Taian Areru 1:3 - Te B'aib'ara

³ Ti te bo ma te kai are e tei i rarikin te tabo n ran: e maiureirei ao e kariki uaana n ana tai n uaa, ao e aki rai baana. A bane ni materaoi baike e karaoi.

Taian Areru 1:3 Iomraidhean Croise

Karikani B'aai 39:23

Ao e aki tabe ma b'aai ni kabane te tia tararua te karabuuti b'a e a tia n angan Ioteb'a te mwiokoaki, i bukina ngke E mena te UEA iroun Ioteb'a, ao E kakab'aiai b'aai ni kabane ake e karaoi.

Karikani B'aai 39:3

are e nooria b'a E memena te UEA iroun Ioteb'a ma ni kakanakoraoi b'aai ni kabane ake e karaoi.

2.Uea 18:7

E buoka Etekia te UEA, ma ngaia are, a kororaoi bukin b'aai ni kabane ake e karaoi. E kakaitaraa naba uean Aturia, b'a a rawa n riki b'a ana toro.

1.Rongorongo 22:11

Toromon, natiu te m'aane, I tataro ngkai b'a E na memena iroum n taai nako te UEA ae Atuam ma ni kaawakina ana berita ni buokiko ni katea te Tembora i bukina.

1.Rongorongo 22:13

Ngkana ko ira nanon Ana tua nako ma ana reirei ake E a tia te UEA n angan Moote, ao ko na bon tetekeraoi. Ko na korakora ao ko na ninikoria ao e na aki b'ab'ara nanom ke ni maaku ni b'aai nako.

2.Rongorongo 31:21

Bon te uea ae e tetekeraoi, i bukina b'a e ongotaeka iroun te UEA ae te Atua ma nanona ni kabane.

2.Rongorongo 32:23

A uoti aia angab'ai aomata nako Ierutarem i bukin te UEA ao taian b'aintangira naba aika a rangi ni bobuaka i bukin Etekia, ao man te bong anne, a bane botannaomata n te aonnaba ni karinea Etekia.

Iobi 14:9

Ma a na teberake taian tabera ngkana a bo ma te ran. E na katinakoi m'aangana n ai aron te aroka ae a tib'a bwebwerake.

Iobi 22:28

A na kokororaoi bukin b'aai ni kabane aika ko karaoi; ane na oota te oota i aon kawaim nako.

Taian Areru 128:2

Ane ko na kana uaani mwin am M'akuri; ko na kukurei ma n tetekeraoi.

Taian Areru 129:8

Ao tai kariaia naba temanna are rirarikiia n taetae ni kangai nako ia, “E na kakab'aiaingkami te UEA! I anganingkami au kakab'aia n aran te UEA.”

Taian Areru 92:14

A na teimatoa n uaa e ngae ngkana a kai nikawai, Ao a na teimatoa korakoraia ma mangurorooni baaia.

Taian Areru 92:15

E kaotaki n aei b'a E b'ab'aina te eti te UEA, Ao akea te b'ai ae buakaka iroun te tia kamanoai.

Itaia 27:11

Ao ngkana a b'aka m'aangana aika a m'aoto i aontano ao a manga roko aine n anaia b'a kanaan aia ai. Ma a bon rangi n nanobaba aomata aikai n te aro are E aki konaa n nanoangaiia te Atua are e karikiia.

Itaia 3:10

Tuangiia aomata aika a ongotaeka iroun te Atua ni kaangai, “Kam rangi n tekeraoi kam na anganaki kaniwangami i bukin te b'ai ae kam a tia ni karaoia.”

Itaia 44:4

A na bwebwerake kaanga taiani uteute ke kaai aika wiiro aika a mena i rarikin taiani karaanga n ran.

Itaia 58:11

E na kairingkami n taai nako te UEA ma ni katauraoi b'aai aika a raoiroi i bukin kanami ngkana kam mena i nanon te rereua. E na angan rab'atami te marurung raoi. Kam na riki b'a kaanga te nne n aroka ae e m'aiti iai te ran ke te karaanga n ran ae a aki konaa n iki.

