Otea 9:4 - Te B'aib'ara

⁴ Kam na aki konaa n anga te karea are te wain nakon te UEA. Bon akea mai buakon ami karea ae N na kukurei iai a na aki itiaki n aekakin taian am'arake ake e anga te aba nakoia maate. A na ti kabonganaaki kanami i bukin katokan bakimi; ao akea mai iai ae e na uotaki nakon Ana tembora te UEA.

Otea 9:4 Iomraidhean Croise

Te Otinako 29:40

Kam na anga ni kaairia ma te tiibuteteei, teuana te kirokuraem te buraawa ae e renganaki ma teuana te riita b'aan te oriwa ni koaua b'a te angab'ai.

Te Otinako 40:23

ao e katokaa te kariki are te angab'ai nakon te UEA i aon te taibora, n aron are E a tia ni baaireia te UEA.

Itaia 57:6

Kam a tia ni baaireia b'a kam na taromauri taian bouannanti aika a karaoaki n taian atiibu; Kam a tia n anganiia taian angab'ai ake te wain ao te uita. N na kukurei n anne?

Itaia 66:3

Kam kareani taiani kaom'aane nako iu, ao kam tiriaomata; kam karean taian tiibu ataei nako iu ao kam karean taian kamea nakoia anti tabem'aang; kam karean taiani uita nako iu ao raraan taiani beeki nakon taian bouannanti; kam kabuoki b'ai ni kaboiarara nako iu ao kam neboi ami bouannanti. Kam a tia ni rinea are kam tangiria b'a kam na karaoia ni karaoi m'akuri aika a rangi n ribaaki aikai aika b'aai aika kam rangi n tangiri ni kan karaoi.

Ieremia 16:7

Bon akea ae e na uota te am'arake ao te wain ni buokiia ni karaui nanoia akana tang i bukin mateia tamaia ma tinaia.

Ieremia 6:20

Kaain Iuta, kam uoti nako iu taiani b'ai ni kaboiarara mai Tieb'a ao b'ai ni kangkangian te am'arake man aaba aika a raroa. Kam karean aekaki ni man ni kabane. Ma e aera ngkai kam tabeaianga? I ribaai ami b'aintangira aikai ni kabane!

Etekiera 24:17

Ko na tang n te aro ae akea ae e na ongo tangim ao ko na kaotia b'a ko aki rawaawata. Ko na aki kanakoa am m'aita ke ni kanakoi am kauniwae; ko na aki rabun matam ni kaota nanokaawakim, ke ni kang am'arake aika a kaakang taan nanokawaki.”

Etekiera 24:22

Ao i mwiina, kam na karaoa naba te b'ai are I tia ni karaoia. Kam na aki kanakoi rabunan matami ao kam na rawa ni kana te am'arake are e kaakanaki irouia taan tanginiwenei.

Taniera 1:8

Ao e reke ana iango Taniera b'a e na aki kam'araea ni kang kanaia ao nimaia kaain ana baareti te uea, ake am'arake aika a kam'araa. Ma ngaia are, e a butiia Atibenati b'a e na buokia,

Otea 3:4

E na bon maan naba te tai i m'aain reken uean Iteraera ke i m'aain are e anga te aba iai taiani karea i nanon te tembora ke i m'aain are a reke taian kawai are ti na kairaki iai iroun te Atua.

Otea 7:16

ao a rawa n ongotaeka irou, Akea riki bonganaia nakon te kanoanikatebe ae e b'aoua. A na mate aia tia kairiiri n te buaka i bukin taekinan b'aai aika a nanobaba. A na ngareakinaki irouia kaain Aikubita.

Otea 8:13

Kam karean ami man ake taian kabanea n tamaroa ao kam kang irikoia maan ake kam karean, ma I aki butim'aai ami karea nako Ngai ae te UEA. N na aki m'aninga ami bure ao N na katuaaingkami. Ao i mwiina, kam na okira Aikubita.

