Ruka 7:12 - Te B'aib'ara

¹² Ngke E a kaan ma mataroan oon te kawa, ao noria, e a uotaki nako Ina te aomata ae mate ae te rikitemanna iroun tinana, ao neierei e a tia ni mate buuna; a rangi ni m'aiti aomata ake a raona neierei.

Ruka 7:12 Iomraidhean Croise

Karikani B'aai 22:12

Ao E taku te anera, “Ko na tai kaikoaka te ataei, ke ni karaoa te b'ai teuana nakoina. I ataia ngkai b'a ko bon ongotaeka iroun te Atua, b'a ko aki taua natim te mm'aane ae te rikitemanna mai Rouna.”

Karikani B'aai 22:2

Ao E taku te Atua, “Ko na anaa natim te mm'aane ae te rikitemanna ae ko rangi n tangiria are Itaaka, ao naako nakon te aba are Moria. Ao ko na anga b'a am karea nako iu i aon te maunga ae N na kaotia nakoim.”

2.Tamuera 14:7

Ao a bane n roko irou au utu ao a kaangai nako iu, “Anga natim anne b'a e na tiringaki! Ti na tiringnga b'a e tiringa tarina.” Ma te b'ai ae e tangiria, a na kamaunaa aomata b'a a aonga n anaa abara. Taiaoka kam na aki kataia ni kamaunaa au m'akaro n ai ae bon ti ngaia nikiran au kaantaninga! E na bon akea riki ae e na manga katokaa aran buu n te aonnaba aei.

1.Uea 17:12

Ao e taku neierei, I boni koaua n aran am UEA ae E maiu b'a bon akea kanau te kariki. Bon ti iai irou ngkai te abutana te buraawa, ao teutana b'aan te oriwa. Ao i aon kawaiu ngkai n okira mwengau ma au aia aikai ni kuukana ae iai irou ngkai b'a kanau ao kanan natiu te m'aane. Ao i mwiin anne, ti nang mate ni baki.

1.Uea 17:18

Ao e takaarua neierei nakon Eria ni kaangai, Tera ae I a tia ni karaoia nakoim ae e kaairua? I taku ngai b'a Ana burabeti te Atua ngkoe. Ko bon roko b'a ko na tiringa natiu te m'aane, b'a kauringaakiu n au bure nakon te Atua?

1.Uea 17:23

Ao e tabekia rake Eria ao e uotia rikaaki. Ao e anga te ataeinim'aane arei nakon tinana ao e taku, Nooria, E a maiu natim te m'aane.

1.Uea 17:9

Ko na nakon te kaawa are Tareb'ata i Titon ni maeka iai. I a tia n tuanga te aine ae e a tia ni mate buuna b'a e na anganiko kanam.

2.Uea 4:16

Ao e taku Eritai nako ina, N te tai naba ae ai aron aei n te ririki ae e na roko ao ko na b'ab'akoa ae bon oin natim te m'aane i m'anokani baim. Ao e taku neierei, I butiiko b'a ko na aki keweai b'a ana Aomata te Atua ngkoe.

2.Uea 4:20

Ao a anaa te ataei ni maanee te tia m'akuri ni uotia rikaaki nakon tinana. E wene te ataei ni maanee arei i aon rangan tinana n te ingabong arei, ao e mate ngke e a tawanou.

Iobi 29:13

A neboai aomata ake a mena i nanon te rawawata ae moan te korakora, ao I buokia aine aika mate buia ni karekea te kukurei nako ia.

Tekaria 12:10

Boni Ngai ae te UEA ae N na karaoa ana kariki Tawita ma kaain Ierutarem b'a a na rangi n nanokawaki ao a na tataro ngkana a noora te aomata are e ewaraki n te kainiwai. A na tang ma n tanginiwenei i bukina, kaanga kaaro aika a tang i bukin maten natiia te rikitemanna ke aia karimoa.

Ruka 7:11

Ao rimwi riki teutana, ao E nako Iesu nakon te kawa are arana Nain; ao a iria ana reirei, ma aomata aika rangi ni m'aiti.

Ruka 7:13

Ngke E nora neierei te Uea, ao E nanoangaia, ao E taku nako ina, “Tai tang!”

Ruka 8:42

B'a iai natina te aine ae ti temanna, ae tao ai tebwi ma uoua ana ririki, ao e a kaani mate. Ngke E nako Iesu ao a karib'a aomata aika m'aiti.

Ruka 8:52

Ao a bane n tang ao a tanginiwenei; ma E taku Iesu nako ia, “Tai tang, b'a e aki mate te teei ma e matu.”

Ioane 11:19

ao a m'aiti I-Iutaia ake a tia n roko irouia Mareta ma Nei Maria ni kabebetei nanoia i bukini mateni m'aneia.

M'akuri 9:39

Ao e teirake Betero, ao e airi ma ngaiia. Ngke e roko, ao a kairiia nakon te ru are i eta; a tei n tang aine ake a mate buia i rarikini Betero, ao a kaoti kabaraki ma kooti ake e karaoi Nei Toreka i nanon ana tai ni maiu.

M'akuri 9:41

E anga baina Betero nakoina, ao e kateirakea; e weteia ngkanne ake a itiaki ma aine ake a mate buia, ao e anganiia neierei b'a e a maiu.

Iakobo 1:27

Aio te Aro ae itiaki ae aki kam'ara i matan te Atua ae te Tama: bon tararuaia akana a mate tamaia ma aine aika a mate buia ni kain nanoia; ao te kawakinna te aomata b'a e na aki baareka ni b'ain aon te aba.