Taian Areru 102:2 - Te B'aib'ara

² Tai karabako mairou n te tai ae I reke iai n te kaangaanga. Katanimaia taningam nako iu, ao bareiko n ongo irou ngkana I weteiko iai.

Taian Areru 102:2 Iomraidhean Croise

Iobi 34:29

Ngkana e bon taku te Atua b'a akea te b'ai ae na karaoia, ao akea temanna ae kona n tiribureia. Ngkana E karaba matana, e na aki reke buokaia aomata.

Iobi 7:21

Ko aki kona ni m'anuokin au bure? Ko aki kona ni kab'arai au bure ake I a tia ni karaoi? N na roko n ruanimateu n te tai ae waekoa, ao N na bua mai kai ngkana Ko kakaaeai.

Taian Areru 104:29

A maaku ngkana Ko tan nako; A mate ngkana Ko motiki ikeia, Ao a manga okira te tano are a nako mai iai.

Taian Areru 13:1

Te UEA! maanraa Ngkoe ni m'anuokina taekau? E na maan n akea tokina? Ko na kaotiko nningai?

Taian Areru 143:7

Te UEA, Ko na ongo ngkai irou! Akea au kaantaninga. Tai karabako mairou, b'a I kaawa n riki b'a temanna i buakoia ake a tia ni mate.

Taian Areru 17:1

Te UEA, ko na ongora au bubuti i bukin am motikitaeka ae eti Anga taningam nakoni b'anaau ni kani buokaki! ae nako mai nanou ni koaua.

Taian Areru 22:19

Te UEA, tai kararoako! Ngkoe ae korakorau, bareiko ni buokai!

Taian Areru 27:9

Ma ngaia ae tai karabako mairou. Ngai ae am Toro, te UEA Ko a tia ni buokai; Tai kitanai, tai taeanibai nako mai rou, Ngkoe ae te Atua, ae au Tia Kamaiu.

Taian Areru 31:2

Ongo irou, bareiko ni kamaiuai! Ko na riki b'a au b'a ae rietaata ae nneu ni katantan, ao au nono ni kamaiu.

Taian Areru 40:13

Te UEA, taiaoka ma bareiko ni kamaiuai!

Taian Areru 69:17

Tai karabako mairoun am Toro; Bareiko, buokai, b'a I taonaki n te kaangaanga ae korakora.

Taian Areru 70:1

Te Atua, Ko na kamaiuai! Te UEA, Ko na bareiko ni buokai!

Taian Areru 71:2

Ko na buokai ni kamaiuai i bukina ngkai Ko raoiroi. Ongo irou ao kamaiuai!

Te Otinako 2:23

A bon teimatoa naba Iteraera ni ngurengure i mwiin maten uean Aikubita i bukina ngke a kairoroaki b'a a na riki b'a tooro. Ao a tang ni buubuti buokaia,

Te Otinako 2:24

ao E ongo tangiia ae e korakora te Atua. E aki m'aninga ana berita are E karaoia ma Aberaam, Itaaka, ao Iakob'a,

Itaia 43:2

Ngkana ko ri nanon te iabuti, ao I memena iroum, ao ko na aki b'ab'a. Ngkana ko ri buakon te ai, ko na aki bue ke ni maraki ni kabuebuena.

Itaia 65:24

Im'ain tokin aia tataro, ao N na kaekai aia tataro.

Itaia 8:17

Man te tai arei ni karokoa ngkai, ao I bon tiku naba n onimakina te UEA, e ngae ngke e a aki kukurei iroun Iteraera.

1.I-Korinto 10:13

Te kataaki ae e a tia n roko i roumi boni ngaia naba are e roko irouia aomata nako. Ma E kakaonimaki te Atua, ao E na bon aki kariaingkami b'a kam na kataaki i aon ami kona; ma n te tai are kam kataaki iai, ao E na karekea naba te anga are kam na butaki nako maiai, b'a kam aonga ni kona n taon nanomi.