Ruka 4:8 - Te B'aib'ara

⁸ Ao Iesu E kaeka ni kangai, “E koreaki ae kangai, ‘Ko na taromauria te Uea ae Atuam, ao ko na toro i Rouna n ti Ngaia!’ ”

Ruka 4:8 Iomraidhean Croise

2.Uea 19:15

Ao e tataro: Te UEA ae Atuan Iteraera, e mena am kaintokanuea i aoia b'aai aika a maiu aika iai baiia ni kiba. Ko karaoa karawa ma aonnaba, ao bon ti ngkoe ae Ko tautaekani abanuean te aonnaba aei.

Taian Areru 83:18

A na ataiko b'a Ngkoe ae te UEA, bon ti Ngkoe ae Moan te Rietaata i aonnaba ni kabane!

Itaia 2:11

Ngkana e roko te UEA, ao a na kananorinanoaki aomata ngkoa ake a kamoamoa, ao e na neboaki te UEA n ti ngaia.

Mataio 16:23

Ma E rairaki ao E taku nakoni Betero, “Naako akuu Tatan! Ko riki b'a te b'ai ni kab'akab'aka nako Iu; b'a e reke i roum aron nanon te aomata ma tiaki aron nanon te Atua.”

Mataio 4:10

E taku ngkanne Iesu nako ina, “Naako akuu, Tatan! B'a e koreaki ae kangai, ‘Ko na taromauria te UEA ae Atuam, ao ko na toro i Rouna n ti Ngaia!’ ”

Ruka 4:4

Ao Iesu E kaeka ni kangai, “E koreaki ae kangai, ‘E aki maiu te aomata n ti te am'arake.’ ”

Ruka 4:7

Am b'ai baikekei ni kabane ngkana Ko bobaraaki n taromauriai.”

Te Tua-Kaua 10:20

Karinea te UEA ae Atuami, m'akuri i bukina, ao kam na berita n arana n ti Ngaia.

Te Tua-Kaua 6:13

Taromauriia, ao ongotaeka iroun te UEA ae Atuami ma te maaku ao te ruru, ao berita b'a kam na kakaonimaki nakoina.

Iakobo 4:7

Ma ngaia ae kam na irira nanon te Atua; ao kam na rarawa nakon te riaboro, ao ane e na biri nako mai roumi iai.

1.Betero 5:9

Kam na rarawa nakoina, ao kam na teimatoa n te onimaki, ngkai kam ataia b'a raomi n onimaki i aon aaba nako a taonaki naba ni maraki aika ti te bo aroia ma akana kam taonaki iai.

Te Kaotioti 19:10

Ao I katorobubua ni bobaraaki i rarikini waena b'a N na taromauria. Ao e taku nako iu, “Tarataraiko b'a ko na aki taromauriai; bon raom n toro ngai, ao raoia naba n toro tarim ake a teimatoa n taua te koaua are E kaotiotia Iesu. Ko na taromauria te Atua n tii Ngaia; b'a te koaua are E kaotiotia Iesu boni ngaia ae angania ana aomata te Atua te kona n taetae ni burabeti.”

Te Kaotioti 22:9

Ao e taku nako iu, “Tarataraiko b'a ko na aki taromauriai; bon raom n toro ngai, ao raoia n toro tarim ake burabeti, ma ake a ongeaba nakon taeka aika n te boki aei. Ko na taromauria te Atua.

1.Tamuera 7:3

Ao n te bong teuana, ao e tuangiia Iteraera Tamuera ni kaangai, “Ngkana kam bon kan rairaki nakon te UEA, ao kam na anganai kakoauaana, b'a kam na kanakoi atuaia ianena, ni ikotaki naba ma te atua te aine are Nei Atiterota. Rairaki nakon te UEA ma nanomi ni kabane ao taromauriia n ti Ngaia. Ao ane na kamaiungkami mairouia kaain Biritia.”