Otea 8:1 - Te B'aib'ara

¹ Katanga te buu ni kauring! Iteraera, ko a tia n urua ara boraraoi ao ko a tia n aki kubara au reirei. Ao ngkai e na kiba rikaaki te ikare ni buakana abau.

Otea 8:1 Iomraidhean Croise

2.Uea 18:27

Ao e kaeka teuare te mataniwi ni buaka mai Aturia, “E kanakomaiai au uea b'a N na taetae nakoia aomata ni kabane, ao tiaki ti nakoia taani kairiiri. Ae a nang kana nakotariia ma mimiia aomata aikai n te tai ae e aki maan. Ao ai uana naba ngkami akana teniman aikanne.”

Itaia 18:3

Kaain te aonnaba aei ni kabane, kakauongo raoi! E na kanakoaki te kanikina i aon taian maunga, ao ane kam na ongo tangin taiani buu.

Itaia 24:5

E a kam'araa te aonnaba i bukiia aomatana aika a aki ongotaeka nakon ana tua nako te Atua, ma n urui aia booraraoi are akea tokiia.

Itaia 58:1

Takaarua te rongorongo! Tai taua. Ko na kaangai nakoia au aomata ae Iteraera: Kam a tia ni bure! Ko a tia n rairaki nako mai roun te UEA.

Ieremia 31:32

E na bon kaokoro ma te boraraoi are I karaoia ngkoa ma ami bakatibu ngke I kaotinako ia mai Aikubita. E ngae ngke Atuaia Ngai, ma a bon urua naba te boraraoi anne.

Ieremia 34:18

Kam bubutiai b'a N na riki b'a te tia kakoaua ngke kam karaoa te boraraoi i bukin kainaomatakiia ami toro. Kam korouaa te kaoteteei nakon uoua m'akoro, ao kam nakonako i marenan m'akorona akanne. Ma kam a tia ngkami aika kaain Ierutarem n urua te boraraoi anne n reitaki ma Au boraraoi ma Iteraera. Ma ngaia are, N na karaoa naba nakoim are kam karaoia nakon te kaoteteei.

Ieremia 4:13

Nooria! e kiba rikaaki kaanga te ikare ana taanga ni buaka te kairiribai; a rangi ni biri m'aaka riki aia taan toka i aoia aoti ao aia kaanibuaka nakon te nang ni buakan karawa ae e ukaki n te ang.” Ao ane ko na kaeka ni kaangai, “Ti a mate!”

Ieremia 4:5

“Katang taiani bu au aomata. Kauringiia kaain Iuta, Biri n rawei maiumi!

Ieremia 48:40

Moaba, e kiba rikaaki te kairiribai kaanga te ikare ae e taakin baina i aon abami.

Ieremia 49:22

A na kiba rikaaki aiam ni buakaniko kaanga te ikare ae e taakin baina ni kiba ma ni kibakiba i aon Botira. Ane a na tauaki n te maaku am taani buaka.

Ieremia 51:27

Aanga te kanikina nako ia botannaomata nako b'a a na tauraoi nakon te buaka. Irakea te buraeki ao katanga te buu. Kanakoa weteaia aia taanga ni buaka kaain Ararata, Minni, ao Atikenati. Rinea te mataniwi; ao kanako ia taani buaka i aoia aoti b'a a na buaka kaanga taanga n rokati.

Ieremia 6:1

Biri n rawei maiumi, aomatan Beniamin. Oti nako mai nanon Ierutarem. katanga te bu i Tekoa ao kaura te ai are te kanikina i Beta-Akirem. Ko na oreaki n te tai ae e aki maan n te kabuanib'ai mai meang.

Etekiera 11:4

Ma ngaia ae, Etekiera, ko na kabuakakaia!”

Etekiera 16:59

Ierutarem, ko bon riai ni katuaaeaki, b'a ko urua am berita ao ko kaaki taekan ara boraraoi.

