Taian Areru 139:2 - Te B'aib'ara

² Ko atai b'aai ni kabane aika I karaoi; Ko ataa nanou mai kiraroa.

Taian Areru 139:2 Iomraidhean Croise

Karikani B'aai 16:13

Ao e taku Nei Aka i nanona, “I a kara ao I a noora te UEA, tao E kamaiuai b'a N na taetaekinna!” Ma ngaia are e arana te UEA are E a tia n taetae nakoina b'a, “Te Atua ae matairiki.”

2.Uea 19:27

“I atai rongorongom ni kabane, I ataia naba ma aron korakoran unim irou.

2.Uea 6:12

Ao e taku temanna mai buakoia, “Te uea ae ko karineaki. Bon akea mai buakora. Ma bon te Iteraera ae arana Eritai. Bon te burabeti ngaia, ma ngaia are, e konaa n tuanga ana uea b'aai ni kabane, e ngae naba ngkana taian rongorongo aika ko taekin i nanon ae bon oin am ru.”

Taian Areru 44:22

Ma ti kaitaraa ma te mate i bukim n taai nako, Ao ti riki b'a kanga tiibu aika nang kamateaki.

Taian Areru 56:8

Ko ataa arou n aki rau; Ko kawakin taekan mwin m'aitin rannimatau tiaki a koreaki taekaia n am Boki?

Taian Areru 94:11

E ataa te bae a iangoia te UEA; E ataa ae akea kanoan nanon aia iango.

Taeka n Rabakau 15:3

E noori b'aai ni kabane te UEA aika a raoiroi ma aika a buakaka.

Itaia 37:28

I a kaman ataiko e ngae ngkana ko a rangi ni un irou.

Etekiera 11:5

E niniai Tamnein te UEA ao E tuangai b'a n na tuangiia taani kairiiri ni kaangai: I atai baika kam taekin ngkami aika taani kairiiri Ngai ae te UEA ae te Atua.

Etekiera 38:17

Ao e taku te UEA nakon Koka: N taai ake ngkoa I tuangiia Au burabeti b'a a na kauringiia Iteraera b'a n te bong teuana N na kanakoa te kairiribai b'a e na buakaniia. Boni ngkoe Koka te kairiribai, ao e a roko te bong anne.

Tekaria 4:10

Ane a na manga kukurei aomata ake a b'ainingarea te waaki ngke e a tib'a waakinaki, ngkana a noora Terub'abera n taua te atiibu ae e kakaawaki aei. Ao oneani mwiin matau taian taura aika itiua aikai, matan te UEA, a noori b'aai nako n te aonnaba.

Mataio 9:4

E atai nanoia Iesu, ma ngaia are E taku, “Kam aera ngkai kam iangoa ae buakaka i nanomi?

Ruka 9:47

Ma ngke E atai nanoia Iesu, ao E anaa te teei ao E kateia i rarikina,

1.I-Korinto 4:5

Ma ngaia ae kam na tai motika taekan te aomata i m'ain taina raoi, are tain rokon te UEA, are E na kaoti b'ain te roo aika raba, ao E na kaoti naba iango aika raba i nanoia aomata. Ao ngkanne ane a na anganaki aomata nako kamoamoaaia mairoun te Atua.

Te Tua-Kaua 31:21

Ngkana I katuaaia Iteraera ma kanoaia n taian karawaawata ma kabuanib'ai, ao N na kauringiia ae a na ataia b'a a bon atai taekan te anene aei. Ma ngaia are, bon akea aonaia ngkana a aki ongotaeka irou. N na anganiia te aba are I berita iai nakoia, ao I bon atai raoi baika a na karaoi rimwi.