Taian Areru 4:5 - Te B'aib'ara

⁵ Kam na kareani karea ni koaua, ao kam na onimakina te UEA.

Taian Areru 4:5 Iomraidhean Croise

2.Tamuera 15:12

Ao a roko riki aomata aika a m'aiti ni kaakawara Abetarom ma ni uataboa ana iango ni kam'arua. I nanon taai akanne, e a tia ni karaba ni kanakoa te tia uarongorongo b'a e na tuangiia aomata ni kabane ni kaangai, “Ngkana kam ongo tangin te buu ao kam na bane n takaarua ni kaangai, ‘E a uea ngkai Abetarom i aon Eberon!’ ”

Taian Areru 2:12

Kaota karinean natina b'a ngkana kam aki, ao E na un iai, ao E na kamaunaingkami. Ma E na kakab'aiaia ni kabane akana a biri nakoina.

Taian Areru 26:1

Te UEA, Ko na kaeta taekau, B'a I karaoa ae eti, ao I onimakiniko ni koaua.

Taian Areru 37:3

Onimakina te UEA, ao karaoa ae raoiroi; Ko na maeka ma te rau raoi i aon te aba.

Taian Areru 50:14

E na riki ami katituaraoi b'a ami karea nakon te Atua, Ao kam na kakoro bukin ami taeka ni bau nakon Teuare Moan te Rietaata.

Taian Areru 51:19

Ao Ko a tib'a kukurei iai ni karea aika riai, Ao ane a na kareani kaom'aane i aon am baonikarea.

Taian Areru 62:8

Kam na onimakina te Atua n taai nako, ngkami aika au aomata. Tai toki n tuangnga ami kangaanga ni kabane, b'a Ngaia nera ae ti rau raoi iai.

Taian Areru 77:7

E na teimatoa n ribaira te Uea ke E na aki? E nang aki manga kukurei iroura?

Itaia 50:10

Bon akea mairoumi ae e karinea te UEA ke n ongotaeka nakon ana tia m'akuri. Ko nakonako n te roo ao tiaki te oota; ko aki onimakina aran te UEA ae Atuam.

Itaia 61:8

I tangira te motikitaeka ae eti Ngai ae te UEA! Ma I ririibaa te kimoa ao te motibuaka. au Aomata, I kamatoa au berita nakoimi b'a N na anganingkami kaniwangami te boraraoi ae akea tokina.

Maraki 1:8

Kam bon aki ataia b'a e bure kareanakin taiani man aika a mataki, m'auku, ke a aoraki? Ao ngkana ngaia kam na ti kataia n anga taiani man aikai nakon te koowana. Ni koauana e na bon aki kani kukurei ke ni buokingkami.

Mataio 5:23

Ma ngaia aei, ngkana ko nang anga am karea nakon te Atua n te baonikarea, ao ngkana ko uringa tarim iai b'a e un i roum i bukin te b'ai ae ko a tia ni karaoia,

Te Tua-Kaua 33:19

E na kabatiai ami b'ai taari, ao a na reke kaub'aimi man tanon te bike. Ma ngaia are, kam na kaoiia baronga ake tabeua b'a a na raoningkami n ami bootaki ao n ami angakarea nakon te Atua.

1.Betero 4:19

Ma ngaia aei, b'a akana maraki, ngkai bon nanon te Atua i bukiia, ao a na mwiokoi maiuia n aroia ni karaoa ae e raoiroi iroun te Tia Karikiia ae kakaonimaki.