Ruka 2:4 - Te B'aib'ara

⁴ E nako naba Ioteb'a mai Kariraia, man te kawa are Natareta, nako Iutaia nakon ana kawa Tawita are arana Betereem, b'a ngaia kaain ana utu Tawita.

Ruka 2:4 Iomraidhean Croise

Karikani B'aai 35:19

Ngke e mate Nei Rakera, ao e taunaki i rarikin te kawai nako Eberata, ae ataaki ngkai n arana ae Betereem.

Karikani B'aai 48:7

I karaoa aei i bukin tinam are Nei Rakera. I rangi n rawaawata ngke e mate n te aba are Kanaan, ni uakaan ma Eberata, ngke I tabe n oki mai Metobotamia. Ao I a taunna i rarikin te kawai nako Eberata.”

Mika 5:2

E kangai te UEA nakon te kaawa ae Betereem Eberata, “Bon te kaawa naba ngkoe teuana ae ko uarereke i buakon kaawan Iuta, ma N na kaotinakoa te Tia Tautaekana Iteraera mai iroum, ae te aomata ae iai reitakina ma ake a kakannato ake ngkoa.”

Mataio 1:20

Ma ngke e iangoa aei, ao noria, e kaoti ana anera te Atua nako ina n te mii, ao e kangai, “Ioteb'a, ae natin Tawita, tai maaku n anaa Nei Maria b'a buum: b'a E riki te baere i nanoni birotona mairoun te Tamnei are Raoiroi.

Mataio 2:23

ao ngke e roko iai, ao e maeka n te kawa are arana Natareta. B'a e na kakoauaki are atongaki irouia burabeti are kangai: “E na aranaki Teuarei b'a kaain Natarene.”

Ruka 2:3

Ao a bane n nako aomata nakon oin aia kaawa nako b'a a na koreaki araia iai.

Ruka 2:5

E nako ma Nei Maria are ana kabae are e bikoukou b'a a na koroi araia.

Ruka 4:16

Ao E roko i Natareta, are te tabo are E kaikawaki iai; ao n aron are E kakaraoia, E nako ni m'aneabaia I-Iutaia, n te bong ae te Taabati,

Ioane 1:46

E taku Natanaera nakoina, “E kona ni kaoti te b'ai ae e na kab'aia te aba iai mai Natareta?” E taku Biribo nakoina, “Mai, noria.”

Ioane 7:42

Tiaki e taku te B'aib'ara b'a E na riki te Kristo man ana kariki Tawita, ao E na kaoti mai Betereem, are ana kaawa Tawita?”

Ruuta 1:19

Ao a uaia n airi ni karokoa rokoia i Betereem. Ao ngke a roko, ao a bane kaain te kaawa ni mimiakinia, ao a taku aine; “Naomi aei?”

Ruuta 2:4

I mwin te tai ae e aki maan, ao e a roko Boaati mai Betereem, ao e kamauria taani m'akuri ao e taku, “E na mena te UEA iroumi.” Ao ngaiia a kaeka ni kaangai, “E na kakab'aiako te UEA.”

Ruuta 4:11

Ao a taku taani kairiiri ma ake a roko, “Eng, bon taani kakoaua ngaira, ke E karika buum te Uea, b'a kanga ai aron Rakera ma Reea, ake a kariki natin Iakob'a aika a bati. Ke e reke arom ae riai i Eberata, ao kakannatom i Betereem.

Ruuta 4:17

Ao ainen ikekei, a arana te ataei b'a Obeta, ao a tuangiia aomata ni kaangai, “E a bungiaki tibun Naomi, ao Obeta bon taman Iete, are taman Tawita.”

1.Tamuera 16:1

Ao E taku n te bong teuana, “Tamuera, I a tia n ribaa Tauro, ao I aki tangiria b'a e na riki b'a te uea. Ko na aki nanoangaia. Uota b'aan te oriwa teutana n te kaonteina ae uarereke ao naako kawara te aomata ae arana Iete, ae maeka i Betereem. I a tia n rinea natina te m'aane temanna b'a e na uea.”

1.Tamuera 16:4

Ao Tamuera, e karaoa te b'ai are tuangnga te UEA ao e nako Betereem. Ao a nako taani kairiiri man te kaawa ni kaitibo ma ngaia, ma a rangi ni maaku ao a titiraki ni kaangai, “Tera rokom aei, te roko n raoi ke tiaki?”

1.Tamuera 17:12

Ao e a kara taman Tawita are Iete, are kaain te kaainga are Eberata are maeka i Betereem i Iuta. Bon waniman natin Iete m'aane:

1.Tamuera 17:58

ao e taku Tauro, “Antai ngkoe?” “Bon Tawita ngai ae natin Iete te m'aane, ae te aomata ae kakaonimaki ae te Iteraera man te kaawa are Betereem.”

1.Tamuera 20:6

Ngkana arona b'a e ataia tamam b'a I aki roko n te am'arake, ao ko na tuangnga b'a aongkoa I buubutiiko te kariaiakaki b'a N na kawaekoaai nakon mwengau i Betereem, i bukin aia anga karea n te ririki au utu ni kabane.