Otea 9:8 - Te B'aib'ara

⁸ Iteraera, e kanakoai te UEA b'a N na tararuaiko. Ma ko kam'aneia ana burabeti nako ao ko kaona ana tembora n te riribai.

Otea 9:8 Iomraidhean Croise

1.Uea 17:1

Eria bon te burabeti mai Titibe i Kireata. Ao e nakon Aaba n te bong teuana ao e taku, Bon ana Toro te UEA ae E maiu, ae Atuan Iteraera ngai. Ao I tuea n arana b'a e na bon aki b'aka te karau ni karokoa te tai are I a manga taetae iai b'a e na b'aka. Ao a na bon akea naba te aoi ae e na ruo nako aon te tano.

1.Uea 18:1

Ao e aki b'aka te karau i nanon tenua te ririki i aon Taamaria, ao e a moanna n tare te am'arake n taabo ni kabane.

1.Uea 18:19

Weteia aomata ni kabane i aon Iteraera ao tuangiia b'a a na kawarai i taubukin te Maunga are Karemera. Ao ko riai naba n kairiia ana burabeti B'aara ake 450 ao 400 ana burabeti Nei Aatera ake a am'am'arake n ana taibora Nei Ietebera.

1.Uea 22:11

Ao Tetekia are natin Kenaana are temanna mai buakoia burabeti, e karaoa te koro man te biti, ao e takaarua ni kaangai, “Aaba, E taku te UEA b'a ko na buakaniia kaain Turia n aron te kaom'aane ma korona aika biiti mani kamaunai mataia.”

1.Uea 22:22

Ao e taku, “N na karaoia ana burabeti b'a a na kewe nakoina.” Ao E taku te UEA, “E raoiroi. Ko na nako ngkai ni karaoa anne.”

1.Uea 22:28

Ao e taku Mikaia, “Ngkana arona b'a ko oki, ao ngaia I a tia n aki ongo raoi te b'ai are E tangiria te UEA b'a N na taekinna.” Ao e a manga taku riki nakoia aomata, “Tai m'am'aninga te b'ai are I a tia n taekinna.”

1.Uea 22:6

Ao e weteia 400 burabeti ao e titirakiniia ni kaangai, “N na buakaniia kaain Turia i Ramota ke N na aki?” Ao a taku taiani burabeti, “Eng, ko na buakanna, ao E na buokiko te UEA ni kataenikaiia.?”

2.Uea 13:21

N te tai teuana ngke a tabe n tauni aia mate Iteraera, ao a nooria te koraki n aomata aika kaain Moaaba. A kawaekoaia Iteraera akekei n tewenakoa rab'atan aia mate nako nanon ruanimaten Eritai ao a biri nako. Ao ni bon te tai naba are e bo iai rab'atan te m'aane arei ma riin Eritai, ao e a maiu naba te aomata arei, ao e teirake.

2.Uea 2:14

E orea te ran n te kunnikai arei, ao e mataku ao e taku, Tera ngkana E karaoi kakai te UEA n aron are E karaoia ngkoa nakon Eria? Ao ni bon te tai are e karaoa aei iai Eritai, ao e a uki naba te kawai ae e m'au i nanon te ran, ao e a m'ananga i nanona.

2.Uea 2:21

Ao e uotia nakon te koburake n ran. E karenako te taoro nakon te ran ao e taku, E a tia ni kaitiaka te ran aei te UEA, ma ngaia are, e a manga itiaki te ran aei. Ao man te tai aei kam a konaa ni kamaiuraoi arokami, ao a akea ae e na manga baki.

2.Uea 4:41

Ao e taku Eritai, “Uotaamai te buraawa nako iu.” Ao e kab'akab'aka te buraawa i aon te am'arake, ao e a manga taku, “Kabutia nakoia.” Ao e a manga raoiroi kanakin te am'arake arei.

2.Uea 4:43

Ao e taku ana tia m'akuri, “E bon aki tau m'aitin aikai i bukiia tebubua aomata.” Ao e taku Eritai, “Bon anganiia. E a tia ni berita te Atua b'a e na raka nako i aon ae e tangiraki.”

2.Uea 5:14

Ao e ruorikaaki Naaman nako nanon Ioretan; e nakonako i nanon te ran, ao i mwiina e teboo itiua te tai n aron are e tuangnga Eritai. Ao e toki aorakina ni bon te tai naba arei, ao e tamaroa kunna n aron kunin te ataei.

2.Uea 5:27

I bukin te b'ai ae ko a tia ni karaoia, ao e na manga ewekiko ngkai reeberan Naaman, ao a na ewekaki naba kanoam n aki toki.” Ao n te tai naba arei, ao e mainaina kunna n te reebera, ao e taonnako.

2.Uea 7:19

Ma e aki roko n te kakoauaa te b'ai arei te aobitia arei, e ngae ngke E boni konaa te UEA ni karaoa te b'ai arei. Ma ngaia are, e kauringnga Eritai b'a e na nooria ngkana e a koro bukina, ma e na aki kana am'arakena naba teutana.

2.Uea 7:2

Ao e kaeka mataniwiia aobitia are e mena i rarikin te uea ikekei ao e taku, “I aki kakoauaa. E ngae ngkana e kanakoa naba te karau ae moan te korakora te UEA, ao e na bon aki konaa naba n reke te aekaki ni m'aiti ni uita anne mai i mwiin ngkai ni karokoa te ingabong.” Ao e kauringa Eritai ao e taku, “Ane ko na noora koroni bukina ma ko na aki kana naba te am'arake teutana mai iai.”

