Otea 7:7 - Te B'aib'ara

⁷ Bon taian ai ngaiia aika a tiringiia aia taan kairiiri. Ao akea korakoraia aia uea bon akea temanna mai buakoia ae e onimakinai.

Otea 7:7 Iomraidhean Croise

1.Uea 16:18

Ao ngke e noria Timri b'a e a reke te kaawa, ao e a biri nakon m'akoron te bareti are e matoatoa n tiringnga i bon i rouna iai ni kaurarakea te bareti ma boni ngaia ai.

1.Uea 16:22

Ao a korakora riki ake a tei i bukin Omri nakoia ake a tei i bukin Tibeni, ma ngaia are e tiringaki Tibeni ao e a riki b'a te uea Omri i aon Iteraera

2.Uea 10:14

Ao e taku Ieu nakon ana aobitia, “Tauia ma tai tiringiia.” Ma ngaia are, a tauia ao a kairiia nakon te m'anib'a i rarikin aia tabo ni bowi taani kaawakin tiibu, ike a tiringiia iai ngaiia ake angaun ma uoman.

2.Uea 10:7

Ao ngke a wareka ana kauoua n reta Ieu aomata akekei, ao a weteia ana kariki Aaba ake itingaun ni kabane. A tiringiia, ao a nnei atuiia i nanon te b'aatiketi, ao a kanakoi nako Ietireera.

2.Uea 15:10

E karaoa ana m'akuri Tiarum are natin Iabeta te m'aane ni kaaitaraa Tekaria ni karokoa e bon tiringnga i mataia aomata. Ao i mwiina, e a manga uea Tiarum.

2.Uea 15:14

E roko Menaem are natin Kari te m'aane mai Tireta nako Taamaria ao e tiringnga. Ao e a manga uea Menaem.

2.Uea 15:25

Mataniwiia ana aobitia Bikaia bon Bika are natin Remaria te m'aane, ma bon ngaia naba are e karaoa babaairean tiringakin te uea. Ma ngaia are, e m'ananga ma nimangaun m'aane mai Kireata nakon m'akoron Taamaria teuana ae e rangi ni matoatoa ao a tiringa Bikaia, n ikotaki ma Arekoba, ao Arie. E a manga riki Bikaia b'a te uea.

2.Uea 15:30

Inanon ana ka 20 n ririki n tautaeka Ioram i aon Iuta, ao e kam'anea Bika teuare Otea are natin Era te m'aane, ao e tiringnga. Ao e a manga uea Otea i aon Iteraera.

2.Uea 9:24

ao e katebe Ieu, ao e teke marenan angan Ioram n ewara buroona, ao e otinako mai b'aab'aana. Ao e b'aka ni mate i aon ana kaanibuaka.

2.Uea 9:33

ao e takaarua Ieu nakoia ni kaangai, “Karenakoa te aine anne man te winto.” A karenakoa, ao e tebera te o raraana, ao e teberiia naba aoti ake a toubekaa rab'atana.

Iobi 36:13

A na teimatoa n un nanoia aomata ake akea atuaia, e ngae ngke a katuaaeaki, ao a bon aki kan tataro naba buokaia.

Taian Areru 14:4

Buakaka ma kammaira! E koaua b'a kam boni rangi ni bangab'ai? Kam raarawa n tataro, ao kam kang ana Aomata te UEA.

Itaia 43:22

I taku Ngai ae te UEA nakon Iteraera: Ko a rangi ni kua, ma ko aki kua i bukin taromauriau.

Itaia 64:4

Bon ti ngkoe te Atua ae e tuai man nooraki ke n ongongo taekana ae e karaoi taiani kakai i bukiia taani ri mwiina.

Itaia 64:6

Ti aki tau n taromauriiko; bon taian motinikunnikai aika a buakaka ara m'akuri n tatabeua nako. Ti m'auteretere kaanga taiani baanikaai; bon te ang aika a korakora ara bure ake a kaubara nakoira.

Itaia 64:7

Bon akea riki ae e taromauri n aram ke n tiku ni kakaonimaki. Ko a tia n tannako mairoura ma ni kariaia te bure b'a e na kaniira nako.

Itaia 9:13

Ma a bon aki okirikaaki naba Iteraera nakon te UEA ae Moan te M'aaka ma n taromauriia.

Etekiera 22:30

I tarataraa temanna are e na tei i bukin te kaawa ma ni kamanoa man uniu, ao ai uana naba ma katokan uruakana Irou. Ma bon akea temanna ae e reke.

Taniera 9:13

Ao ko anganiira taian rekenikai ake a kamatataaki n ana tua Moote. Ma e ngae n anne, ao ti bon tuai mani kakukureiko te Atua ae te UEA ni kitan ara bure, ke ni ira am koaua.

Otea 13:10

Kam tangira te uea ao te tia tautaeka. A angaa ngkai ami uea? Kaawa raa aika iai taan tautaeka iai?

Otea 5:15

Ao i mwiina, N na rairaki nakon Au tembora ni karokoa a kaota aia kaairua ma n taromauriai, ni karokoa a korakai nanoia ma ni buubuti buokaia.

Otea 7:10

Bon te UEA Ngai ae Atuaia, ma a aki konaa n rairaki nako iu n aia kangaanga ni kabane i bukin aia kainikatonga.

Otea 7:14

A bon aki naba tataro nako iu; a ti tang ni korakai i aon aia kainiwene. A ribaai i bukin B'aara ao a korobiti rab'ataia i bon irouia, ma te kaantaninga b'a B'aara e na kakab'aia arokaia.

Otea 8:4

Kam rineia taiani uea ma taan kairiiri ao kam aki moa kaetai; Kam karaoi taian bouannanti man te tirewa ma te koora ake a karika b'akami.

Mika 2:1

Ai rekera kaiia aomata ake a aki matuuakin aia iango aika a buakaka, ma ni iangoi waekoan koron bukiia nakon te ingabong. Ni bon te tai are e reke iai aia tai, ao a karaoa naba te buakaka are e a iangoia.