Ruka 8:2 - Te B'aib'ara

² ma aine tabem'aang ake a tia ni kamaiuaki mairouia anti aika buakaka ao man aorakiia; are Nei Maria are te I-M'aketara, are a tia n oti nako mai rouna itiman taimonio,

Ruka 8:2 Iomraidhean Croise

Mataio 4:24

E taona Turia ni kabuta rongorongon Iesu, ao a bane n uotaki nako Ina aomata aika aoraki n aekan aoraki nako ma maraki, ao akana taniaki irouia taimonio, ma akana iai aorakin aia iango, ma akana aki kona te nakonako; ao E kamaiuia.

Mareko 16:1

Ngke e a toki te Taabati, ao a kabooi baika boiarara Nei Maria are te I-M'aketara ma Tarome ma Nei Maria are tinan Iakobo, b'a a na nako ni kabira rab'atan Iesu.

Mareko 16:9

Ngke E a manga uti Iesu mai buakoia maate ni moani bongin te wiiki, ao E kaoti moa nakon Nei Maria are te I-M'aketara, are E a tia ni kaotinakoia mai rouna taimonio ake itiman.

Ruka 23:27

A iria aomata aika bati, ao iai naba aine i buakoia ake a tang ma ni b'aeb'aeti i bukina.

Ruka 23:49

Ao raona ni kabaneia, ma aine ake a iria mai Kariraia, a tei i kiraroa ni mataku ni baikekei.

Ruka 23:55

Ao aine ake a roko ma Ngaia mai Kariraia, a rimwi ao a nora te nne ni mate ma aron rab'atan Iesu ngke e kaweneaki.

Ruka 8:30

E titirakinna ngkanne Iesu ni kangai, “Antai aram?” Ao e taku, “Arau Rekeon.” B'a a m'aiti taimonio ake a tia n rin i nanona.

Ioane 19:25

Ao a tei i rarikin ana kaibangaki Iesu tinana ma tarin tinana are Nei Maria are buni Keroba, ao Nei Maria are te I-M'aketara.

M'akuri 1:14

A aki toki uakekei ni kabaneia ni kakaonimaki ni bobotaki n tatataro, ma aine, ma Nei Maria are tinan Iesu, ma tarin nako Iesu.