Ruka 9:1 - Te B'aib'ara

¹ Ao E weteia uake tengauni ma uoman Iesu ni botiia, ao E anganiia te m'aaka ao te konaa ni kanakoia taimonio ao ni katoki aoraki naba.

Ruka 9:1 Iomraidhean Croise

Mataio 16:19

N na anganiko kingin Uean te Atua; ao ane ko tabuia i aonnaba ao e na katabuaki naba i karawa; ao ane ko kariaia i aonnaba, ao e na kariaiaki naba i karawa.”

Mataio 4:24

E taona Turia ni kabuta rongorongon Iesu, ao a bane n uotaki nako Ina aomata aika aoraki n aekan aoraki nako ma maraki, ao akana taniaki irouia taimonio, ma akana iai aorakin aia iango, ma akana aki kona te nakonako; ao E kamaiuia.

Mataio 8:9

B'a te aomata ngai ae I mena i aaia ake a kakannato riki nako iu, ao iai tautia aika I mataniwi i aoia: ngkana I kangai nakon temanna, ‘Naako!’ ao e nako; ao nakon temanna, ‘Nako mai!’ ao e roko; ao nakon au toro, ‘Karaoa aei!’ ao e karaoia.”

Ruka 10:1

I mwini baikekei, ao te Uea, E rineia riki itingaun, ao E kanakoia ni kakauomaniia, b'a na ri moana nakoni kaawa ma taabo ake E na kawari.

Ruka 10:19

Noria, I a tia n anganingkami te m'aaka b'a kam na kona n tou aoia naeta ma tikaobian, ao n tokanikai i aoni m'aakan nako te Kairiribai, ao akea te b'ai ae kam na kabuanib'ai iai.

Ioane 14:12

Bon te koaua ni koaua ae I a tuangngkami b'a ane onimakinai ao e na karaoi m'akuri aika I karaoi; ao e na karaoi m'akuri aika ab'ab'aki riki, i bukina b'a N na nako n Tamau.

M'akuri 1:8

Ma ane kam na anganaki te m'aaka, ngkana E roko te Tamnei are Raoiroi i aomi; ao ane kam na riki b'a taan tataekinai nakoia aomata i Ierutarem ao n taabo nako i Iuta, ao i Taamaria, ao i aonnaba ni kabuta.”

M'akuri 3:16

E a kamaiuaki teuae kam noria ma ni kinaa, n onimakinan aran Iesu; b'a onimakinan Iesu boni ngaia ae angan teuaei te marurung aei n aron ae kam bane n noria i matami.

M'akuri 4:30

Ko na arora nako baim ni kamaiu, ao anganira te kona ni karaoi kanikina ma m'akuri aika kamimii i nanon Aran Natim are Raoiroi are Iesu.

M'akuri 9:34

E taku Betero nakoina, “Ainea, E kamaiuko Iesu Kristo; teirake, ao bairea nem ni wene.” Ao e a teirake naba ngkekei Ainea.