Ruka 4:1 - Te B'aib'ara

¹ Ngke E oki Iesu man te karaanga are te Ioretan ao E kaonaki n te Tamnei are Raoiroi. E kairaki iroun te Tamnei are Tabu nakon te rereua.

Ruka 4:1 Iomraidhean Croise

1.Uea 18:12

Tera ngke E waekoa n anaiko Tamnein te UEA n te tai are I kitaniko naba iai? B'a ngkana e roko Aaba n anaiko ao ko na bon aki reke i rouna. Ao ane e na manga bon tiringai. I bon tataromauria te UEA mangke te ataeinim'aane ngai.

1.Uea 19:4

ao e a manga m'ananga i nanon teuana te bong nakon te rereua. Ni karokoa e a roko n te buakoako teuana ae korakora ao e a tekateka i aan nuuna. E a tataro ni buubutii nakon te UEA ni kaangai, “E a bati n tau. An tiringai. A kakab'aiaki riki au bakatibu nako iu.”

Itaia 61:1

E niniai Tamnein te UEA ae te Atua ao e taniai! E a tia n rineai te UEA ao e kanakoai b'a N na tuangiia ake a karawaawataaki te rongorongo ae e raoiroi, ao ni kamaiuia aika a uruaki nanoia, ao ni katanoata nakoia taekan te kainaomataaki nakoia buure nako ao taenikai nako.

Etekiera 3:14

Ao e uotai nako te Tamnei nako kiiraroa. Ao e niiniai m'aakan te UEA ao E kairai, ao e a rangi ni maraki nanou ao I un.

Mataio 3:16

Ngke E a tia ni b'abetitoaki Iesu, ao E aerake naba man te ran, ao noria, e kaukaki karawa nako Ina, ao E nora Tamnein te Atua b'a E ruo n ai aron te taobe, ao E toka i aona;

Ruka 2:27

Ngke e kairaki ana iango Timeon iroun te Tamnei are Raoiroi, ao e nako n te um'antabu; ao ngke a rin ana karo te teei are Iesu b'a a na karaoa i bukina kanoan te tua n ai aron are e tataneiai te aba iai,

Ruka 3:3

E a nako ngkanne Ioane nakon taabo ake i rarikin Ioretan, n tataekina te b'abetito n rairannano i bukini kab'arani buure;

Ruka 3:38

are natin Enoti, are natin Teta, are natin Atam, are natin te Atua.

Ruka 4:14

Ao E okira Kariraia Iesu ni m'aakan ana kairiri te Tamnei are Tabu, ao e buta nako rongorongona i aoni Kariraia ao n taabo ake i rarikina.

Ruka 4:18

“E mena Tamnein te Uea i aou, i bukina b'a e a tia n rineai b'a N na tataekina te rongorongo ae raoiroi nakoia akana aki kaub'ai. E kanakoai b'a N na tuangiia ake a riki b'a taenikai kainaomataia, ao ake a mataki b'a a na manga noraba, ao ni kainaomataaki ni kabane ake a karawawataki iai,

Ioane 1:32

Ao aikai ana taeka riki Ioane ni kaotioti: “I nora te Tamnei are Tabu b'a E ruo mai karawa n ai aron te taobe, ao E tiku i rouna.

Ioane 3:34

B'a Teuare E kanakoa te Atua ao boni Ngaia ae E taekin ana taeka te Atua, i bukina b'a E anganaki te Tamnei iroun te Atua n aki tiatianaki.

M'akuri 1:2

ni karokoa te bong are E uotaki rake iai nako karawa, i mwin tiana n anga ana mwioko iroun te Tamnei are Raoiroi nakoia taan tuatua ake E a tia n rineia.

M'akuri 10:38

Bon taekan aron te Atua ngke E rinea Iesu are te I-Natareta, ao E kaonna n te Tamnei are Raoiroi ma te m'aaka; are E nakonako ni kakaraoa ae e raoiroi, ma ni kamaiuia akana b'ainikirinaki iroun te riaboro, b'a E memena te Atua i rouna.

M'akuri 8:39

Ngke a aerake man te ran, ao E kairaki nako Biribo iroun Tamnein te UEA, ao e aki manga noria te iunaki, b'a e wakina kawaina ma te kim'areirei.