Ruka 10:2 - Te B'aib'ara

² Ao E taku nako ia, A m'aiti uaa aika a bo taiia n rikoaki, ma a karako taani m'akuri. Ma ngaia ae kam na butiia Teuare ana b'ai baikai b'a E na kanakoia taani m'akuri b'a a na rikoi ana uaa.

Ruka 10:2 Iomraidhean Croise

1.Uea 18:22

Ao e a manga reitanako ana taeka Eria man taku, bon ti ngai ana burabeti te UEA ikai, ma a m'aiti ana burabeti B'aara b'a 450.

Taian Areru 68:11

E kanakoa ana taeka te Uea, ao a bati aine ake a kabutaa nako te taeka anne:

Ieremia 3:15

Ao i mwiina, N na rineia taan tautaeka aika a wanawana aika a na ongotaeka irou, ao a na kakaawakiningkami kaanga taan kaawakintiibu.

Tekaria 11:17

Taani kaawakin tiibu aika a akea manenami, aika kam kakeaia tiibu! Au kaantaninga b'a e na kam'aukua anganibaimi te kabaang ma ni kamataki matami.

Tekaria 11:5

A na bon aki katuaaeaki aomata akana a kabooi ma n tiringiia, ao ane a na kaangai tabem'aang, “E na neboaki te UEA! I a kaub'ai.” A na bon aki nanoangaaki naba irouia taani kaawakin tiibu ake a kaawakiniia.

Warekaia Iteraera 11:17

N na anganiia m'aakam teutana ngkana I maroroo ma ngkoe ikekei, b'a aonga ni kona n tararuaia naba aomata ma ngkoe. Ko nang aki manga tararuaia aomata n ti rab'atam.

Warekaia Iteraera 11:29

Ma e taku Moote nako ina, “Ko ira taangau? I tangiria riki b'a E na anga Tamneina te UEA nako ia aomata nako, b'a a aonga n riki ni burabeti aomata ni kabane.”

Mataio 20:1

B'a Uean te Atua ai aron te aomata ae atun te mwenga teuana. E nako teuarei ngke e a tib'a ingabong n anaia aomata ake a na m'akuri ni nen arokana te kureebe.

Mareko 13:34

E kabotauaki b'a kaanga ai aron te aomata are kitana mwengana ao e m'ananga nako, ao e anganiia ana toro te mwiokoaki i aoni b'aai nako;

Mareko 16:15

Ao E taku nako ia, Kam na nako n taabo nako ao tataekina te euangkerio nakoia kaain aonnaba ni kabaneia.

Mareko 16:20

Ao a nako uakekei ni kab'arab'ara n taabo nako, ao E buokiia te Uea, ao E karaoi kanikina ake a na kakoauaki iai b'a e boni koaua te rongorongo are a taekinna.

Ruka 9:1

Ao E weteia uake tengauni ma uoman Iesu ni botiia, ao E anganiia te m'aaka ao te konaa ni kanakoia taimonio ao ni katoki aoraki naba.

M'akuri 11:19

A kauamaaeaki nako taan onimaki n tain te b'ainikirinaki are e mate iai Tetebano. Iai ake a nako n toki i Boinike, ao i Kubero, ao i Antioka, ao a tataekina ana taeka te Atua nakoia ti I-Iutaia.

M'akuri 13:2

Ngke a tabe uakai n taromauria te UEA, ma n aki mamatam, ao E taku nakoia te Tamnei are Raoiroi, “Kam na kaokoroa B'arenaba ma Tauro b'a au aomata nakon te m'akuri are I a tia n rineia nako iai b'a a na karaoia.”

M'akuri 13:4

Ao ngaiia, ngke a kanakoaki iroun te Tamnei are Raoiroi, ao a nako Terukia ao a borau mai iai nako Kubero.

M'akuri 20:28

Kam na tarataraingkami ao tararuaia aomata ni kabaneia ake kam kateaki i buakoia iroun te Tamnei are Raoiroi b'a taan tararuaia: kam na tararua ana ekaretia te Atua, are E reke i rouna b'a ana b'ai n raraan Natina.

M'akuri 22:21

Ao Ngaia E taku nako iu, “Naako, b'a N na kanakoko nako kiraroa nakoia aomata aika Tientaire.”

M'akuri 8:4

A nako n taabo nako taan onimaki ake a kauamaaeaki nako n tataekina ana taeka te Atua.

