Otea 7:4 - Te B'aib'ara

⁴ A bane aomata nako n tam'are nanoia ti te bo ngaiia ma taiani kooro i nanon te ainumuum, ae e tauraoi ni kanakoa urana.

Otea 7:4 Iomraidhean Croise

Ieremia 23:10

A a tia ni kaburei kamanenaakin m'aakaia taian burabeti aika aki kakaonimaki i aon te aba arei ni kabuta. Ma ngaia are, E oniki aaba n uteute te Atua nakon taian rereua aika a kabuebue.

Ieremia 9:1

Tera ngke a riki matau b'a koburake n ran ni mata, n te aro are I konaa n tang iai ni bong ao ni ngaina i bukiia Au aomata ake a tia n tiringaki.

Ieremia 9:2

Tera ngke I konaa n nakon te rereua ni kakaaea te tabo ni karabaraba mairouia aomata ni kabane aika a b'anganikewe ao aika a aki kakaonimaki nakon te Atua.

Otea 4:10

A na aki rauaki n te am'arake, ao e na aki reke karikan naati man te wene ni bure n aia baangota beekan. A tia ni kaitaraai au aomata

Otea 4:12

Kam kaantaningai bouananti aika taiani kai ao b'aai riki ake tabeua aika a karaoaki n te kai b'a a na anganingkami aromi. Ni wene ni bure n taian bangota e boni kaoti aromi n aki kakaonimaki nako iu, Ngai ae Atuami.

Otea 4:2

A aki toki n riiriki baikai Katekebuaka, karaoan ae e aki raoiroi, te tiritiri, te kimoa, ao te aki kakaonimaki. Te kiriwe n taabo nako.

1.I-Korinto 5:6

E aki raoiroi b'a kam na kamoamoa. Kam aki ata te iiti ae ti teutana b'a e kona ni karikirakea te buraawa are na karikaki?

Iakobo 4:4

Ngkami aika kanga ainenum'a aika taani wene ni bure, kam aki ataia b'a te iraorao ma b'ain te maiu aei bon ribaan te Atua? Ma ngaia aei, b'a ane kan i raorao ma b'ain te maiu aei, ao e riki b'a ana kairiribai te Atua.