Tito 1:11 - Te B'aib'ara

¹¹ E riai b'a a na kainaki wiia te koraki aei, aika aomata aika kabane kaain utu nako n aki karauia n aia reirei aika aki riai n anga; ma a anga i bukin te kani b'aib'ai n te aro ae aki riai.

Tito 1:11 Iomraidhean Croise

Taian Areru 107:42

A nora aio akana raoiroi ao a kukurei iai, Ma akea aia taeka iai akana buakaka.

Taian Areru 63:11

Ma e na kim'areirei te uea iroun te Atua; Ao a na kamoamoaa akana taetae n tuea n arana; Ma a na kainaki wiia akana atoatonga te kewe.

Ieremia 8:10

N na anga buuia ma aia tawaana nako ia ianena. A a bane n nanonrang ao n aki raoiroi aomata nako, te kainano ke te kaub'ai. Bon akea naba onimakinaia burabeti ma ibonga.

Etekiera 13:19

A tuangiia aomata b'a a na uoti rekenibaia tabeua te abuta te b'are ao uoua taiani kariki, ao ngaiia a na anganiia taian rongorongo aika a kamamaaeai. A kabongana te kewe ni motikitaekaia aika a akea aia bure nakon te mate ao a buokiia taani bure n anganiia te inaomata. Ao a kakoauaaki irouia aia aomata!

Etekiera 16:63

N na kab'araa am bure, ma ko na riai ni iangoi am bure ma ni mamaa iai n te aro are ko na aki kakarongoa. Bon aei au taeka Ngai ae te UEA.

Mika 3:11

A taua taekaia aomata taan tautaeka i bukin te babakanikawai. A kab'arab'arai tuua ibonga i bukin kaboakiia. A taetae ni burabeti i bukin te m'ane. Ao a bane n taekinna b'a aongkoa e mena te UEA irouia. Ao a kaangai, “Akea te rekenikai nakoira. E boni mena te UEA iroura.”

Mika 3:5

A tia ni keweaki au aomata irouia burabeti ake a taetae ni burabetiia te rau nakoia ake a reke booia mairouia, ao te buaka nakoia ake a aki reke booia mairouia.

Mataio 23:13

Ma a na reke kaimi, taani koroboki ma B'aritaio, aika taani m'am'ana-te-aba! B'a kam kaina mataroan Uean te Atua nakoia aomata; ao ngkami kam aki rin, ao kam tukiia akana kan rin iai.

Ruka 20:40

B'a a aki kani manga tabeki riki aia titiraki nako Ina.

Ioane 10:12

Te aomata ane kaboaki ana m'akuri, ane tiaki te tia kawakin tiibu ao tiaki ana man tiibu, ngkana e nora te man ae tiritiri b'a e roko, ao e biri nako ni kitaniia tiibu; e rawea temanna te tiibu te man are tiritiri n tenaia, ao e kauamaaei ake nikiraia.

I-Rom 3:19

Ma ti ataia b'a b'aai ni kabane ake a koreaki taekaia n te Tua bon i bukiia te koraki ake a mena i aan te Tua, b'a a aonga n tukaki aomata nako b'a a na aki karaoi aia taeka aika a na reke aonaia iai, ao a na bane ni motikaki taekaia iroun te Atua.

2.I-Korinto 11:10

Ngkai iai i rou te koaua are mairouni Kristo, ao I kakoaua b'a e na bon aki katokaki kamoamoau aei mai rou n te aba are Akaia.

1.Timoteo 5:13

I rarikin anne, ao a reireiia naba te aro ni kabane tai n aroia ni kawara te auti teuana ma teuana; ao a aki tii kabane tai n aroia anne, ma a bon riki naba b'a taan ua-taeka, ao taani katabetabea te aba, n aroia n tataekini baika aki riai n taekin.

1.Timoteo 5:4

Ma ngkana iai natin ke tibun te aine ae kananoanga ae e mate buna, ao a na reireiaki moa aroia ni karaoi tabeia aika a aanaki n ana kaantaninga te Atua nakoia oin aia utu, ma ni kabooa akoakiia irouia aia karo ma tibuia: b'a e riai aei i matan te Atua.

1.Timoteo 6:5

ma aia meremere n taai nako aomata aika babanga n iango, aika akea irouia te koaua. A taku n aia iango b'a tauan te Aro boni ngaia ae e reke mai iai te kaub'ai.

2.Timoteo 2:18

ake a tia ni b'aoua nako man te koaua, ngkai a taku b'a e a kaman tia n roko bongin te manga-maiu man te mate; ao a uru aia onimaki iai tabem'aang.

2.Timoteo 3:6

Iai tem'angina i buakoia aika kawari aia auti aomata ao a anai nanoia aine aika akea aia iango ngkai a taonaki n rawawatani mwin aia bure aika bati, ao a kairaki n aeka n naano ni kaib'ab'aru aika bati.

Tito 1:7

B'a te mataniwi n te ekaretia, ngkai ana touati te Atua ngaia, ao e riai n akea kabuakakaana. E na tai b'ab'aotiniia aomata, e na tai kakai un, e na tai mamanging, e na tai kakai oro, ao e na tai kani b'aib'ai n te aro ae aki riai;

Tito 1:9

e na taua ni kamatoa te taeka are iai onimakinana are e reireiaki iai, b'a e aonga ni kona ni kaungaia aomata n te reirei ni koaua, ma ni kaoti aia kairua te koraki akana ekianako.

Tito 3:10

Ao i bukin te aomata ae karika te i raraaure n iango irouia aomata, ko na aki manga tabe ma ngaia ngkana ko a tia ni kauoua reireiana;