Taian Areru 8:3 - Te B'aib'ara

³ Ngkana I tarataraa karawa are Ko a tia ni karaoia, ma nam'akaina ma itoi, ake Ko katikui ni nneia

Taian Areru 8:3 Iomraidhean Croise

Karikani B'aai 1:1

Ngke E moana te karikib'ai te Atua, ao E karika moa karawa ma aonnaba,

Iobi 22:12

E koaua b'a E aki maeka te Atua i karawa are te kabanea n rietaata, ao E baraaki n tarai aon taiani itoi, e ngae ngke a bon rietaata naba.

Iobi 25:3

Iai ae kona ni warekia Ana anera ake a m'akuri i Rouna? Iai te tabo ae aki roko iai Ana oota te Atua?

Iobi 25:5

Kai akea naba raoiroin ootan nam'akaina, ke taian itoi i matana.

Iobi 36:24

E neneboaki ni b'aai ni kabane ake E karaoi, ao ko riai naba n neboia.

Taian Areru 104:19

Ko karika nam'akaina b'a b'aini baireani boong; Ao e ataa ana tai ni bung taai.

Taian Areru 111:2

Ai kamimiira baika E karaoi te UEA! Ane kukurei nanona ni baika E karaoi te Atua A na boni kawakin iai nanoia.

Taian Areru 148:3

Taai ma nam'akaina, kam na kamoamoaa; Itoi akana raneanea ootami, kam na kamoamoaa.

Taian Areru 19:1

A tataekina mimitongin te Atua taiani karawa, Ao a kaotioti baika E a tia ni karaoi taian nang.

Taian Areru 33:6

A karaoaki taiani karawa ma b'aai nako ake a mena iai n ana taeka te UEA.

Taian Areru 89:11

Am B'ai karawa ma aon te aba; Ko karaoa aonnaba ma b'aai ni kabane ake iai.

Te Otinako 31:18

Ngke bane ana taeka te Atua nakon Moote i aon te Maunga are Tinai, ao E anganna taian atiibu aika uoua aika raababa aika E a tia ni korei i aoia ana tua ni kabane, n oin tabonibaina.

Te Otinako 8:19

Ao a tuanga te uea taan tabunea b'a bon te Atua ae E karaoia. Ma n aron are E a tia n taekinna te UEA, e bon teimatoa naba n aki kan ongo te uea.

Ruka 11:20

Ma ngkana ni m'aakan te Atua ae I kanakoia iai taimonio, ao nanona ngkanne b'a e a roko Uean te Atua i aomi.

I-Rom 1:20

B'a a kaman noraki raoi aron te Atua aika aki nonoraki, are m'aakana ae akea moana ma tokina, ma arona n Atua, ma ngke a moa ni karikaki aonnaba; ao a ataaki ni baike E karaoi. Ma ngaia are, bon akea aonaia.

Te Tua-Kaua 4:19

Ao ngkana kam noora nam'akaina ke taian itoi, ao kam na aki bobaraaki n taromauriia. E bon katikuia te UEA ikekei b'a aonga n taromauriaki irouia botannaomata tabeua.