tetelo Nabiwi Godoko ega꞉walo ebeno wade-talena nopopi ibino elawo alonomago pete ebe ka꞉pilipoimamo.

2 Timoti 2:12

ebene temeteme magumulo ale elawoa꞉noma꞉ eda꞉oa꞉no, walone eba꞉go kawokawo elawodubuma꞉ keda꞉omalema꞉, wiyasiya ale temeteme magumulo ebe iyatawa꞉noma꞉ degelama꞉, ebe mabuma꞉ ebete atumu a iyatawa꞉noma꞉ kegemene.

1 Yone 2:23

Iyo, kebe lumagite Godokono Guduno tanaloma꞉ ubia꞉ tabo awokala degena, ebete atumu Nabiwi Godotamo ubia꞉ tabo kegena, wiyasiya kebe lumagite Godokono Gudu anikuima꞉ awokala degena, ebete atumu Nabiwi Godoko anikuima꞉ kegena.

1 Yone 2:28

Iyo, naimano guda꞉la꞉, modobola la꞉ Kelisoko magumulo nilukulionala꞉, ebema꞉ ebeno pe egelate da꞉pemaigamene, ale ebe teta꞉mo nemaimiote tolea꞉noma꞉ eba eda꞉olo ebeno ololo apulo tanalo idima꞉ ilipokobi a꞉kolowioma꞉.

Awokalilame Tanalo 3:8

La꞉le dosiyodilola꞉wenakoma nale ebe iyaiya tanalo iyatawala, ma kunu la꞉le naimano woko osiyodilo magumulo la꞉imano elawote nanitabolo kolopoligona꞉, ega꞉walo na iyatawala epetapiate na mabuma꞉ kawokawo temeteme la꞉tamo dikalametia, la꞉le naimano iyatulame tanalamo eba tudila꞉olo nanitabokobi midi tanalo katepawea꞉. Ebema꞉ na la꞉tamo gigiyu a꞉iyamidalaemata, idawagodolo elawo kitana꞉ walo ka꞉kemopima꞉.