Taian Areru 81:3 - Te B'aib'ara

³ Katanga te bu i bukin te bootaki ae ab'ab'aki are te Toa ae Moan Otin Nam'akaina ao ngkana e a tanimainiku.

Taian Areru 81:3 Iomraidhean Croise

2.Uea 4:23

Ao e taku teuare buuna, E aera ngkai ko na kawaria n te bong aei, ao kai tiaki ngkai te Taabati ke te Toa ae Moan Otin Nam'akaina.

1.Rongorongo 15:16

Ao i mwiina, e tuangiia taani kairiiri Tawita b'a a na rineia kanoan Rewi tabeman b'a a na anene ma ni katangitang n taian aabi aika a uarereke, ao b'aai n katangitang riki tabeua, ao taian timbara.

1.Rongorongo 15:19

ao Etan are natin Kutiaia are kaain te kaainga are Merari.

1.Rongorongo 15:24

Aikai araia: Berekia, Erekana, Obeta-Etom, ao Ieia. Ao n te kabanea, Tawita e rineaia ibonga ake a na nakonako i matan te Atiniberita b'a taani katang bu. Ao aikai araia: Teb'ania, Iotiab'ata, Netanera, Amatai, Tekaria, Benaia, ao Erietera.

1.Rongorongo 16:42

Bon tabeia naba Eman ma Ierutun te katang taiani buu, ao katangakin taian timbara ao b'aai ni katangitang ake tabeua i nanon tain te taromauri n te Um'antabunrianna. Ao kanoan Rewi ake n te kaainga are Ierutun boni ngaiia ake taan tei i Kibeon.

1.Rongorongo 16:6

ao taian ibonga aika uoman ake Benaia ao Iatiera bon taan katangi buu ni katoa bong i matan te Atiniberita.

1.Rongorongo 25:1

Ao Tawita ma mataniwin te Tembora a rineia ana kariki Ataba, Eman, ao Ierutun b'a taan tararua te katangitang. A na neboa te UEA ni katangi taian timbara, aabi ao b'aai ni katangitang ake taiani karai. Aikai araia taani katangitang ma tabeia:

2.Rongorongo 13:12

Ao bon anne bukina ngkai E mena te Atua n ara itera ao e na kairiira nakon te buaka ngkana a katanga te kanikina ibonga n taiani buu. Kam kabane buakaa ami tai Iteraera, kam bon riai ni kab'araa nanomi. Bon akea manenan ae kam karaoia Iteraera, kam riai ni kab'ara nanomi. Bon akea ami anga ae kam na konaa iai te UEA ae te Atua are a taataromauriia ami bakatibu.

2.Rongorongo 13:14

Ao a ataia kaain ana taanga ni buaka Iuta b'a a m'ane, ma ngaia are, a tataro nakon te UEA. A katanga te kanikina ibonga n taiani bu,

2.Rongorongo 2:4

I a karaoa ngkai ana Tembora te UEA ae Atuau are e na taromauriaki iai. A na kabuokaki iai taian b'ai ni kaboiarara, ao e na anganaki iai te kariki are e tabu. A na anga karea nakon te UEA taan taromauri ni katoa ingabong ao tairiki, ni katoa Taabati, ao ni katoa te Toa ae Moan Otin Nam'akaina, ao ai arona naba ma taian toa ni kabane. A na karaoaki b'aai aikai n taai nako n aron are E a tia n baaireia te UEA.

2.Rongorongo 5:12

A kunnikainiia n te niiniira te rinen aika a tamaroa taani katangitang ake kanoan Rewi, n reitaki ma Ataba, Eman, Ierutun, ao natiia m'aane ao aia koraki. A tei i mainikun te baonikarea, ma ni katang taian timbara, aabi aika a uarereke, ao b'aai ni katangitang aika taiani karai.

2.Rongorongo 8:13

E iri taian babaaire i aon te angakarea are e anga Moote i bukin taiani karea n te Taabati, te Toa ae Moan Otin Nam'akaina, ma Toan te Kariki ae Aki Karikaki, ao te Toa ae M'anganikaai.

Taian Areru 149:3

Kam na kamoamoa arana n te b'ab'atere; katangi b'aai ni katangitang n neboia iai.

Taian Areru 33:2

Katituaraoa te UEA n tangin aabi; Anene nakoina ma b'ai ni katangitang aika iai karaia.

Taian Areru 98:6

Katang taiani bu, ao kanene b'anaami ni kim'areirei nakon te UEA ae ara uea.

B'aeb'aeti 2:6

E urua te Tembora are ti tataromauria iai ni kamaerikirikia; E katoki bong aika a kakannato ma Taabati. E korakora riki unna irouia uea ma ibonga.

Naum 1:15

Noria, e ri aon maunga n nakomai te tia uarongorongo, ma te rongorongo ae e raoiroi! I aon kawaina n taekina te tokanikai! Kaain Iuta, karaoi ami toa, ao angan te Atua baike kam a tia ni berita iai nakoina. A na aki konaa ni manga eweka abam aomata aika a buakaka. A tia ni bane ni kamaunaaki.

Warekaia Iteraera 15:3

Maan ake kam riai ni kabuoki i aon te baonikarea bon taiani kaomm'aane, tiibu mm'aane, ao taiani kooti b'a taiani karea ake kakukureiau. Ao kam kona naba n anganano n anga ami karea, ke i bukina ngke kam a tia ni berita iai, ke i bukina naba ngke boni kanoan waakin ami Toa. I kukurei ni boiararan bubun taian karea aikai.

Warekaia Iteraera 28:11

Kam na uoti nakon te baonikarea uoman kaomm'aane, ao temanna te tiibu mm'aane ae rangi n ikawai, ao itiman tiibu mm'aane aika teuana aia ririki ni maiu aika akea toabuakan rab'ataia. Kam na anga baikai b'a te karea are kakukureiau.

I-Korote 2:16

Ma ngaia are tai kariaia temanna b'a e na baireia b'a tera ae kam na kanna ao kam na nimma, ao tai kariaia naba b'a e na tuangngkami b'a kam na kawakina bongin te toa teuana, ma te Toa ae Moan Otin Nam'akaina, ma Taabati.