Taian Areru 99:1 - Te B'aib'ara

¹ Ara UEA bon te king; ao a makua aomata; E tekateka i aon ana kaintokanuea are i aoia kerubim ao e m'ainging aon te aba.

Taian Areru 99:1 Iomraidhean Croise

2.Tamuera 6:2

e kairiia nako B'aara i Iuta, are e aranaki naba b'a Kiriata-Iearim. A na nako ikekei b'a a na ana te Atiniberita ma ni kaokia nako Ierutarem. E mena ana kaintokanuea te UEA i aon te Atiniberita aei, ao e taromauriaki ikekei.

1.Rongorongo 16:30

Kaain aonnaba ni kabane, kam na ruru!” E tei n nene te aonnaba, e aki konaa ni ioioaki.

Taian Areru 18:10

E toka i aoia kerubim ao E kiba; Ao E ukia te ang ni kakibam'akaa.

Taian Areru 2:6

“I a tia ni kamaekaa au king i Tion, are au Maunga are Tabu.”

Taian Areru 80:1

Katanimaia taningam, Ngkoe ae te tia kawakinia Iteraera b'a kanga tiibu ngaiia; Ko na ongo iroura, Ngkoe ae te tia kaiririia am nanai n tiibu. Ngkoe ae Ko tekateka i aon am Kaintokanuea are i aoia kerubim,

Taian Areru 80:2

kaotiko nakon te baronga ae Eberaim ma te baronga ae Beniamin ma te baronga ae Manate; Kaota korakoram nakoira; nako mai ao kamaiura!

Taian Areru 82:5

Ai nanoroo ra ngkami! Kam a baba ra! A buretata aromi, ao e a bua te kaetitaeka ae e raoiroi mai aon te aba.

Taian Areru 93:1

E uea te UEA. E kunnikaia n niiniiran te uea, ao E korakora m'akana. E tiku raoi ni matoatoa ni nena aonnaba ao e aki kona ni kam'aingaki.

Taian Areru 96:10

Kam na kaangai nakoia botannaomata nako, “E uea te Atua! E tei n nene ni nena aonnaba n aki kona ni kam'aingaki; E na motiki taekaia botannaomata ma te eti.”

Taian Areru 96:9

Bobaraaki i m'ain te Atua ae Tabu ngkana E kaoti; Kam na karinanoingkami i matana, ngkami kaain aonnaba ni kabane!

Taian Areru 97:1

E uea te UEA; e na kukurei aonnaba! A na kim'areirei abam'akoro aika bati!

Taian Areru 97:4

E kaota aonnaba ana iti; e noria aonnaba ao e m'aeiei.

Te Otinako 25:22

N na kaitibo ma ngkami ikekei i marenaia maan ake uoman ao N na tuangko te b'ai ae a riai ni karaoia au aomata ao te b'ai ae a riai n aki karaoia.

Itaia 19:14

E a tia te UEA ni kamangaongaoa Aikubita; a tia taani kairiiri ni karaai waena ao ni kamumutaa kaanga te koro ni manging.

Ieremia 4:24

A ruru taian maunga;

Ieremia 49:21

A roko karongoaan uruam n Taari are Uraura ao e na ioioa te aonnaba.

Ieremia 5:22

riai n taromauriai ma te maaku ma n ruru? Boni Ngai ae I karaoa te bike are tokin te marawa. A na b'aro nao i aon te bike, ma bon ti tokiia anne.

Ieremia 50:46

E na ongo te aba karongoaan uruakakimi i buakoia botannaomata nako, ao e na ruru te aonnaba.

Etekiera 43:7

Etekiera ae natin te aomata, bon Au kaintokanuea te Tembora i aon te aba. N na maeka i buakoia Iteraera ikai n aki toki. A na aki manga oki ni kamatauningaai ngaiia ma aia uea n taromauri taian bouannanti ni baangotan te aba ke ni katei taian kanuringa i bukiia aia uea aika a tia ni mate.

Ruka 19:12

Ma ngaia are E taku: E nako te mataniwi temanna nakon te aba are raroa b'a e na kaueaaki iai, ao e na manga okira mwengana.

Ruka 19:14

Ma e ribaaki teuarei irouia ana aomata, ao a kanakoia taan taetae i bukiia b'a a na ri mwina, ao a na atongi taeka aikai n te aba are e mena iai teuarei: “Tiaki tangira teuaei b'a e na uea i aora.”

Ruka 19:27

Ao i bukiia taan ribaai akanne, akana a aki tangirai b'a N na tautaeka i aoia, kairiia mai, ao tiringiia i matau.”

I-Biribi 2:12

Ma ngaia aei, ngkami aika kam tangiraki i rou, kam aki toki n ongeaba, tiaki ti ngke I mena iroumi, ma ai moa ra riki ngkai I a raroa nako mai roumi. Kam na kekeiaki m'aaka, n ruru ni maku, b'a e aonga n reke raoi kamaiuami!

Te Kaotioti 11:17

ao a kaangai, “Ti katituaraoiko te Uea ae te Atua ae Moan te M'aka, ae iai ngkai, ao iai naba ngkoa, ao ti kaitauko. b'a Ko a tia ni kabongana m'aakam ae korakora, ao Ko uea!

Te Kaotioti 20:11

Ao I nora te kaintokanuea ae ab'ab'aki ae mainaina, ma Teuare tekateka i aona. A biri nako aonnaba ma karawa mai Rouna, ma akea te tabo ae a na nako iai.

Te Kaotioti 6:14

E mauna nako karawa n ai aron te niira ni boki ngkana e niniraki; ao a bane ni kam'aeaki nako maunga ma abam'akoro mani neia.