Taian Areru 101:5 - Te B'aib'ara

⁵ N na kamaunaa ane wirikiriki ni winantia raona; N na aki raoraona ane mata ni karietata ao e kainikatonga.

Taian Areru 101:5 Iomraidhean Croise

Taian Areru 138:6

Ko boni ngae ni mena i eta ike rietaata, ma Ko bon tabeakiniia naba akana nanorinano, Ao a aki kona n raba mairoum akana kainikatonga.

Taian Areru 15:3

ao aki wiwinanti; a katitebooi aroia aomata nako man aki taetae n aki akaaka.

Taian Areru 18:27

Ko kamaiuia akana mangori, ao Ko kamangoria akana kainikatonga.

Taian Areru 50:20

Ko tauraoi n tataetae ni bukiniia am utu b'a a bure, Ao ni kabuakakaia.

Te Otinako 20:16

Ko na aki bukina temanna n te aro ni kewe.

Te Otinako 23:1

Kam na aki kabutanakoa te uarao ke ni buoka te aomata ae buakaka ni kaotioti i bukin ana kewe.

Taeka n Rabakau 10:18

Kam konaa ni karabaa nanomi ni kairiribai ngkana kam taekina te kewe, ma bon te nanobaba ngkami ngkana kam touakina te kewe.

Taeka n Rabakau 20:19

Kararoako man taiani winanti— a tuangko b'aai ni kabane.

Taeka n Rabakau 21:4

A kainikatonga aomata aika a buakaka ao a kamoamoa, ma bon akea riki arokaia ae a unikia i rarikin te bure.

Taeka n Rabakau 25:23

Ngkai e bon waaki te karau mai meang, ao ai aron naba taeka aika a buakaka b'a a nako man te maraki n nano.

Taeka n Rabakau 30:13

Ao tabeman a kainikatonga ao a karaoi aia m'akuri taani kamoamoa;

Itaia 2:11

Ngkana e roko te UEA, ao a na kananorinanoaki aomata ngkoa ake a kamoamoa, ao e na neboaki te UEA n ti ngaia.

Etekiera 22:9

A karaoa te kewe tabeman aika bon oin am aomata, n te aro are a tiringaki ake tekorakina. A kang iriko ni man ake a kareanaki nakon taian bouannanti ni baangotan te aba, ao ake tekorakina a aki konaa ni katoka karaoan b'aai aika a kammaira.

Taniera 4:37

Ma ngaia are ngkai, I neboa Ueani karawa ngai ae Nebukaneta, ao ni karinea ma ni kamoamoa ueani karawa. A bane ni koaua ma n eti baika E karaoi, ao E kona ni karinanoa te aomata ae e kainikatonga.”

Nakoaia Ibonga 19:16

Tai riki b'a te tia wiwinanti, ao tai tatab'ara n taetae n te kabowi, ti ngkana e na boni maiu temanna n am kaotioti.

Ruka 18:14

Ao E taku Iesu, “I tuangngkami b'a e nako teuare te tia anai taekiti nakon ana auti ma raun nanona b'a a kab'araki ana bure, ma e aki reke aei iroun teuare te B'aritaio, b'a ane e karietata ao e na kamangoraki; ao ane e kamangoria ao e na karietataki.

1.I-Korinto 5:11

Ma are I nanonna n au koroboki, b'a kam na aki raona te aomata ae atongaki b'a te tia onimaki, ao ngaia bon te tia wene ni bure, ke e mataai ni kanib'aib'ai, ke te tia taromauri bouannanti, ke te tia taetae n iowawa, ke te tia mamanging, ke te tia babakanikawai; kam na tai am'arake naba ma ngaia.

1.Timoteo 3:11

Ao ai aroia naba aine aika taani buobuoki a na aki b'aina te bakanrerei, a na tai winanti, a na tau baangiia, a na kakaonimaki nakoni b'aai ni kabane.

Tito 2:3

Ao ai aroia naba unaine, ko na taetae n reireiia b'a a na b'aina te maiu ae iai karinean te Atua iai; a na tai winanti, a na tai toronaki n te kamanging; ma a na riki b'a taan reirei baika raraoi:

1.Tamuera 2:3

I kona n tuangiia aomata aika kamoamoa ni kaangai, “Katoka ami kamoamoa! Bon akea te b'ai teuana ae raba mairoun te UEA, ao e baairei baika ti karaoi.”