Otea 8:8 - Te B'aib'ara

⁸ Iteraera, ko a uruaki, ao ko a atongaki ngkai irouia botannaomata b'a akea bonganam.

Otea 8:8 Iomraidhean Croise

2.Uea 18:11

E kairiia Iteraera uean Aturia b'a taenikai, ao e kairoroia tabeman mai buakoia b'a a na maeka n te kaawa are Ara, ao tabeman b'a a na maeka i rarikin te Karaanga are Tabora n te aba are Kotan, ao ake tabeman naba b'a a na maeka ni kaawa ike a maeka iai kaain Miria.

Itaia 30:14

te oo ae e rietaata kaanga te boora ae e manatua. Bon akea m'akorokorona ae e tau buuburana i bukin uotakin te kooro ae e buee ke ni ititiia te ran ni kanakoa.”

Ieremia 22:28

Ieoiakin, ko aki tangiraki kaanga te b'aata te kaatiibu ae e a uruaki. Ma ngaia are, kam na tewenakoaki ngkoe ma natim nakon te aba ae ko tuai man ongongo ma ngkoa.

Ieremia 25:34

Bon ana nanai te UEA aomata, ao ngkami aika taani kairiiri bon taani kaawakintiibu. Ma ngkai, ai manga ami tai n tiringaki kaanga tiibu. Kam na maaenikun kaanga te b'aata te tano ae e b'aka man te buia. Ma ngaia ae, kam na rabinobino i aon te tano, n tang ma n tanginiwenei.

Ieremia 48:38

Akea te b'ai ae e karaoaki i aon taubukin autin Moaba ni kabane ao ni katawanangin nuukan te kaawa b'a ti te tang, i bukina ngke I a tia n urua Moaba kaanga te tiaeki are akea ae e tangiria.

Ieremia 50:17

Iteraera bon te nanai n tiibu ae e maae nako irouia raian aika a bora ni baki. Uean Aturia boni ngaia te moan kab'autiia Iteraera. Ao i mwiina, Nebukaneta, uean B'aburon, are e kangkanta riin Iteraera.

Ieremia 51:34

Ane a na kaangai kaain Ierutarem, “E kabuai nanora te Uea ae Nebukaneta E kaonna te manikaakang are iroura ma kaub'aira, ao e katikuira n akea ara b'ai e kab'auta te b'ai are e tangiria ao e baawarea nako nikirana.

B'aeb'aeti 2:16

A bane ni kakanikoko am kairiribai ma n taraiko ma te mata n riribai. A kangengei wiia ni kaenaenako ni kangai, “Ti a tia n ekinakoia! “Bon aio te bong are ti a ngae n tataningaia!”

B'aeb'aeti 2:2

E na bon kamaunai kaawan nako Iuta te UEA n akea ana nanoanga. Ao E na katabwenai taian nono ake otangan te aba. E uota te rawaawata nako aon abanuea ma taan tautaeka.

B'aeb'aeti 2:5

E a tia ni kamaunaa Iteraera te UEA, n ai aron te kairiribai; E kiitan taian nono ma baareti ngke a uruaki. E karokoa te rawaawata ae akea tokina i aon Iuta.

B'aeb'aeti 4:2

A riki b'a kaanga boora aika atiibu, m'anen Tion aika rorobuaka n ataei, ake kaanga aron tamaroan koora ngkoa nakoira.

B'aeb'aeti 5:2

A b'aini ara b'ai ianena; A maeka iruwa ni mwengara.

Etekiera 36:3

A uruaningkami ma ni kamanatuaingkami man itera ni kabane, ao a kataenikaingkami aia botannaomata ianena ao a b'ainingareingkami.

Nakoaia Ibonga 26:33

Ngkana I a tia n urui ami kaawa nako aika a uarereke ma abami n te bo ni buaka, ao N na kamaenakoingkami i buakoia botannaomata.

I-Rom 9:22

Ao bon ti te bo naba ma are E a tia ni karaoia te Atua. E kani kaota unna ma m'aakana n ekianako ake a bon riai mateia. Ma E aki, b'a te bae E karaoia E taotaona nanona nakoia.

Te Tua-Kaua 28:25

E na kakonaakingkami te UEA irouia ami kairiribai, ao kam na uamaae nakon taabo nako. Kam na riki b'a kamarakan mataia botannaomata tabeua ngkana a nooringkami,

Te Tua-Kaua 28:64

Ao ngkami aika kam aika reke maiumi kam na manga maenako nakon botannaomata tabeua i aon te aonnaba, ao ane kam na imanonoaki b'a kam na taromauri taian atiibu ao taian bouananti aika taiani kai aika a bon tuai buokingkami ke ni buokiia ami bakatibu.