Ruka 5:8 - Te B'aib'ara

⁸ Ngke e nora aron aei Timon Betero, ao e b'aka ni bobaraaki i rarikini waen Iesu, ao e taku, “Te Uea, naako mai rou, b'a te aomata ae I buakaka ngai!”

Ruka 5:8 Iomraidhean Croise

2.Tamuera 6:9

Ao e maaku Tawita iroun te UEA ao e taku, “N na bon anaa te Atiniberita nakon au kaawa ke N na aki?”

1.Uea 17:18

Ao e takaarua neierei nakon Eria ni kaangai, Tera ae I a tia ni karaoia nakoim ae e kaairua? I taku ngai b'a Ana burabeti te Atua ngkoe. Ko bon roko b'a ko na tiringa natiu te m'aane, b'a kauringaakiu n au bure nakon te Atua?

Iobi 40:4

I taetae ni baba te UEA, tera ae N na kona ni kaeka? N na bon aki kataia n taekina riki te b'ai teuana.

Te Otinako 20:19

Ao a taku nakoni Moote, “Ti rangi ni kakauongo ngkana ko taetae nako ira, ma ti rangi ni maaku ngkana E taetae te Atua nako ira, b'a ti na mate iai.”

Itaia 6:5

Ao I takaarua ni kaangai, “I a reke n te kabuanib'ai! A bane n on n te bure au taeka aika I atong, ao ai uana naba ma aia taeka aomata nako aika i rarikiu. Ma e ngae n anne, ma I a tia n noora te UEA ae Moan te M'aaka.”

Mataio 17:6

Ao ngke a ongo aei ana reirei, ao a b'aka ni bobaraaki i aontano, b'a a kaonaki n te maaku.

Mataio 2:11

Ao ngke a rin n te auti, ao a nora te merimeri ma Nei Maria are tinana, ao a katorobubua ni bobaraaki n taromauriia, ao a kaotinakoi aia b'aintangira aika koora, ma te riibano, ma te muura, ao a angan te merimeri.

Mataio 8:8

Ma e kaeka mataniwin te taanga ni buaka are tebubua kaaina, ao e taku, “Te Uea, I aki tau b'a Ko na rin i nanon au auti: ma an taetae naba, ao e a marurung naba au toro.

Ruka 5:7

Ao a weteia raoia ake a mena n te booti are tewaana b'a a na kawariia ni buokiia. Ao a roko uakekei ao a kaoni booti ake uowa ao a kan inako.

Ruka 5:9

E taekina aei i bukina b'a e mimi ma aomata ni kabaneia ake raona, n ika ake a reke ake a tia n anai,

Ioane 11:32

Ao Nei Maria ngkanne, ngke e roko n te tabo are E mena iai Iesu, ao ngke e noria, ao e b'aka ni bobaraaki i rarikini waen Iesu, ao e taku nakoina, “Te Uea, ngke arona b'a Ko mena ikai, ao e na bon aki mate m'aneu.”

1.I-Korinto 13:12

B'a ae ti noria ngkai ai aron tein taraana ae aki turuturu raoi i nanon te tirotaam; ma ane ti na bon noria raoi n te aro n itaramata. E aki koro raoi aron au atatai ngkai, ma ane na boni koro raoi arona rimwi, n ai arou ngkai I bon ataaki raoi.

Te Kaotioti 1:17

Ngke I noria ao I katorobubua ni bobaraaki i rarikini waena n ai aron te mate; ao E kaaki baina are ataina i aou, ao E kaangai, “Tai maaku! Boni Ngai te Moa ao te Toki.

Tani Motiki-taeka 13:22

Ao e taku Manoa, Ti a tia n noora te anera Ti nang mate.

1.Tamuera 6:20

ao a taku, “Bon akea riki te Atua ae ai aron ara UEA! Antai ae kona ni maiu ngkana e kaaniia? Ti na riai n kanakoa te Atiniberita mai ikai. Ma ti nang kanakoa nakea?”