Otea 9:10 - Te B'aib'ara

¹⁰ Iteraera, ngke I kuneko ngkoa Ngai ae te UEA, ti te bo ma kunean te kureebe i nanon te rereua ae akea kain aona ke uaan te biiku aika a uarereke aika a kangkang. Ao i mwiina, ko taromauriia B'aara-Beora, te bouannanti ae rangi n ribaaki, ao ko bon kamamaaeko kaanga te bouannanti are ko tangiria.

Otea 9:10 Iomraidhean Croise

1.Uea 16:31

Bon ti te bo are e karaoia ma Ieroboam. Ao ana bure riki ae moan te buakaka bon ieinna ma Nei Ietebera are natin uean Titon are Etabaara, ao e a manga taromauriia B'aara.

2.Uea 17:11

A anga taiani karea n taiani baangota n aron are a kakaraoia ngkoa botannaomata ake ianena i m'aain kakionakoaia mai Iteraera iroun te UEA. A karaoi buure aika a rangi ni buakaka n te aro are E a rangi n un iai te UEA.

Taian Areru 115:8

Ni kabane aomata ake a karaoi bouannanti ma n onimakin bon akea uaaia kanga ai aroia bouannanti ake akea uaaia.

Taian Areru 81:12

Ma ngaia ae I kariaia b'a a na iri nanoia aika matoatoa, ni karaoi baike a tangiri.

Ana Anene Toromon 3:6

Tera ae ti nooria ae e tabe n roko man te rereua kaanga te maabubu n nang? Ao iriana boiararan b'aai ni kaboiarara, ma te muura ao te riibano.

Itaia 28:4

E na waekoa ni mauna mimitongin Taamaria are i etan te m'arua are e maiu aona. E na kanaki nako kaanga moan uan te biiku ae e tai n tain te tai.

Ieremia 11:13

ao a m'aiti riki aia baonikarea i bukin B'aara nakon m'aitin kawain nanon te kaawa i Ierutarem. Ma a bon aki konaa ni kamaiuia kaain Iuta antiia aikai man te kabuanib'ai.

Ieremia 24:2

E onrake te b'aene are teuana n taian biiku aika a rangi n raoiroi aika a kaman tawaa, ao te b'aene are teuana e onrake n taian biiku aika a buakaka aika a aki tau n te kanaki.

Ieremia 3:24

Ni moa man aia bong ara bakatibu ngke te botannaomata ngaira ae e uarereke, e a tia n anai ara uita ara nanai ni man ma natira mm'aane ao natira aine B'aara are te kananoanga.

Ieremia 3:25

Ti a tia ni kakaaitarako kaanga aroia ara bakatibu, ao ti a mamaa n ara bure.”

Ieremia 31:2

I akoia aika a biri nako i nanon te rereua b'a a na rawei maiuia man te mate. I anganiia te rau, ao ngkana e roko raoi te tai, N na karaoa naba aei nako imi. Bon aei Au taeka Ngai ae te UEA.

Ieremia 5:31

A anga aia rongorongo taiani burabeti n aran te anti ni kewe. a aki tangiria au ibonga ni m'akuri i buku ma ngkami-Au aomata ni koaua kam tangira te kawai aei! Ma i nanon tain te kabuanib'ai anne, kam na rairaki nakon antai i bukin buokami?

Etekiera 20:8

ma a bon kamangao naba nako iu. A rawa n ongo ao a teimatoa n taromauriia taiani bouannanti ao antiia ianena. Ao I baaireia b'a N na katuaaia Iteraera i Aikubita i bukin marakin nanou.

Otea 11:1

Ngke e uarereke ngkoa Iteraera, I tangiria, ao I wetea natiu te m'aane ni kaotinakoa mai Aikubita.

Otea 13:5

I tararuaiko n te rereua are e rangi ni b'atakataka.

Otea 2:15

N na kaoka am nnenaroka ni kureebe, ao i mwiina te M'arua are Kangaanga are e na riki b'a M'aruan te Kantaninga. Ane ko na kaangai “Eng” nako iu n aron are ko karaoia ngkoa ngke ko kairake, ngke ko kiitana Aikubita.

Otea 4:14

Ma I aki katuaaia. Boni ngkami aika m'aane aika kam riai ni bukinaki, i bukina b'a kam nako ni kawariia ainen matawa ao kam anga karea ma ngaiia n aia baangota nako beekan. E na uotingkami nanobabami nakon uruakami.

Otea 4:18

Kam manging, ao i mwiina kam matu ma taian ainen matawa; Kam aki tau ni kaira te maiu ae e raoiroi. b'a e buakaka maiumi.

Amota 4:5

Naako kabuoki kariki b'a karea ni kaitau nakon te Atua, ao uotii naba ami karea n anganano man kamooi ngkami iai! B'a bon te b'ai ae kam tatangiria.

Mika 7:1

E a kab'ara nano! Kaanga ai aron te aomata ngai are I kakaea kanau ma bon akea teuana uaan te aroka n tiku, ao akea naba uaan te kureebe n tiku. B'a a bane n tia n anaaki kaai ma uaa aika a kangkang.

Warekaia Iteraera 15:39

E na kauringngkami baikai b'a kam na riai n ongotaeka nakon Au tua ma Au reirei.

Warekaia Iteraera 18:13

Ao ami b'ai naba moa ni uaa n arokan aia katawanang ma aia nne ni kureebe. A na anga baikai aomata nako Iu, ao a na kona n anai tabeua mai iai kaain ami utu akana a itiaki.

I-Rom 6:21

Tera te bae kam karekea ngke kam karaoi ngkoa baike kam mamaa iai ngkai? B'a tokini baikekei te mate.

Te Tua-Kaua 32:10

Iteraera, E kuneingkami te UEA n te aba are e rereua are korakora iai te ang ae tangim'aaka. E riki te UEA b'a nonomi are kaawakiningkami kaanga ai aron kaawakinakin kanoani matana.

Te Tua-Kaua 32:17

Kam angakarea nakoia taimonio, ao bouananti aika akea bonganaia aika aki kona ni buokingkami, atua aika boou aika tuai man taromauriaki irouia ami bakatibu

Te Tua-Kaua 4:3

Kam bon noora aron tiringaia ni kabane ake a taromauria Baara Beora.

Tani Motiki-taeka 6:32

Ao ni bon te bong naba arei, ao Ioati e a kab'aka naba aran Kiteon nakon Ierub'aara, ae nanona, “Te aomata are e urua baonikarean B'aara.” Ma ngaia are, ke e bon irataangana B'aara i bon i rouna.