Taian Areru 99:4 - Te B'aib'ara

⁴ Te Uea ae Ko korakora, Ko tangira te eti b'a e na karaoaki; Ko a tia ni kawenei am Babaire i bukini karaoan te kaetitaeka ae e raoiroi i buakoia Iteraera;

Taian Areru 99:4 Iomraidhean Croise

Iobi 37:23

E rangi ni korakora m'aakan te Atua n te aro are ti aki kona ni kaaniia; E rangi n raoiroi man eti raoi nako ira.

Taian Areru 11:7

E kaakaraoa ae e raoiroi te UEA, ao E tangira karaoan te motikitaeka ae eti A na noora matana akana karaoi m'akuri akanne.

Taian Areru 98:9

I bukina b'a E roko n tautaekana te aba. E na tautaeka i aoia aomata nako i aonnaba n te eti ma te aki nanonano.

Itaia 42:4

E na bon aki b'ara nanona ke ni kua ni karokoa e roko raoi te eti n te aonnaba ni kabane, ao a kariaria botannaomata nako nakon ana reirei.

Itaia 61:11

E na karokoa te motikitaeka ae eti ao te nebonebo te UEA nakoia bootanaomatan te aonnaba, kaanga te uee ae e ure i nanon te nne n aroka.

Itaia 9:7

E na aki tootoki m'aakana; e na akea tokin te raoi. E na tautaeka n abanuean Tawita ao e na kakorakoraa. E na tautaeka n taai nako ma te raoiroi ao te eti. E na bon kakoaua raoi te UEA ae Moan te M'aaka b'a a na koro nanon baikai.

Ieremia 23:5

N te bong teuana N na rinea te uea ae e raoiroi man ana utu Tawita, te uea ae e na wanawana ao e na tautaeka ma te eti.

Te Tua-Kaua 10:18

E teetei te UEA i bukiia ataei aika akea aia karo, ao aine aika a mate buuia. E kakawakiniia iruwa ma n anganganiia kanaia ao kunnikaia.

Iuta 1:15

b'a E na motiki taekaia aomata ni kabaneia, ni kabuakakaia ni kabaneia akana aki reitaki ni maiuia ma te Atua, i bukin aia m'akuri ni kabane aika akea karinean te Atua iai, ake a tia ni karaoi n aki reitaki ma ana kaantaninga te Atua, ao i bukin taeka ni kamaraki nano aika a bukinna iai taani bure aika aki reitaki ma te Atua ni maiuia!”

Te Kaotioti 19:11

Ao I nora karawa b'a e uki; ao noria, te aoti ae mainaina! Ao aran teuare toka i aona boni Kakaonimaki ao Koaua; E aki ribuaka n ana moti, ao E aki naba ngkana E buaka.

Te Kaotioti 19:16

Ao iai arana ae koreaki i aon ana kunnikai ao i aon rangana, ae kaangai, “AIA KING KING AO AIA UEA UEA”.