Ruka 8:7 - Te B'aib'ara

⁷ Ao a b'aka tabeua i buakoni kaai aika kateketeke; ao a riki rake, ao a kariki uaa aika tatabebubua.

Ruka 8:7 Iomraidhean Croise

Karikani B'aai 3:18

A na kaona am nne n aroka taian uteute ma kaai aika a kateketeke, ao ane ko na am'am'arake man arokan te tawaana, ae aroka aika te naa n rikinibeti.

Ieremia 4:3

Kaain Ierutarem ao Iuta kam na aki taningabono! A a tia n rikirake ni matoatoa nanomi, kaanga te tano ae e tuai man kamarauaki ike a rikirake iai taian aroka aika a kateketeke.

Mataio 13:22

Ao are unikaki i buakoni kaai aika kateketeke bon ane ongo ana taeka te Atua; ma n iango n raraoma nako i bukini b'ain te maiu aei ma mataiakinani kaub'aina a karib'a te taeka, ao e aki kariki uaa.

Mataio 13:7

Iai koraa ake a b'aka i buakoni kaai aika kateketeke; a riki rake kaai aika kateketeke, ao a karib'ai aroka ake a unikaki.

Mareko 4:7

Iai tabeua koraa ake a b'aka i buakoni kaai aika kateketeke. A riki rake kaai ake a kateketeke, ao a karib'ai aroka ake a unikaki ao a aki kariki uaa.

Ruka 21:34

Ma kam na kawakiningkami b'a a na aki kamamaraaki nanomi n taekan ti te kan am'am'arake ma te mamanging ma iango n raraoma i bukini b'ain te maiu aei, b'a e kawa ni karina rokon te bong arei n te tai are kam aki kaantaningaia iai ni kam'aneingkami,

Ruka 8:14

Ao i bukiia ake a b'aka i buakoni kaai ake a kateketeke, akanne bon te koraki ake a ongo ma a karib'aki n iango n raraoma i bukini b'ain te maiu aei, ma kaub'aina ao kakukureina, ao a aki kaoti uaaia aika raraoi.

Ruka 8:6

Ao a b'aka tabeua i aon te ririb'a; ao ngke a riki rake, ao a rai i bukina b'a akea te m'aim'ai iai.

Ruka 8:8

Ao a b'aka tabeua i aon te tano ae raoiroi ao a riki rake, ao a kariki uaa aika tatabebubua. Ao E kanenea riki b'anaana ao E taku, “Ane iai taningana n ongo, ao ke e ongo!”