Luku 11:1 - Godokono Wade Tabo

¹ Egela idilo Ya꞉sute diyamoa꞉ opolo Godago tabo gelitiya. Ebe tanalo dolopoligiya ebe waloma꞉tapi magumulo idawate ebe naniya, “Kawodawa, Yonete ebe waloma꞉tapi iyatulami iba꞉te Godotamo keba kunu da꞉towetoweonakoma꞉na꞉, ebema꞉ modobola a꞉ma꞉ a ebe atu tanalo na꞉kiyatuama꞉.”

Godokono Hido Tabo

¹ Eta hegelalo Ya꞉suti tataba hopolo Godokoba꞉ tabo bega꞉lutiya꞉. Ba꞉be komote da꞉wibuya꞉ ebe ta꞉matapi ipuwalo etate ebe na꞉goemiya꞉, “Kodawa, Yonete ebe ta꞉matapi iya꞉tulami iba꞉te Godotamo keba ka꞉na da꞉toetoehonakomena꞉, ba꞉bema꞉ wadiyala ama꞉ a ba꞉be atu komo na꞉kiya꞉tua꞉ma꞉.”

Luku 11:1 Iomraidhean Croise

Luku 10:42

Wiyasiya kapiya tanalote kawonomoma꞉ deda꞉na, Ma꞉lite ebe wade tanalo umite elawe, epate walone ebegodone a꞉kelaema꞉na꞉.”

Luku 11:2

Ebene Ya꞉sute iba꞉tamo negiya, “La꞉ Godotamo towetowe tabo ma kunu negelanakiyala꞉, ‘Aimano Nabiwi, modobola a꞉imano talena mailo epate nadipatema꞉na꞉, ega꞉walo modobola a꞉ma꞉le Kawo Elawodawama꞉ deda꞉wena ebe tanalote napawokalamene.

Luku 6:12

Ebe idokolo Ya꞉sute Godago tabo gelanama꞉ damela unu ida꞉mo nodoloni, ebema꞉ ebete idoko geyageyanomolo Godago tabo eba gelanalo egelate ebo powaloiya.

Luku 7:13

Ebema꞉ Kawodawate ebe kamiyale umite nilakapoimilo ebetamo negiya, “A꞉ma꞉ akoitala꞉.”

Luku 7:19

Ya꞉sutamo ebo naliboliya, iba꞉te ebe ma kunu kananama꞉, “Yonete pema꞉ degi, a꞉ma꞉ ebe lumagila꞉ka꞉ o ale lumagi idi kemakopelenama꞉?”

Luku 9:18

Egela idilo Ya꞉suko a꞉ka꞉tuwa꞉ diyamoa꞉ opolo Godago tabo eba gelitalo ebeno waloma꞉tapiate ebetamo ebo pemaimiya. Ebene ebete ibi nalateda꞉liya, “Epate na poma꞉ kegelanake?”

Luku 9:28

Kapiya wuiki idi dolopoligiya ebe tetelo Ya꞉sute Pitako, Ya꞉imesiko, ega꞉walo Yoneko uwatete unu damela ida꞉mo magataliya, ebete ebolo Godago tabo ka꞉negelama꞉.

Yunapi 5:7

Numa꞉la꞉, Ya꞉sute me opolo eba okolinalo ebe iyatawiya Godokono elawo modobola a꞉e temeteme magumulo ebeno igilo ka꞉mula꞉ema꞉, ebema꞉ ebete ipupago ebeno tabo madodo unamo adipatelo Godoko ebo toweomiya. Ebe tetelo Godote ebeno towetowe tabo olowite ebe nanitabolo owalubiya, mabu Ya꞉sukono okoli magumulo ebete ubi iyatinami ebe a꞉ka꞉tuwa꞉ ebe opamo eba iyatilo wiyasiya ebeno Nabiwi unamo kadipatema꞉.

Yuda 1:20

Ebema꞉ naimano wadewade namutupiala꞉, modobola la꞉ la꞉imano nanitabokobi midi tanalo talenanomoma꞉ gelawete kodakodalo eba lawelo ebo napepeonala꞉, ega꞉walo la꞉ Godokono Uliyanano elawamo ebetamo na꞉towetoweonala꞉.