Ruka 3:8 - Te B'aib'ara

⁸ Kam na kariki uaa aika a na kaotia b'a kam a tia n rairi nanomi, ao kam na aki taku i nanomi, ni kangai, Tamara Aberaam: b'a I taku nako imi, E kona te Atua ni karikiia natin Aberaam man atiibu aikai.

Ruka 3:8 Iomraidhean Croise

Neemia 5:11

Kam na kaoki taian tawaana ngkai, nnenaroka ni kureebe, nnenaroka n oriwa, ao taian auti ake kam a tia n anai ao taiani bakao ake a tia ni kab'akaki nakoimi.”

Etekiera 33:24

Etekiera ae natin te aomata, a taku aomata ake a maeka ni kaawan Iteraera ake a uruaki, “Bon ti Aberaam ae e anganna te UEA te aba ae Iteraera ni kabane. Ti a rangi ni m'aiti n aomata ngkai ao bon taani b'aib'ai ngaira n te aba aei.”

Mataio 21:43

Ma ngaia ae I taku nako imi, “E na anaaki mai roumi Uean te Atua, ao e na anganaki te botannaomata teuana ane e na ongeaba nakon te Atua.

Mataio 3:8

Kam na karaoi m'akuri aika na kaota ae kam a tia n rairi nanomi;

Mataio 3:9

ao tai taku i nanomi ni kangai, Iai tamara b'a Aberaam; b'a I taku nako imi, b'a E kona te Atua ni karikiia natin Aberaam man atibu aikai!

Ruka 13:25

N te tai naba are e tei rake iai teuare ana auti te auti ni kaina te mataroa, ao ane kam na tei i tinaniku ao kam na karebwerebwea te mataroa, ao kam na kangai, “Te Uea, kaukia nako ira!” Ao ngaia e na kaekaingkami ni kangai, “I aki ata reitakiu ma ngkami!”

Ruka 13:26

Ao ngkami, ane kam na kangai, “Ti am'arake ao ti moi ma ngkoe, ao ko reirei i nanoni kawain ara kawa.”

Ruka 14:9

ao teuare kakao, ane na roko ma teuarei ao e na kangai nako im, “Anga am tabo nakon teuaei!” Ao ngkanne ane ko na nako ma te mamaa n tekateka n te tabo ae akea kakannatona.

Ruka 19:40

Ao E kaekaia ni kangai, “I taku nako imi, b'a ngkana a na aki karongoa, ao ane a na takaarua atiibu iai.”

Ruka 19:9

Ao E taku Iesu nako ina, “E a kamaiuaki te utu aei n te bong aei b'a ngaia natin naba Aberaam teuaei.”

Ruka 5:21

Ao taani koroboki ma B'aritaio a titiraki i nanoia ni kangai, “Antai Teuae taetae ni bakanatua aei! Bon tii te Atua ae kona ni kab'arai buure.”

Ioane 8:33

A taku nakoina, “Kanoan Aberaam ngaira, ao akea ae ti a tia n toronaki i rouna. Tera ngkanne nanon am taeka, ngke Ko kaangai: Kam na kainaomataki?”

Ioane 8:39

A kaekaa ao a taku, “Ara bakatibu Aberaam.” E taku ngkanne Iesu, “Ngke arona b'a kanoan Aberaam ngkami, ao kam karaoa are e karaoia Aberaam.

M'akuri 26:20

ma I tuangiia moa I-Tamateko, ao rimwi I-Ierutarem ma I-Iutaia ni kabaneia, ma aomata naba ake tiaki I-Iutaia, b'a a na rairi nanoia n rairaki nakon te Atua, ao ni karaoi m'akuri aika a na kaotiia iai b'a a tia n rairi nanoia.

I-Rom 4:16

Ma ngaia ae iai te taeka n akoi i bukin te onimaki, b'a e na kaotaki aron te taeka n akoi aei b'a bon ana b'ai n tituaraoi te Atua, ao e na teimatoa arona i bukiia ana kariki Aberaam ni kabaneia; tiaki ti nakoia ake a ongeaba nakon te tua, ma nakoia naba ake a onimaki n ai aron Aberaam:

I-Rom 9:7

ao ana kariki Aberaam tiaki naba natin te Atua ngaiia ni kabaneia, b'a E kaangai te Atua nakon Aberaam, “A na atongaki ana kariki Itaaka b'a am kariki.”

I-Biribi 1:11

ngkai a kaonaki maiumi ni baika reitaki ma ana kaantaninga te Atua, aika baika mairoun Iesu Kristo, are E neboaki te Atua iai ma ni karaoiroaki.