Tito 1:5 - Te B'aib'ara

⁵ I katikuko i Kirete i bukin aei, b'a ko na kaeti baike a tuai n tia, ao b'a ko na rineia naba unimm'aane n ekaretia ni kaawa nako, n ai aron are I tuangko ngkoa.

Tito 1:5 Iomraidhean Croise

1.Rongorongo 6:32

A m'akuri taani katangitang aikai n te Um'antabunrianna ao i mwiina, a manga m'akuri n ana Tembora te UEA are e karaoia Toromon.

Te Minita 12:9

Bon te tia reirei ngai ae I rangi n ataib'ai, ao I bobooti taeka n rabakau aika a m'aiti aika I a tia ni manga rinanoi.

Itaia 44:7

Iai ae e konaa ni kabotauaki ma ngai? Ngkana iai, ao ake a taetae tuangai n te tai aei. Tuangiia b'a a na taekina te b'ai ae e a tia n riki man te tai are I karaoa iai au botannaomata n taai ake ngkoa, ao ke a taekin b'aai aika a na riki

Nakoaia Ibonga 14:42

A na manga kamanenaaki atiibu aika boou n onei mwiin ake a tia ni kanakoaki, ao e na kanim'aki naba te buraatita ae boou i aon te o.

M'akuri 11:30

A boni karaoia, ao a angani B'arenaba ma Tauro b'a a na nako n nikiri irouia unimm'aane.

M'akuri 14:23

A rineia tem'angina n te ekaretia teuana b'a unimm'aanen te ekaretia anne, ao a karaoa aron aei i nanon ekaretia nako; ao ni katoa te tai are a tia ni karaoa iai aei, ao a aki mamatam, ao a tataro i bukiia b'a a na kawakinaki iroun te UEA, are a onimakinna.

M'akuri 2:11

aika I-Iutaia ma aomata aika tiaki I-Iutaia aika a tia n riki b'a kaain te Aro n Iutaia, ma I-Kirete, ma I-Arabia; ti bane n ongo i rouia ngkai a taekin ana m'akuri te Atua aika kamimii n ara taetae nako.

M'akuri 27:12

Ma i bukina ngke e aki raoiroi te ne n roro arei n tain te aumeaang, ao a bati i buakoia ake a taku b'a a riai ni borau mai iai, ngkana tao a kona n roko i Boinike, b'a a na kabanea iai tain te aumeaang; Boinike bon te ne n roro teuana i Kirete ae tara maiaki-maeao ao meaang-maeao.

M'akuri 27:13

Ngke e wai ni karaurau te angi maiaki, ao a taku b'a e na koro bukin aia iango, ma ngaia are a taeka te atinro ao a borau n ri rarikini Kirete ni kaani ma mataniwin te aba.

M'akuri 27:21

Ngke e a maan te aki-mamatam, ao e tei ngkanne B'auro i buakoia, ao e taku: Mm'aane, e riai ngke kam ongo i rou b'a ti na aki borau mai Kirete, ao e na aki reke iai te uru b'ai ma te kabuanib'ai ae aron aei.

M'akuri 27:7

Ti ieie ni karaurau i nanoni boong aika bati, ma ni kuri n aki roko ni kaani ma te kaawa ae Keniro, i bukina b'a e tukiira te ang; ma ngaia are ti a borau ngkanne ri rarikini Kirete n iterana are e aki kare mai iai te ang, n ri rarikin te kekee are Taremone.

1.I-Korinto 11:34

Ngkana iai ae baki i buakomi, ao a riai n am'arake n aia auti, b'a kam aonga n aki motikaki taekami iroun te Atua ngkana kam bootaki. Ao i bukin b'aai riki ake tabeua, I a bon kaeti ngkana I roko ikanne.

1.I-Korinto 14:40

Ma a na bane b'aai ni karaoaki n te aro ae tara raoi ma n eti raoi.

1.I-Korinto 4:17

Anne bukin ae I kanakoa iai Timoteo nako imi, ae natiu ae tangiraki ae kakaonimaki, i nanon te UEA, b'a e na kauringngkami taiani koaua aika I nakonako iai n onimakinan Kristo Iesu; ao boni ngaai naba aika I reireiniia iai kaain te ekaretia n taabo ni kabane.

I-Korote 2:5

B'a I boni ngae n aki mena i roumi n te rab'ata, ma I boni mena naba i roumi n te tamnei; ao I kim'areirei n noran aromi aika riai ma aromi n teimatoa n onimakina Kristo.

1.Timoteo 1:3

Ko na tiku i Ebeto, n ai aron are I tuangko ngkoa ngke I nako M'aketonia; ao tuangiia aomata tabem'aang ikekei b'a a na tai reireia te aba te koaua ae kaokoro,

2.Timoteo 2:2

ao baikana ko ongo i rou ake I taekin i mataia taani kakoaua aika bati, ko na mwiokoi nakoia aomata aika kakaonimaki, aika kona n reireiia naba tabem'aang.

Tito 1:12

E taku raoia temanna, ae bon aia burabeti, “A aki toki ni b'aina te kewe I-Kirete, boni maan ni kaakang aika aki manana, ao te koraki ni buabeka aika aki m'am'akuri.”