Etekiera 17:3

b'a a aonga n ataa te b'ai ae I taekinna nakoia: N te tai teuana ao e a kiba i aon Reb'anon te ikare ae e korakora baina ni kiba ma n tamaroa buraena. E otea taberan te kai ae te tiira,

Etekiera 7:14

E a tia ni katangaki te bu are te kanikina, ao a tia ni katauraoaki taian b'ai ni buaka. Ma bon akea ae nakon te buaka, i bukina b'a N na oroia aomata ni kabane i aon Iteraera n uniu.

Otea 4:6

Kam a tia ni katinanikuai ngkami aika ibonga, ao a uruanaki au aomata i bukina ngke a rawa n ongo. Ma ngaia are, N na katinanikuingkami ma ni kaaki taekaia natimi, i bukina ngke kam a tia ni m'aninga taekan au tua.

Otea 5:8

A anga te kauring n te bu! Ke ongo te aba i Kibea, Ram'a, ao Betaera are e korakora te bure iai. Beniamin, tarataraiko!

Otea 6:7

Kam kam'aneai ngke kam urua ara boraraoi, n te tabo are e aranaki b'a Atam.

Otea 9:15

Iteraera, I moanna n ribaiko i bukina b'a ko karaoa te b'ai ae e buakaka i Kirekara. Ngkai N nang kakionakoingkami man Au auti. N na aki manga oki n tangiriko: a tia ami taani kairiiri ni keweai.

Ioera 2:1

Katanga te bu i aon Tion are ana tabuki ae e tabu te UEA. Kauringiia aomata nako b'a a na ruru ni maaku! E nang roko ana bong ni motikitaeka te UEA n te tai ae e aki maan.

Ioera 2:15

Katanga te bu i aon Tion! Weteia aomata ni ikotiia. Kaota nanokawakim n aki am'aam'arake.

Amota 3:6

Ana kona n aki maaku aomata ngkana e tang te bu ni kaota buakanakin te kawa? Ana kona n roko buaka n orea te kaawa ngkana e aki karokoa te UEA?

Amota 8:3

E na oneaki te anene n te bareti, b'a te tanginiwenei n te bong arei. A na raea ni mate aomata n aki akaaka, a na bane n teweaki nako i tinaniku, ao akea riki te karongoaa.

Amota 9:1

I noora te UEA b'a E tei i rarikin te bao ni karea. Ao E anga Ana taeka ae kaangai, “Kakorakoraa orean taberan bouan te tembora b'a e aonga ni m'aeiei te aana are i nano. Urui ni kamaerikirikii b'a aonga ni b'akari atuuia aomata. N na bon tiringiia aomata n te buaka; akea ae na biri nako, akea ae na rawea maiuna.

Ab'akuka 1:8

“A birim'aaka riki aia aoti nakoia reeb'ari, a tiritiri nakoia kameanti aika a baki. A roko aia taan toka i aoia aoti man aaba aika a raroa. A nimta te tano ukin waeia aia aoti. A biri rikaaki n ai aron te ikare ngkana e na rawea kanana.

Teb'ania 1:16

E na kanoaki te bong arei n tangin taian buu ni buaka, ao karongoaia taani buaka ngkana a buakani kaawa aika a nonoaki ma taua aika a ririeta.

Tekaria 11:1

Reb'anon, kauki am mataroa! Kariaia b'a e na rin te ai b'a e na urui am kai aika tiira.

Tekaria 9:14

E na kaoti te UEA ae te Atua nakoia Ana aomata kaanga te nang, ao E na iti n oota Ana kanoanikatebe kaanga te iti. E na katanga ana buu te Atua ma ni buaka n te ukeukenanti mai maiaki.

Mataio 24:28

Ike e mena iai te rab'ata ae mate, ao a na ikotaki naba iai taian ikare.

1.I-Korinto 15:52

n te tai ae moan te waekoa, n te rube ni mata, n tangin te kabanea ni bu. B'a ane e na tangi te bu, ao a na manga kamaiuaki maate n aki kona ni mka, ao ti na onikaki.

Te Tua-Kaua 28:49

A na kanakoaki ianena aika kaokoro aia taetae b'a a na buakaningkami n te aro ae karina, kaanga ai aron te ikare ngkana e kiba rikaaki.