Ruka 17:3 - Te B'aib'ara

³ Kam na kawakiningkami: “Ngkana e bure tarim nako im, ao ko na takuia, ao ngkana e kab'ara ana bure, ao kab'ara ana bure;

Ruka 17:3 Iomraidhean Croise

Taian Areru 141:5

E kona n oreai te aomata ae e raoiroi ma ni boaai i bukin nanona ni kan akoi, Ma I bon aki kona ni kariaia karineau mairouia akana buakaka, i bukina b'a I aki toki n tatataro b'a a na ekakinako aia m'akuri aika bubuaka.

Te Otinako 34:12

Kam na aki karaoa te iraorao ma temanna mai buakoia aomata aikai. Ngkana kam karaoa anne, ao e na riki b'a te m'aruarua ni kam'ane.

Taeka n Rabakau 17:10

E kariaia kaetakina te aomata ae e iangoraoi, ma kam aki konaa n orea te nanobaba ni karina te koaua i rouna.

Taeka n Rabakau 27:5

E aki maaku ni kaetiko te aomata ae bon raoraom ni koaua.

Taeka n Rabakau 9:8

Ane a na un iroumi taani kamoamoa ni kabane akana kam kaetiia. Ma ngkana kam kaeta temanna ae iai ana iango ao kam na taatangiraki.

Nakoaia Ibonga 19:17

Tai tab'ara ni karaoa te kaetieti ae bon riai. E ngae n anne, ao e bure ngkana e aki kaetaki te aomata ane e bon tangira kaetana.

Mataio 18:21

Ao e roko ngkanne Betero iroun Iesu ao e taku, “Te Uea, m'aitira ana tai ni bure tariu nako iu ae N na kab'ara ana bure iai? Itiua te tai?”

Ruka 21:34

Ma kam na kawakiningkami b'a a na aki kamamaraaki nanomi n taekan ti te kan am'am'arake ma te mamanging ma iango n raraoma i bukini b'ain te maiu aei, b'a e kawa ni karina rokon te bong arei n te tai are kam aki kaantaningaia iai ni kam'aneingkami,

I-Ebeto 5:15

Ma ngaia ae kam na taratarai aromi ni maiumi: kam na aki maiu n ai aroia akana aki ataib'ai, ma kam na maiu n ai aroia akana ataib'ai.

Te Tua-Kaua 4:15

Ao ngke e taetae te UEA nakoim man te ai, ao bon akea rab'atana. Ma ngaia are, kam na taratara raoi

Te Tua-Kaua 4:23

Kam na ururinga te boraraoi n taai nako are E karaoia te UEA ae Atuami ma ngkami, ao kam na aki karaoa te bouananti ni katotongi tamnein b'aai tabeua.

Te Tua-Kaua 4:9

Kam na rangi n taratara raoi b'a kam na aki m'aninga b'aai ake E a tia ni karaoi te UEA nakoimi. Kam na teimatoa ni bon kakauringingkami i bon iroumi, ao tuangiia natimi ma tibumi naba.

Ebera 12:15

Kam na tarataraingkami b'a e kawa temanna ni b'aka man te akoaki iroun te Atua, ao b'a e kawa n riki b'a kanga ai aron te wakaa ae mao ni kakiriweingkami, ao a na kam'araeaki iai aomata aika bati.

Iakobo 5:19

Tariu, ngkana iai iroumi ae kitana te koaua ao temanna e a manga kaokia,

2.Ioane 1:8

Kam na tarataraingkami b'a kam na tai kabuai baike kam m'akuri i bukiia; ma kam na karekei kaniwangami aika b'anin raoi.