Tito 2:3 - Te B'aib'ara

³ Ao ai aroia naba unaine, ko na taetae n reireiia b'a a na b'aina te maiu ae iai karinean te Atua iai; a na tai winanti, a na tai toronaki n te kamanging; ma a na riki b'a taan reirei baika raraoi:

Tito 2:3 Iomraidhean Croise

I-Rom 1:29

A kaonaki nanoia n te buakaka ni kabanea, ma te kani buakaka, ma te kani b'aib'ai ae korakora, ma te babakanikawai. A on n te bakantang, ma te nano ni kamamate ma ni kauntaeka, ma te uarao, ma te iowawa. Bon taani winanti,

I-Rom 16:2

M'aneia n akoia n aran te UEA, n te aro ae riai irouia ana aomata te Atua; ao kam na buokia n te b'ai ane e kainanoia mai roumi: b'a te tia buokiia aomata aika bati ngaia, ao te tia buokai naba.

I-Ebeto 5:3

Ma ngkai aomata aika itiaki ngkami, ao e aki riai b'a e na taekinaki b'a iai te wene ni bure, ma te kammaira nako, ma te mataai ni kani b'aib'ai i buakomi;

1.Timoteo 3:11

Ao ai aroia naba aine aika taani buobuoki a na aki b'aina te bakanrerei, a na tai winanti, a na tau baangiia, a na kakaonimaki nakoni b'aai ni kabane.

1.Timoteo 3:8

Ao ai aroia naba taani buobuoki, a na taua ma nanoia, a na taekina te koaua, a na tai manging, ao a na tai kani b'aib'ai n te aro ae aki riai!

1.Timoteo 5:23

Ko na tai moi n te ran n ti ngaia, ma ko na moi n te wain teutana i bukini birotom ma aorakim nako aika ko itutuuaki iai.

Tito 1:7

B'a te mataniwi n te ekaretia, ngkai ana touati te Atua ngaia, ao e riai n akea kabuakakaana. E na tai b'ab'aotiniia aomata, e na tai kakai un, e na tai mamanging, e na tai kakai oro, ao e na tai kani b'aib'ai n te aro ae aki riai;

Tito 2:4

b'a a na reireiia ateiaine b'a a na tangiriia buia, ao b'a a na tangiriia naba natiia;

Ebera 5:12

Kam a riai ni kaman tia n riki b'a taan reirei, ma ae kam bon tangira naba temanna b'a e na reireingkami baike moan reirei n ana taeka te Atua; ao ae kam bon teimatoa naba n tangira te miriki, ao tiaki te am'arake ae matoatoa.

Te Kaotioti 2:20

Ma iai te b'ai ae N na waeiko iai: b'a ko aki tuka te aine are Ietebera, are taku b'a te burabeti ngaia; ao e reireiia ni burebureia au toro b'a a na wene ni bure, ma ni kang kareani bouananti;