Otea 9:3 - Te B'aib'ara

³ ane kam na kiitana aban te UEA. A na nako tabeman mairoumi nako Aikubita; ao tabem'aang a na nako Aturia ni kang am'arake aika a aki itiaki.

Otea 9:3 Iomraidhean Croise

1.Uea 9:7

ao N na aki kamaekaia Iteraera n te aba ae I a tia n anganiia. N na kamaunaa te Tembora aei, are a tia n taku b'a nneu n taromauriaki. Ao ane a na taku botannaomata tabeua b'a tiaki te torongaki ni botannaomata te botannaomata aei, ao ane a na b'ainingareia.

2.Uea 17:6

i m'aain are e a reke i rouna n ana karuaiwa n ririki ni uea Otea. E uotiia nako Iteraera uean Aturia b'a buure. E kairoroia tabeman mai buakoia b'a a na maeka n te kaawa are Ara, ao tabeman b'a a na maeka i rarikin Karaangan Abora n te aba are Kotan, ao ake tabeman b'a a na maeka ni kaawa ake a maeka naba iai kaain Miria.

Ieremia 16:18

N na kataboroa tuaami i bukin ami bure i bukina ngkai kam a tia ni kabuakaka te aba. Kam a tia ni kaonna n taian bouannanti aika a aki maiu kaanga maate.

Ieremia 2:7

I uotingkami nako ikai nako abau, ike e tiraua te am'arake iai, ma kam kabuakaka te aba n ami bure.

B'aeb'aeti 5:6

Ti nako ni bubuti te am'arake i Aikubita ao i Aturia i bukin korakoran te baki.

Etekiera 4:13

Ngke I kamaaea nakoia Iteraera i buakoia botannaomata, a na riai naba ni kana te am'arake ae e aki itiaki, n aron naba ae kam karaoia:

Taniera 1:8

Ao e reke ana iango Taniera b'a e na aki kam'araea ni kang kanaia ao nimaia kaain ana baareti te uea, ake am'arake aika a kam'araa. Ma ngaia are, e a butiia Atibenati b'a e na buokia,

Otea 11:11

A na oki rikaaki, a na kiba m'aaka kaanga taiani mannikiba mai Aikubita ke kaanga taian taobe mai Aturia. Ao i mwiina, N na kaokiia rikaaki nakon mwengaia. Bon aei au taeka Ngai ae te UEA!

Otea 11:5

Ma a onimakina Aikubita ao a aki kan okirai; ao ngkai a na tautaekanaki iroun Aturia.

Otea 7:11

Iteraera bon te mannikiba ae akea ana namakin, e kibakiba ni kawaekoa i marenan Aikubita ao Aturia.

Otea 7:16

ao a rawa n ongotaeka irou, Akea riki bonganaia nakon te kanoanikatebe ae e b'aoua. A na mate aia tia kairiiri n te buaka i bukin taekinan b'aai aika a nanobaba. A na ngareakinaki irouia kaain Aikubita.

Otea 8:13

Kam karean ami man ake taian kabanea n tamaroa ao kam kang irikoia maan ake kam karean, ma I aki butim'aai ami karea nako Ngai ae te UEA. N na aki m'aninga ami bure ao N na katuaaingkami. Ao i mwiina, kam na okira Aikubita.

Otea 9:6

E ngae naba ngkana ko biri nako ni maiu, ko na bon toki naba i Aikubita. ao n taunaki i Membiti. kaub'aim aika tirewa a na bua i buakon uteute; aika bwebwerake n am autinrianna nako.

Nakoaia Ibonga 18:28

Ao n te aro anne, e na aki m'anuokiningkami te aba, n aron are e m'anuokiniia ake a maeka i m'aimi ngkoa.

Nakoaia Ibonga 20:22

Ongotaeka nakon au tua ma au reirei nako. Rimwi e na rangi n aoraki te aba are I anganingkami ao e na kona n tewenakoingkami.

Nakoaia Ibonga 25:23

Akea te aba ae na kabooaki ni karekeaki raoi, ke ni kabooaki nako raoi. Abau ni kabane, tiaki abami, b'a kam ti maeka iai i nanon te tai ae e uarereke.

Amota 7:17

Ma ngaia ae ngkoe ae Amatia, E kaangai Ana taeka te UEA nakoim, ‘E na riki buum b'a te aine ae ainen mataawa i nanon te kaawa, ao a na bane ni mate natim n te buaka, ao e na tib'atib'aaki abam nakoia tem'angina. Ao ngkoe, ko na mate i nanon abaia beekan, ao a na uotaki nako aomatan Iteraera mai abaia b'a taenikai.’

Mika 2:10

Teirake ao naako; bon akea ae e kona ni manga reke maiuna ikai, b'a N nang karokoa te kanganga ae ab'ab'aki i aon Ierutarem i bukin ami bure.

M'akuri 10:14

Ma e taku Betero, “Te UEA, I aki kona; b'a I tuai ni kana te b'ai teuana ae aki itiaki ke ae kam'ara.”

Te Tua-Kaua 28:63

E rangi ni kukurei te UEA ni katetekeraoingkami ma ni buoka ami botannaomata ni karikirakea ngke kam buakana te aba n taua. Ma ngkana kam aki ongotaeka nakoina ao E na manga bon rangi ni kukurei naba ni koutingkami mani wakaami.

Te Tua-Kaua 28:68

I tuangngkami ngkoa b'a kam na aki okira Aikubita. Ma ngkai, E na kanoai taiani kaibuke iroumi te UEA, ao E na kaokingkami rikaaki nako ikekei. Ao i mwiina, ane kam na kakaaea angan kaboakimi nako b'a tooro, ma ane a na akea ae e na kani kabooingkami.

Iotua 23:15

E bon kakakoroa bukin Ana berita te UEA n anganga te kab'aia ao te rekenikai nakoia ana aomata.