Tito 2:10 - Te B'aib'ara

¹⁰ ke n iraei aia b'ai; ma a na kaotiia b'a iai onimakinaia ni koaua, ao n te aro aei a katamaroa te reirei i bukin taekan te Atua are ara Tia Kamaiu n aroia nako.

Tito 2:10 Iomraidhean Croise

Taian Areru 101:6

N na tarataraia akana kakaonimaki i aon te aba, B'a a na maeka irou n au bareti. Ake a b'ab'aina te koaua ao ana riki b'a au tia m'akuri.

Itaia 12:2

I onimakiniko b'a ko na kamaiuai, te UEA ae te Atua, ao N na aki maaku A nako m'aakau ma korakorau mairoum, ao ko a tia ni kamaiuai.”

Mataio 24:45

Antai ngkanne te toro ae kakaonimaki ae wanawana, ae kateaki iroun ana toka b'a e na teiakiniia kaain ana auti te toka anne n anganganiia kanaia n aia tai?

Mataio 5:16

Ao ai aromi naba, kam na kaoti ami oota i mataia aomata, b'a a na noori ami m'akuri aika raraoi, ao a na neboa Tamami are i karawa iai.

Ruka 1:47

Ao e kim'areirei nanou iroun te Atua are au Tia Kamaiu.

Ruka 1:80

Ao e ikawai rake te teei, ao e reke i rouna te nano ni mm'aane. E mena n te rereua ni karokoa te tai are e kaoti iai nakoia Iteraera.

Ruka 16:10

Ane kakaonimaki n ane moan te uarereke, ao e kakaonimaki naba n ane moan te ab'ab'aki; ao ane aki b'aina te eti n ane moan te uarereke, ao e aki b'aina naba te eti n ane moan te ab'ab'aki.

Ioane 12:6

E atonga aei, tiaki i bukina b'a e tabe i bukiia aika a aki kaub'ai; ma e atonga aei b'a te tia iraa ngaia, ao ngkai e mena i rouna nen te m'ane, ao e taneiai n ananaa are e taku mai iai i bon i bukina.

1.I-Korinto 4:2

Ao te bae e tangiraki mairouia touati bon aroia ni kakaonimaki.

I-Ebeto 4:1

Ma ngaia ae I butingkami, ngai ae I kabureaki i bukin te UEA, b'a kam na karaoi baika boraoi ma nanon te weteaki are kam weteaki nako iai:

I-Biribi 1:27

Kam na ti kakaraoa ae boraoi ma nanon ana euangkerio Kristo; b'a ngkana I roko n noringkami, ke ngkana tao I mena n te tabo teuana, ao I kan ongo rongorongomi, b'a kam teimatoa n aromi ni maiu b'a kanga te tamnei ae ti teuana, ni kakorakoraingkami b'a kanga te aomata ae ti temanna, i bukin te onimaki are reke man te euangkerio;

I-Biribi 4:8

Te kabane ngkanne: taari, kam na ti iaiangoi baika koaua, aika eti ma n itiaki, aika tangiraki ngkai a raraoi, aika baika riai ni kamoamoaki, ngkana iai te raoiroi teutana iai, ao ngkana iai te b'ai ae e kamoamoaki te aba iai.

1.Timoteo 1:1

Mairouni B'auro ae ana tia tuatua Kristo Iesu n ana taeka te Atua ae ara Tia Kamaiu, ma Kristo Iesu ae mena i rouna ara mwioko;

1.Timoteo 5:17

A riai unimm'aane aika raoiroi aia kairiri n iangoaki b'a e riai ni kataboroaki nakoia booia, ai moa ra riki nakoia te koraki aika korakora aia m'akuri ni kab'arab'ara ma n reirei;

1.Timoteo 6:1

Aomata aika tooro aika mena i aan te amo n toronaki a riai n iangoia oin aia toka b'a a riai ni kabatiaki karineaia, b'a e aonga n taekinaki ni kamoamoaki te Atua ma ara reirei.

1.Timoteo 6:3

Ngkana iai temanna ae reireiia aomata te koaua ae kaokoro, ao e aki boraoi nanona ma taeka ni koaua aika ana taeka ara Uea are Iesu Kristo, ao e aki boraoi naba ma koauan te Aro ni Kristian,

Tito 1:3

ma ngke e roko taina ae riai, ao E kaota ana taeka n te Rongorongo are I mwiokoaki iai, ao I tataekinna n ai aron tuangau iroun te Atua are ara Tia Kamaiu;

Tito 3:4

Ma ngke e kaotaki ana atataiaomata ma tangiraia aomata iroun te Atua ae ara Tia Kamaiu,

1.Betero 2:12

A na raoiroi aroaromi i buakoia aomata aika tiaki I-Iutaia; b'a ngkana a bukiningkami b'a kam karaoa ae buakaka, ao a noori ami m'akuri b'a a raraoi, ao a na neboa te Atua iai n te bong are E na roko iai.

1.Betero 3:16

ma kam na kaeka ma te nimamannei ao te maku; kawakini mataniwin nanomi b'a a na itiaki; ao n te aro aei a na mamaa iai te koraki ake a taetae ni kabuakakai aroaromi aika raraoi ngkai kam reitaki ma Kristo.

2.Ioane 1:9

Ane aki toua mwin ana taeka n reirei Iesu ma e kitanna n tan nako, ao akea te Atua i rouna; ane toua mwin ana reirei, ao bon iai i rouna te Tama ma te Nati.

1.Tamuera 22:14

Ao e kaeka Aimereka ni kaangai, “Bon te kabanea ni kakaonimaki Tawita i buakoia am aobitia aika iroum! Bon buun oin natim te aine, ao mataniwiia taan tararuaiko te uea, ao e rangi ni karineaki irouia kaain m'aneabam te uea.

1.Tamuera 26:23

E na anga te kaniwanga te UEA nakoia aika a kakaonimaki ma ni karaoa ae e raoiroi. E nang kaaki taekam i nanoni baiu te UEA, ma I aki karaoa ae e buakaka nakoim, ngkoe ae ko rineaki b'a ko na uea iroun te UEA.