Taian Areru 99:5 - Te B'aib'ara

⁵ Kam na neboa te UEA ae Atuara; taromauriia i matan ana kaintokanuea! Moan te tabu Ngaia!

Taian Areru 99:5 Iomraidhean Croise

1.Rongorongo 28:2

Ngke a bane aomata ikekei, ao e teirake Tawita ao e taku: Ongora irou, au aomata. I tangiria ni karaoa te tabo ike e na kaawakinaki iai te Atiniberita, b'a ti aonga ni konaa n nako n taromauria te UEA ae Atuara iai. I a tia ni katauraoi b'aai ni kabane i bukin karaoan te Tembora,

Taian Areru 107:32

A riai n neboia n tain te bootaki n taromauri, Ao ni kamoamoaa i mataia mataniwiia aia utu nako.

Taian Areru 108:5

Te Atua, Ko na karineaki i etani karawa! Ao e na mena mimitongim i aonnaba ni bane.

Taian Areru 118:28

Bon Atuau Ngkoe, ao N na katituaraoiko; N na kaotiota kakannatom.

Taian Areru 132:7

Ao ti kaangai, “Ti na nako n ana auti te UEA; ti na taromauri i matan ana kaintokanuea.”

Taian Areru 21:13

Te UEA, Ko na neboaki i bukini korakoram! Ti na anene ni kamoamoa m'aakam.

Taian Areru 34:3

Kam na neboa te UEA ma ngai, Ao ti na bane ni karietata arana.

Taian Areru 99:3

Ke a karaoiroa arana ae kakannato ma ni kakamaaku aomata nako. Moan te tabu Ngaia!

Taian Areru 99:9

Kam na neboa te UEA ae Atuara, ao taromauriia n ana maunga are tabu! Moan te tabu te UEA ae Atuara!

Te Otinako 15:2

Bon otangau ae matoatoa te UEA; boni Ngaia ae E a tia ni kamaiuai. Bon Atuau, ao N na neboia, Bon Tamau te Atua, ao N na anenea korakorana.

Itaia 12:4

Ane kam na kaangai n te tai arei, “Ti rangi ni kaaitauko, ara UEA. ao ti taromauriiko n ti ngkoe. Ti na tuangiia botannaomata aron mimitongim ma b'aai aika ko a tia ni karaoi.

Itaia 25:1

Bon Atuau, Ngkoe, te UEA! N na neboiko i bukin karaoan b'aai aika a kamimii aika ko a tia ni baairei ma ni berita iai man taai ake ngkoa.

Itaia 66:1

E taku te UEA: Au kaintokanuea karawa ao nnen katokaniwaeu aonnaba. Tera te aekaki n auti ae ko na karaoia ibuku? E nga te tabo ae N na motirawa iai?

Otea 11:7

A tia n iangoia Au aomata b'a a na katinanikuai i bukin te anti ae a taku b'a e korakora riki, ma e bon aki konaa ni buokiia.

Nakoaia Ibonga 19:2

kaangai nako ia Iteraera: