Taian Areru 10:2 - Te B'aib'ara

² A b'ainikirinaki aomata aika akea aia b'ai irouia aomata aika a kainikatonga. Ane a na boni m'ane n aia babaaire aika a boni bubuaka.

Taian Areru 10:2 Iomraidhean Croise

Taian Areru 109:16

Akea iroun te aomata anne iangoani kani karaoan te m'akuri n ataataiaomata: E b'ainikiriniia ma ni kamateia akana akea aia b'ai, ma akana a kai nanoia, ma akana a b'ara nanoia.

Taian Areru 119:122

Buokai ao kamanoai, ngai ae am toro; A na tai karawawataai akana kainikatonga.

Taian Areru 119:5

Bon au kaantaninga b'a N na kakaonimaki n tauu am Tua!

Taian Areru 119:69

A taekinai n te aro ni kewe akana kainikatonga, Ma I ongeaba nakon am Tua ma nanou ni koaua.

Taian Areru 119:85

A keni kinono b'a a na kam'aneai iai akana kainikatonga, akana aki ongeaba nakon am Tua.

Taian Areru 140:5

A tia aomata aika a kainikatonga aikai ni karabai taian b'ainikam'ane ao taiani karaun b'a a na kam'aneai ngkana I nakonako.

Taian Areru 31:18

Kaini wiia taani kewekewe, ake a taetae ni kainikatonga n taku b'a akea manenaia aomata aika raoiroi.

Taian Areru 36:11

Tai kariaia b'a a na eekainako akana kainikatonga, Ke a na kakioai nako aomata aika buakaka.

Taian Areru 59:12

A bure n aia taeka ni kabane: Ke a m'ane n aia kainikatonga. Ao i bukin aia karereanti ma kewekewe,

Taian Areru 7:16

B'a e na boni b'akaraki ni mwin oin ana m'akuri ae e buakaka, ao e na ikoaki ni mwin oin ana iowawa.

Te Otinako 18:11

I a bon ataia ngkai b'a E boni korakora riki te UEA nakoia atua nako, i bukina ngke E karaoa aei ngke a karaoa te m'akuri ae buakaka kaain Aikubita nakoia Iteraera.”

Te Otinako 9:17

Ma ko bon kamoamoa naba ao ko rawa ni kanakoia au aomata.

Taeka n Rabakau 5:22

A m'ane taani bure ni bon oin aia m'akuri ake a tia ni karaoi.

Itaia 14:13

Ko taku i bon iroum, “N na tam'arakea karawa ni kaaki au kaintokanuea iai i etan taian itoi. N na tekateka ikekei ma taian anti ake a raroa nako i meang.

Itaia 14:16

Ane a na miimi akana a nooriko ao a na taraiko ao a na kaangai, “Aio ngkoa te m'aane are e karurua te aonnaba man ioioi taian abanuea?

Ieremia 43:2

Ma a taku nako iu Ataria, Ioanan ao tabeman mm'aane aika a kainikatonga, “Ko kewe! E bon aki tuangko te UEA b'a ti na aki nako Aikubita.