Ruka 2:9 - Te B'aib'ara

⁹ E kaoti ana anera te Uea nako ia, ao e oota nako mimitongin te Atua ni katobibiia, ao a taonaki n te maaku.

Ruka 2:9 Iomraidhean Croise

1.Uea 8:11

E mena mimitongin te UEA i nanon te nang, ao e rangi n raneanea ootana n te aro are a aki konaa n tiku ni maan ibonga i nanona ni karaoa aia m'akuri.

Te Otinako 16:10

Ao e taetae Aaron nakoia te botannaomata arei ni kabane, ao a tei ni kaaitaraa te rereua Iteraera ni kabane, ao e karina ni kaoti raitiitin ootan te UEA nakoni Moote.

Te Otinako 16:7

Nakon te moanibong ao kam na noora raitiitin ootan mimitongin te UEA. E a tia n ongo ngurenguremi nako Ina---kam aki ngurengure nako ira b'a ngaira bon ti taani kakoroi mwiin Ana babaaire.”

Itaia 35:2

Ane a na ure ueen taian rereua n taabo nako ao a na anenei kuuna aika a kakukurei. A na kakannato n ai aron te Maunga are Reb'anon, ao ni mimitong kaanga te Maunga are Karemera ke te M'arua are Tiaron. Ane a na bane aomata nako n noora kamimiin mimitongin te UEA ae Atuara.

Itaia 40:5

Ao i mwiina, ane e na kaoti mimitongin te UEA b'a e aonga n nooraki. E a tia te UEA ni berita i bukin aei!”

Itaia 60:1

Teirake, Ierutarem! ko na oota! E a kaarangaina am bong ae e boou. E rangi n oota nako ootan mimitongin te UEA i aom.

Etekiera 3:23

Ao I m'ananga nakon te m'arua n te tai naba arei, ike I a noora raneanean mimitongin te UEA, n aron are I nooria naba ngkoa i rarikin te Karaanga are Keeb'ara, ao I bobaraaki ni kaboo matau ma aontano.

Mataio 1:20

Ma ngke e iangoa aei, ao noria, e kaoti ana anera te Atua nako ina n te mii, ao e kangai, “Ioteb'a, ae natin Tawita, tai maaku n anaa Nei Maria b'a buum: b'a E riki te baere i nanoni birotona mairoun te Tamnei are Raoiroi.

Ruka 1:28

E roko te anera i rouna ao e taku, “Ko na mauri, ngkoe ae reke i roum te akoaki, E mena i roum te Uea!”

Ruka 2:8

Iai taani kawakin tiibu n te aba arei ake a mena i tinanikun te kawa. A tantani i rarikiia aia tiibu e bong.

Ruka 24:4

Ngke a minotaki aia iango n te b'ai are riki, ao noria, a tei uomani mm'aane i rarikiia aika a b'ainiia ni kunnikai aika raneanea.

Ioane 12:41

E atongi baikai Itaia i bukina b'a e a kaman nora mimitongin Iesu, ao e taekinna.

M'akuri 12:7

Ao akea b'a e roko ana anera te Atua, ao e oota te oota i nanon te karabuuti; ao e orea rarikini Betero te anera ni kautia, ao e kaangai, “Kawaekoako! Teirake!” A b'aka taurekereke mai baini Betero n te tai naba arei.

M'akuri 27:23

B'a e tei i rarikiu ngke e bong ana anera te Atua, are ana aomata naba ngai, ao are I tataromauria

M'akuri 5:19

Ma ngke e a bong, ao e kauki mataroan nako te karabuuti ana anera te UEA, ao e kaotinakoia, ao e taku nakoia,

2.I-Korinto 3:18

Ao ngaira ni bane ma matara aika aki rabunaki, aika ti nora mimitongin te UEA kanga n te tirotaam, ti tabe n onikaki nakoni katotongana man te mimitong teuana nakon teuana; ao e riki aei mairoun te UEA ae te Tamnei.

2.I-Korinto 4:6

B'a bon te Atua, are kangai, “E na oota te oota mai buakon te roo!” Bon te Atua naba aei are kaota ana oota i nanora, b'a ti na ata mimitongin te Atua b'a e oota man ubun Iesu.

1.Timoteo 3:16

Ao ti kaotia b'a e kakannato te baere raba are b'ain te Aro ni Kristian: E kaoti n rab'ata, E kakoauaki iroun te Tamnei b'a e eti arona, E noraki irouia anera, E tataekinaki nakoia aomata ni kabaneia; E onimakinaki irouia aomata nako i aonnaba, E uotaki rake ni mimitong.

Ebera 12:21

Ao moan te kakamaaku norana, ma ngaia are e kangai Moote, “I bati ni maaku ma n ruru.”

Te Kaotioti 18:1

I mwini baikai ao I nora te anera temanna b'a e ruo mai karawa. E korakora m'aakana, ao e oota aon te aba ni mimitongina.

Te Kaotioti 20:11

Ao I nora te kaintokanuea ae ab'ab'aki ae mainaina, ma Teuare tekateka i aona. A biri nako aonnaba ma karawa mai Rouna, ma akea te tabo ae a na nako iai.