Ieremia 17:8

A na riki b'a kaanga taian aroka aika a maiu i rarikin te raanga n ran aroka aika a roko wakaaia n te ran ao baaia aika a mawaawa n taai nako. A katiinakoa te uaa ni katoa ririki ao a aki konaa n tare n te ran.

Etekiera 17:8

Ma e bon maiu te kureebe i aon te tano ae e maiu reirei, ike e m'aiti iai te ran ma ni karekei taiani baa aika a manguroroo ao taiani uaa aika a buubura.

Etekiera 19:10

Bon te kai ae te kureebe tinam ae e maiu i rarikin te raanga n ran. E rangi n m'aiti te ran, ai ngaia are e a kaon m'aangana n taiani uaa aika a m'aiti.

Etekiera 31:5

Ma e bura riki taberan te aroka aei i aon taian aroka ake tabeua, ao a rikirake n ab'ab'aki m'aangana nako.

Etekiera 47:12

A na maiu taian kai n am'arake i mataniwiin te karaanga aei ao a na katiinakoi taiani uaa aika a raraoi ni katoa nam'akaina. A na aki rai baana, i bukina b'a e tebotebokaki n taai nako n ranin te raanga n ran are e raanga man te Tembora, ao e na kamanenaaki i bukin kamaiuaia aomata.

Warekaia Iteraera 24:6

Kaanga ai aron taian b'ariko ni baam, ke te nne n aroka ae mena i rarikin te karaanga. Ti te bo ngkami ma aroka ake taian aroti aika rietaata aika E a tia n uniki te UEA, ke ai aron taian tira aika maiu i rarikin te ran.

Mataio 13:6

ma ngke e kabo rake taai, ao a urarake; a mate i bukina ngke a aki roro nako wakaaia.

Mataio 21:19

E nora te biku tekaina i rarikin te kawai, ao E nako iai; ao akea te bae E kunea iai b'a ti baana; ao E taku nako iai, “E na tai manga oki n riki uaam!” Ao e rai te biku n te tai naba arei.

Mataio 21:34

Ngke e a roko tain uaa ni kai n tawaa, ao e kanakoia ana toro teuarei nakoia taan tararua te onaroka b'a a na anai tib'angana mani kureebe, n aron are e a tia ni katauaki;

Mataio 21:41

A taku nako Ina, “Ane e na kamateia aomata ake a buakaka akekei n te aro ae a na kananoanga iai; ao e na anga taekani nnen te kureebe nakoia tabem'aang b'a a na tararuaia i bukina, ao a na anganna tib'ana man uaa n tain uaa n tawaa.”

Ioane 15:6

Ane aki nim ma Ngai, ao e teweaki nako n ai aron te m'anga, ao e rai. A bobotaki aeka ni m'anga aikai, ao a teweaki nako nanon te ai, ao a bue.

Te Tua-Kaua 28:8

E anganingkami te aba aei te UEA, ao E na katetekeraoingkami ni b'aai ni kabane aika kam karaoi. E na rangi ni m'aiti uaan ami tai n te aro are a na onrake ami auti ni kawakinam'arake.

Iuta 1:12

Te koraki arei a riki b'a kanga baareka n ami botaki n am'arake n i tangitangiri, ngkai a botaki n am'arake ma te aki aubaa, ao a ti tabeakiniia i bon i rouia; kanga naang aika akea te karau i nanoia, aika uouotaki nako n te ang; kanga kaai aika aki uaa n taini kaai n uaa; aika kaai aika kanga uoua aia tai ni mate ao a taekaki mani wakaaia;

Te Kaotioti 22:2

n ri nuukani kawain te kaawa. Ao n iteran te karaanga ake uoua bon iai kaai ni maiu, aika kariki uaaia teuana te tai ni katoa nam'akaina i nanon teuana te ririki; ao baanikaai akekei boni b'aini kamaiuaia botannaomata.