Ioera 1:13

Taang, ngkami aika ibonga aika kam m'akuri n ana baonikarea Atuau. Kangainaa ao kabongnga ni waea te kunnikai ae e mangaingai. A na aki manga uotaki nakon ana Tembora te UEA taian angab'ai are te uita ma te wain.

Ioera 1:9

A aki manga oki n uotaki nakon ana Tembora te UEA taian angab'ai ake taian uita ma te wain. A rangi n nanokawaki Ana tia m'akuri ake taian ibonga.

Ioera 2:14

Bon te UEA Ngai ae Atuami. E na mena ngkoa ao N na manga bita nanou ma n nanoangaingkami. Ao ane kam na kakab'aiaki n anganaki taian uita ao te wain ae e tau i bukin te angakarea nako iu.

Nakoaia Ibonga 17:11

A mena maiuia baika a maiu n te raraa. Ma ngaia are, E tua te UEA b'a a na kab'aroaki raraaia man aika kawakawa i aon te baonikarea b'a a na uotinako aia bure aomata. Te raraa bon te maiu, ao e uotinako aia bure aomata.

Nakoaia Ibonga 21:17

b'a e na kaangai nakon Aaron:

Nakoaia Ibonga 21:21

A aki kona n riki m'aane aikai b'a au ibonga ao ni kabuoki karea nako Iu.

Nakoaia Ibonga 21:6

Boni Ngai te UEA ae Atuami, ao I a tia n rineiko n ti ngkoe b'a ko na anga te karea ae te am'arake nako Iu i aon te baonikarea. Anne bukina ngkae ko na riai n tabu.

Nakoaia Ibonga 21:8

b'a I tabu. Ma ngaia are, a riai ni karaoaki raoi b'aai nako im n te aro ni karinerine ae riai, ngkae ko anga te karea ae te am'arake nako Iu, ngai ae Atuan te tabu.

Amota 5:22

Ngkana kam uoti nako iu ami karea ni kabuokaki ma ami karea ni uita, N na bon aki butim'aai; N na bon aki naba butim'aai ami man aika kamarikaaki b'a ami karea nako iu.

Maraki 2:13

Ao tera riki baika kam karaoi? Kam tang ni karongoa ao kam kaiekaa ana baonikarea te UEA n ranin matami, i bukina ngkai E aki kukurei iroumi n ami angab'ai ao e aki kan butim'aai.

Warekaia Iteraera 19:11

Ngkana kam riinga rab'atan te mate, ao kam na kam'ara i nanon itiua te bong.

Warekaia Iteraera 28:2

b'a e na kaangai nako ia Iteraera: Kam na anga ami karea nako Iu n ami tai n taromauri ake a tia n rineaki, b'a I aonga n aroka bubun te karea ao I kukurei iai.

Warekaia Iteraera 4:7

Ao i mwiina, a na manga rabuna taiboran te Kariki ae Tabu Aaron ma natina mm'aane n te kunnikai naba ae buru. Ao a na katokai taiani raurau, ma booran te b'ai ni kaboiarara, ma te m'angko, ma tiaekin te wain, ao ai uana naba ma te Kariki ae Tabu i aon te kunnikai.

Ioane 6:51

Ngai te am'arake ae reke te maiu mai iai are ruo mai karawa. Ane kana te am'arake aei, ao e na maiu n aki totoki; ao te am'arake ae N na anga i bukini maiun te aonnaba bon irikou.”

Te Tua-Kaua 26:14

I bon tuai mani kana naba teutana m'akoron am'arake aika tabu aikai ngkana I tanginiwenei; ao ni koauana, I bon tuai man riingnga naba ngkana I kam'araa. Ao bon akea naba mai buakoia ae I a tia n anga b'a te karea nakoia maate. I a tia ni karaoi b'aai ni kabane n aron aika Ko a tia ni baaireia.