Taian Areru 10:4 - Te B'aib'ara

⁴ E aki kan reitaki teutana ma te Atua te aomata ae buakaka; E taku n ana iango b'a akea te Atua.

Taian Areru 10:4 Iomraidhean Croise

Karikani B'aai 6:5

Ao ngke E noori aia m'akuri aika buakaka aomata ni kabane n te aonnaba te Atua, ma aia iango aika kammaira n taai nako,

Iobi 22:17

Aikai aomata aika rarawa nakon te Atua, ake a taku b'a akea te b'ai ae E kona ni karaoia te Atua nako ia.

Taian Areru 101:5

N na kamaunaa ane wirikiriki ni winantia raona; N na aki raoraona ane mata ni karietata ao e kainikatonga.

Taian Areru 18:27

Ko kamaiuia akana mangori, ao Ko kamangoria akana kainikatonga.

Taian Areru 27:8

E tuangai nanou b'a N na tataro. E ingainga nanou ni kan nora matam,

Taian Areru 36:1

Akea karinean te Atua irouia taani bure; ti te bure kanoan aia iango.

Taian Areru 53:1

E taku te nanobaba i nanona, “Akea te Atua.” Aomata aika aroia aio bon aomata aika a bure aroia, Ao a karaoi baika bati n ribaki: akea temanna ae karaoa ae e raoiroi.

Taian Areru 73:11

Ao a kaangai, “E na aki ataia te Atua; E na aki kona ni kunea te Atua are Moan te M'aaka.”

Te Otinako 5:2

Ao e kaeka te uea ni kaangai, “Antai te UEA aei, ao bukin tera ngkai N na ongotaeka i Rouna? I rawa ni kanakoi ngkami ma ami aomata!”

Taeka n Rabakau 21:4

A kainikatonga aomata aika a buakaka ao a kamoamoa, ma bon akea riki arokaia ae a unikia i rarikin te bure.

Taeka n Rabakau 30:13

Ao tabeman a kainikatonga ao a karaoi aia m'akuri taani kamoamoa;

Taeka n Rabakau 30:9

Ngkana e a manga rangi n rawata kanau, ao ane n na manga m'aninga taekam; ao ngkana e a manga aki tau, ao ane n na manga kimoa ma ni kamamaaea aram.

Taeka n Rabakau 6:17

Aomata aika a kainikatonga ke ni b'anga ni kewe ke n tiriaomata,

Te Minita 8:11

Ngkana ti nooriia aomata aika buure ma buakaka b'a a teimatoa ni kaakaraoa te bure ao a aki katuaaeaki, ao e na kairiira b'a ti na kani kaakaraoa naba te bure.

Itaia 2:11

Ngkana e roko te UEA, ao a na kananorinanoaki aomata ngkoa ake a kamoamoa, ao e na neboaki te UEA n ti ngaia.

Itaia 3:9

Taraan moamoami e oti iai b'a ti te bo ami bure ma kaain Tootom, ao kam aki kataia ni karabaa. Kam a reke n te kaangaanga, ao kam a bon tia ni katokai i aomi ni kabane.

Itaia 59:7

Kam waetata nakon karaoan te kaairua ke tiringan konami aika akea aia bure. A akea riki te b'ai ae kam iaiangoia i rarikin te bure; a tiku n urubekebeke taabo akana kam kiitan.

Itaia 65:2

I kabongnga ni kawaria aika a bonotaninga ao aika a taani bure aika a touanako kawaia.

Ieremia 2:31

Ao ngkai kam na ongo nakon te b'ai ae I taekinna! Iai te tai ae I kiitaningkami iai i nanon te rereua ke I katobibingkami n te rootongitong? Bon au aomata ngkami, ao i rarikin anne kam a tia ni kaangai nako iu, “Ti na karaoa te b'ai ae ti tangiria, ao ti rawa n taromauriko!”

Ieremia 4:14

Ma Ierutarem, e bon reke naba ami tai ni iangoi maiumi Teboki taiani bure mai nanomi ao katoka babaairean iango aika a bure,

Teb'ania 1:12

“N te tai arei, N na anaa te taura mani kibeea nanon Ierutarem. N na oroia ake akea raraoman nanoia, man onimakiniia i bon irouia, man taku, “Akea te b'ai ae E kona ni karaoia te Atua nakoira, ni kakab'aiara ke ni karekekaira.”

Teb'ania 2:3

Okira te UEA ni kabane ngkami aika kain te aba aika kam nanorinano, ngkami aika kam kawakin Ana tua. Karaoa ae e riai ao nanorinano i matan te UEA, Antai ae e ataia ao e na reke nanoangami iroun te UEA.

Mareko 7:21

B'a a oti nako mai nanon te aomata ao man ana iango, naano aika buakaka, ake a kairiia b'a e na karaoi baika buakaka: b'a e na wene ni bure ma aika akea buia, e na kimoa, ao e na tiritiri; e na wene ni bure ma aika iai buia,

M'akuri 8:22

Ma ngaia ae ko na raira nanom n raraoma i bukin am iango ane reke i roum anne, ao butiia te Atua b'a tao E na kab'ara buren am iango anne, ngkana arona.

I-Rom 1:21

A ata te Atua, ma a aki anganna neboana ngkai te Atua Ngaia, ao a aki kaitaua; ma a riki aia iango b'a baika akea bonganaia, ao a karooaki nanoia aika aki wanawana.

I-Rom 1:28

Ngke a rawa ni kaaki i nanoia ataakin te Atua, ao E katikuia n aroia aika ti te iangoi baika kammaira, b'a a aonga ni karaoi m'akuri aika aki riai.

I-Ebeto 2:12

ao kam tuai n reitaki ma Kristo ngkekei, ngke kam ianena nakoia te botannaomata ae Iteraera, ao akea nnemi n taiani boraraoi ake kanoan te taeka n akoi, akea ami kaantaninga ao kam aki reitaki ma te Atua ni maiumi i aon te aba aei.

Te Tua-Kaua 8:14

Ma ngkana a riki baikai, ao kam na aki kainikatonga. Kam na aki m'aninga ae bon tooro ngkoa ngkami i Aikubita, ao bon te UEA ae kainaomataingkami.