Taian Areru 124:7

Ti a tia ni kainaomataaki n ai aron te mannikiba ae kainaomataaki man ana b'ai ni kam'am'ane te tia kaei maan;

Te Minita 9:12

Bon akea mai buakora ae e ataa te tai ae e na reke iai, b'a konan te kabuanib'ai ae e karina, are ti na kuneira iai kaanga te ika ae e bae n te karaun, ke te mannikiba ae e m'ane n te b'ai ni kam'ane.

Ana Anene Toromon 3:3

I bon titirakiniia naba taan tei ake a tararua te kaawa ni kaangai, “Kam noora teuare I rangi n tangiria?”

Itaia 62:6

Ierutarem, I a tia ni kaaki i aon ami oo nako taan tei, ake tabeia n te bong ma te ngaina te taetae n taai nako. A na kakauringa te UEA.

Ieremia 11:19

Ma E tuangai te UEA b'a a tia n iaiangoa koreau ni kab'akaaki kaanga te aroka uaana ma b'aina ni kabane b'a e aonga n ae akea ae e na manga konaa ni manga ururingai riki.

Ieremia 14:13

Ao I kaeka ni kaangai, “A teimatoa burabeti ake tekorakina n tuangiia aomata b'a ko na bon aki karokoa te baki ke te buaka, ma Ko na anganiira te raoi.”

Ieremia 23:13

A rangi n ribaaki irou burabetin Tamaria, i bukina ngkai a kab'arab'ara n aran B'aara ao a kairiia nako aomata.

Ieremia 31:6

N te bong teuana ane a na takaarua koraki akana tararuaa maungan Tamaria ni kaangai, “Ti a nako Tion n taromauria te UEA ae Atuara.”

Ieremia 6:14

Ti te b'ai ae a konaa n anga nako ia au aomata aika a rangi n ikoaki kantaningaan te rau ae akea nanona.

Ieremia 6:17

I bon kanako ia naba taiani burabeti b'a a na kauringngkami i bukin te kabuanib'ai, ma ngke a katang te b'ai ni kauring, ao kam bon aki kan tabe iai.

B'aeb'aeti 2:14

Akea riki te b'ai ae a kona n taekinna am burabeti, b'a ti te kewe aroia. A kam'anei ngkami n aia kab'arab'ara b'a aki kona ni kaoti ami bure nakoimi. A anganiko te koaua ae aongkoa ko aki kainanoa te raira n nano.

B'aeb'aeti 4:13

Ma e bon riki anne i bukina ngkai a bure burabeti ma ibonga, a tiringiia aomata aika a raoiroi.

Etekiera 3:17

Etekiera ae natin te aomata, I a tia n rineiko b'a ko na teirake n taratara i bukiia Iteraera. Ma ngaia ae, ko na ongora nakon te b'ai ae I taekinna, ao i mwiina ko na taetae i buku ni kauringiia.

Etekiera 33:7

I a tia n rineiko Etekiera b'a kona taratara i bukiia Iteraera. Ma ngaia ae ko na kakauongo nakon te b'ai ae I taekinna, ao i mwiina, ko na kauringiia i buku.

Otea 5:1

Ongora, ngkami aika ibonga! Kakauongo raoi, Iteraera! Ongora, ngkami aika kaain te utu n uea. Bon tabemi karaoan te motikitaeka ae eti. Ma kam kam'aneia aomata i Mitib'a ao te Maunga are Tabora.

Otea 9:7

Iteraera, e a roko te tai. E na bon okiriko te b'ai are ko bon kaantaningaia, ao ko bon ataia. Ko taku, “A nanobaba burabeti, ao a rangirang ana tia uarongorongo te Atua.” E a tia am kaairua ae e kakamaaku ni kaoniko n te riribai.

Otea 9:9

Ko tiritiri ao ko akiako, n aroia m'anen Kibea. Ma E uringa ami bure te Atua, ao E na katuaaeko.

Mika 7:4

ni karokoa naba aia aomata aika a rangi n raoiroi, a riki n akea manenaia kaanga kaai aika kateketeke. E a roko te bong are E nang katuuaia iai aomata te Atua, n aron are E a bon tia n reireiniia rinanoia aia Tia Taratara aika burabeti. A bon teimatoa naba n aki ataa ae a na karaoia.

Ioane 15:24

Ngke tao I aki karaoi i buakoia b'aai aika aki kakaraoaki ma rimoa iroun te aomata, ao a na bon akea i rouia namakinani mwin aia bure; ma ngkai, a tia n norai ma Tamau ao a ribaira.

I-Rom 3:7

Ma ngkana e buoka aroni kamoamoan te Atua arou ni kewe n te aro are e a kaota raoi riki iai aron te Atua b'a E b'ab'aina te koaua, ao e aera ngkae e teimatoa naba arou ni motikaki taekau b'a te tia bure ngai?

Ebera 13:17

Kam na ongeaba nakoia ami taani kairiri, ao kam na aan taeka i rouia: b'a a tantani n aki motirawa i bukini kawakinani maiumi, ngkai a nang taekin aroia ni m'akuri. Ngkana kam ongeaba i rouia ma n iri nanoia, ao a na karaoa aia m'akuri ma te kim'areirei; ma ngkana kam aki, ao a na karaoa aia m'akuri ma te rawawata n nano, ao anne bon akea buokami iai.