Taian Areru 17:3 - Te B'aib'ara

³ Ko ataa nanou; Ko a tia ni kawarai n te bong; Ko a tia n nenera arou ao akea te nano ae buakaka irou. E a tia n au iango b'a n na bon aki tataekina te kewe.

Taian Areru 17:3 Iomraidhean Croise

Taian Areru 26:2

Te UEA, Ko na nenera nako arou, ao kataai; b'a tera nanou ma au iango.

M'akuri 11:23

Ngke e roko ao e nora aron ana akoi te Atua nakoia, ao e kim'areirei; ao e kaungai nanoia ni kabane b'a a na nim ma te UEA ma nanoia ni koaua.

Taian Areru 39:1

I kaangai, N na taraa raoi kawaiu ao N na taua neweu man te bure; N na katokai baiu n rabun wiiu ngkae a mena i rariku taani bure.

Iobi 23:10

Ma e ngae n anne, ao E atai m'anekau ni kabane te Atua; ao ngkana E kataai, ao E na bon kakoauaai b'a bon akea au bure.

Maraki 3:2

Ao ngkana e roko te bong aei, e na riki b'a kaanga te ura ae e korakora are e karana te tirewa ke kaanga te toobu ae e korakora i nanon te betin n uaati. Bon akea ae e na konaa n teirake ni kaaitaraa.

Tekaria 13:9

Ao i mwiina, N na kaitiakia ma ni karaoia b'a a na kataaki, kaanga te koora ma te tirewa ngkana a kaitiakaki ma n tuoaki. Ane a na tataro n arau, ao N na kaekaia. N na kaangai, “Au aomata ngkami,” ao a na kaeka ni kaangai, “Bon te UEA Ngkoe ae Atuara!”

Taian Areru 139:1

Te UEA, Ko a tia ni kekera nako arou ao Ko ataai.

Taian Areru 119:106

I a tia ni kab'aka au taeka, ao N na kakoaua b'a N na tou mwin am Babaire aika raraoi.

Taian Areru 66:10

Te Atua, Ko a tia ni kataira b'a ti uara! Aron te tirewa ni kaitiakaki n te ai, ao ai bon arora naba ni kataaki b'a ti aonga n itiaki.

1.Betero 1:7

b'a e aonga n riki kataan ami onimaki, ae kakawaki riki nakon te koora ae kai mauna are e boni kataaki naba n te ai b'a ua ra, b'a kamoamoami ma neboami ma karineami ngkana E a manga oki Iesu Kristo,

Mika 2:1

Ai rekera kaiia aomata ake a aki matuuakin aia iango aika a buakaka, ma ni iangoi waekoan koron bukiia nakon te ingabong. Ni bon te tai are e reke iai aia tai, ao a karaoa naba te buakaka are e a iangoia.

Otea 7:6

E ura uniia kaanga te ai ae e m'akarokaro ni kangainaa, ao e a uraura ngke e a kaarangaina.

Ieremia 50:20

N na kamaiuia ti tabeman mai Iteraera ao Iuta. N na kab'ara raoi aia bure n te aro ae a na bon mauna nako raoi aia bure ma aia kaairua, ao a na aki manga nooraki.

Taeka n Rabakau 13:3

Kaawakina te b'ai ae kam ataia i bon iroumi, ao kam na maiu; te b'arantiko, e na bon urua arom.

Taian Areru 16:7

I neboa te UEA b'a E kairiirai, E kakauringai n te tairiki n ootan nanou.

Taian Areru 11:5

E neneri aroia aomata aika raoiroi ma aika buakaka; ao E ribaia taani kakiriwe ma nanona ni koaua.

Taian Areru 7:4

I tuai kam'anea raoraou ke ni iowawa nakon au kairiribai n akea bukina.

Iobi 24:14

E kautinako n te kaarangaina te tia tiriaomata n tiringa te aomata ae kainano, ao e a manga kimoa n te tairiki

1.Tamuera 26:23

E na anga te kaniwanga te UEA nakoia aika a kakaonimaki ma ni karaoa ae e raoiroi. E nang kaaki taekam i nanoni baiu te UEA, ma I aki karaoa ae e buakaka nakoim, ngkoe ae ko rineaki b'a ko na uea iroun te UEA.

1.Tamuera 24:12

Ke e motikitaekara te UEA b'a antai ae e bure mairoura! Ke E katuaaeko i bukin arom nako iu, b'a N na bon aki karaoa te b'ai teuana nakoim.

M'akuri 16:9

E nora kaanga te mii B'auro e bong: e tei te aomata temanna ae te I-M'aketonia ni butiia, ao e kaangai, “Nako mai nako M'aketonia ni buokira!”

1.Tamuera 24:10

ko konaa n nooria raoi b'a E a tia te UEA n anga ngkoe nako aani m'aakau. A tuangai tabeman au rorobuaka b'a N na tiringko, ma I nanoangaiko ao I taku b'a N na bon aki kona n tiringko, b'a boni ngkoe temanna ae E a tia n rineiko te UEA b'a ko na uea.

Iakobo 3:2

B'a akea iroura ae aki kaairua; ao ngkana iai ae aki kaairua n ana taeka, ao bon te aomata ae kororaoi n arona, ae e kona ni bweena rab'atana ae b'anin.

2.I-Korinto 1:12

B'a aio kamoamoara, ao ana kaotioti mataniwin nanora: b'a n arora ni maiu n te aonnaba aei, ao ai moa ra riki n arora nako imi, ao ti a tia ni b'aina te maiu ae tabu ae itiaki are mairoun te Atua, tiaki n te rabakau n aon te aba, ma n ana akoi te Atua.

1.I-Korinto 4:4

B'a I aki ata te b'ai ae I bure iai; ma aei e aki kakoaua arou b'a I aki kabuakakaki. Bon te UEA ae te tia motika taekau.

1.Tamuera 26:11

E na bon aki kariaia te UEA b'a N na tiringnga teuae E a tia n rineia te UEA b'a e na uea! Ti na anaa ana kaniwai ao ana tiaeki n ran, ao tia nako naba.”

1.Rongorongo 28:9

Toromon ae natiu te m'aane, kona riai n taromauria te Atua ao ongotaeka i rouna ma nanom ni kabane ma am iango, n aron are I a tia ni karaoia. E atai am iango ni kabane ao bukin karaoan b'aai iroum, ao ngkana ko tang nakoina, ao E na ongo am tataro nako. Ma ngkana ko aki kubariia, ao e na bon aki tabeakiniko n aki toki.

1.Rongorongo 29:17

Ma ti kukurei b'a a tia aomata ni kabane n anganano ni baikai. Ko bon atai nanoia aomata ni kabane, ao ko boni kukurei ngkana a karaoa ae e raoiroi aomata nako.

Taian Areru 139:23

Te Atua, ko na kekera nako arou, ao ataa nanou, Ko na kataai, ao kunei au iango.

Ieremia 12:3

Ma ko ataia te UEA, b'a e kaanga ngkoa aron au kakaonimaki, e ngae naba ngkana bon inanou. Ma ngaia are, Ko na katikitikiia nako au kairiribai ma n tiringnga kaanga te tiibu!