1.I-Korinto 12:28

Ao E a tia te Atua ni kateia tem'angina i nanon te ekaretia: taan tuatua moa; te kauoua, burabeti; te katenua, taan reirei; ao i mwiia, taani karaoi m'akuri aika kamimii; ao i mwiia, te koraki aika anganaki te b'ai n tituaraoi i bukini katokan aoraki; ma taani buobuoki, ma taani kairiri, ma taan taetae n taetae aika a aki ataaki nanoia.

1.I-Korinto 15:10

Ma n ana akoi te Atua ao I riki n ai arou aei; ao e aki matebuaka ana akoi nako iu: b'a I m'akuri korakora riki nakoia taan tuatua akekei; ma tiaki ngai, b'a bon ana akoi te Atua are i rou.

2.I-Korinto 6:1

Ao ngkai raon te Atua ni m'akuri ngaira, ao ti butingkami b'a kam na aki butim'aea ana akoi te Atua n te aro ae akea bonganana;

I-Biribi 2:21

B'a a bon tabeakin oin aroia aomata nako, ao a aki tabe ma baika kaeti ma nanoni Iesu Kristo.

I-Biribi 2:25

Ma I taku b'a e bon riai b'a N na kanakoa nakoimi Eb'aberorito, ae tariu ao raou ni m'akuri ma ni buaka, ae ami aomata are kam kanakoa i bukini buokani kain nanou.

I-Biribi 2:30

b'a e kaania matena i bukin ana m'akuri Kristo n aki mutiakina maiuna, b'a e aonga n anganai buokau n aron are aki kona n reke mai roumi.

I-Korote 1:29

ao anne bukin ae I kekeiaki m'aaka naba ni m'akuri, ao I kamanena te korakora ae bati are E anganai Kristo, ao ae e m'am'akuri i nanou.

I-Korote 4:12

E kamauringkami Eb'abera, ae raomi, ae ana toro Kristo Iesu, ae e aki toki ni kakorakora n tatataro i bukimi b'a kam aonga n ata raoi te bae E tangiringkami iai te Atua b'a kam na karaoia, ao b'a kam na kabanea ni karaoia.

1.I-Tetaronike 2:9

Taari, kam bon uringa ara m'akuri b'a e kakua ao e kanganga; ngke ti m'akuri n te bong ao n te ngaina, b'a ti aonga n aki karawawata temanna i buakomi n ara tai n tataekina ana euangkerio te Atua nako imi.

1.I-Tetaronike 5:12

Ma ti butingkami, taari, b'a kam na ataiia akana kakorakoraia ni m'am'akuri i buakomi, akana kairingkami ma n reireingkami n aromi ni maiu n reitaki ma te Uea.

2.I-Tetaronike 3:1

Te kabanea ngkanne: taari, kam na tataro i bukira b'a e na waekoa ni buta nako ana taeka te Uea, ao e na butim'aeaki ni karineaki, n ai aroarona naba i roumi.

1.Timoteo 4:10

B'a ti kakorakoraira ni m'akuri ao ti kekeiaki m'aaka i bukina ngkai ti onimakina te Atua ae maiu, ae aia Tia Kamaiu aomata ni kabaneia, ai moara riki te koraki aika onimaki.

2.Timoteo 4:5

Ma ngkoe, ko na kamarurungko b'a e na aki bua am iango i aoni b'aai ni kabane; ko na taona nanom nakoni marakim, ko na karaoa ana m'akuri te tia taekina te euangkerio, ao ko na karaoi ni kabane kanoan nakoam.

Biremon 1:1

Mairouni B'auro, ae kabureaki i bukini Kristo Iesu, ao mairoun Timoteo ae tarira; nakoni Biremon ae tangiraki ae raora ni m'akuri,

Ebera 3:6

Ma Kristo E kakaonimaki b'a te Nati Ngaia ae iai tabena i bukiia ana aomata te Atua. Bon ana aomata ngaira ngkana ti teimatoa ni karokoa te toki ni b'aina te aki nanokokoraki ma te kakatonga n te baere ti kaantaningaia.

Te Kaotioti 2:1

Ko na koroboki nakon ana anera te ekaretia are i Ebeto ni kaangai: “Aio ana taeka Teuare tau itoi ake itiua i ataina, are E nakonako i buakoni kain-tei n taura ake koora ake itiua: