Otea 7:1 - Te B'aib'ara

¹ ao ni kamaoa manekana. Ma I a manga noora te bure i nanon Iteraera ao Tamaria. A b'anga ni kewe aomata nako: a aiwaa taani kimoa i nanon kawain nako nuukan te kaawa.

Otea 7:1 Iomraidhean Croise

Itaia 28:1

E a reke n te kaangaanga te kaawa ae e buubura are Taamaria are e mena ietan te M'arua are e maiu aona! a koro ni manging ana taani kairiiri, ake a kaonia n tain am'arake ma taiani wain. Ma ane a na katotoongi taiani uee aika a na b'ata ma n rai.

Itaia 59:12

Ai m'aitira te tai ae ti bure ma n tannako mairoum te UEA ae Atuara? E a kabuakakaira ara bure nako! Ti a tia ni karaoa ae e kaairua.

Itaia 59:13

Ti a tia ni kaaitarako ma n rawa n iriko. A iango n aonikai nanora, ngaia are ti b'anga ni kewe iai; ti babaairea aron kabuakakaia tem'aangina ao ti rairaki nako mai roum.

Itaia 59:14

E mena te motibuaka n taabo nako; E taraa n raroa nako te motiraoi. E kakioaki nako te koaua man te boowi ni kaburebure; e butuaki nako te raoiroi.

Ieremia 51:9

Ao a kaeka ianena ni kaangai, “Ti a tia ni kataia ni b'ainaorakiia ikoakin nako B'aburon, ma a bon aki buokaki. Nako mai, ti a okiri mwengara n oin abara nako. Bon akea te b'ai ae e tiku i B'aburon; a bane n uruaki b'aai nako.”

Etekiera 16:46

Tamaria bon tarim are te ikawai, are te kaawa ae e buubura are i meangim ma kaawa akana i rarikina nako. Tarim are karimwiim bon Totom, are te kaawa are i maiakim ma kaawa akana i rarikina nako.

Etekiera 23:4

Aran are te ikawai bon Nei Oora, are e bon tei i bukin Tamaria; ao are te ataei arana bon Nei Oorib'a, are e tei i bukin Ierutarem. A manga riki b'a buu ao a bungia natiu.

Etekiera 24:13

E a rangi n on Ierutarem n te bure ao te buakaka ao I a aki konaa ni kaitiakia, e ngae ngke I a tia ni kataia ni kanakoi. E na tiku ni kammaira ni karokoa te tai are N nang bononnanoia iai.

Otea 10:5

A bane ake a maeka i Tamaria n ruru ni maaku i bukin iangoan taian bouananti i Betaera are e korakora te bure iai. te bouannanti bon aia kamoamoa taian ibonga, ma a bon uotiia nakon te kamamaaeaki; ao ngkai a bane n tang.

Otea 11:12

E b'anga ni kewe Iteraera nako iu, Ngai ae Atuaia ae kakaonimaki ma n tabu; a otab'aniniai n aia kewe, ao e taromauri anti tabem'aang Iuta.

Otea 11:8

Iteraera, I aki konaa ni kanakoko. I aki konaa ni kaaki taekam. N na kangaa ni konaa n uruaniko n aron are I karaoia nakon te kaawa are Atema ao Teboiim? I aki kona ni karaoia E nang korakora nanou i bukimi.

Otea 12:1

E kabongnga Iteraera ni kakiokioa te ang man te rereua; keewe ao aaro n tiritiri a nooraki n taabo nako. A karaoaki taiani boraraoi ma Aturia; a anaaki b'aan te oriwa nako Aikubita.

Otea 12:2

E katuaaia naba kaain Iuta te UEA, ake ana kariki Iakob'a. E na katuaaia i bukin te b'ai are a tia ni karaoia.

Otea 4:17

Ngkami aika Iteraera kam a katamaroaaki n taian bouananti. Katikuia n aroia aomata akanne!

Otea 4:2

A aki toki n riiriki baikai Katekebuaka, karaoan ae e aki raoiroi, te tiritiri, te kimoa, ao te aki kakaonimaki. Te kiriwe n taabo nako.

Otea 5:1

Ongora, ngkami aika ibonga! Kakauongo raoi, Iteraera! Ongora, ngkami aika kaain te utu n uea. Bon tabemi karaoan te motikitaeka ae eti. Ma kam kam'aneia aomata i Mitib'a ao te Maunga are Tabora.

Otea 6:4

Kaain Iteraera ma Iuta, tera ae I konaa ni karaoia i bukimi? E a tia ni mauna nako tangirau iroumi e waekoa riki ni m'arua nakon te mabubu ke te aoi n otin taai.

Otea 7:13

Kaniwangaia ngkai a katinanikuai bon ti te kangaanga ma te urub'ai. N na bon kamaiuia ngkoa ma I aki i bukina ngke a taekina te kewe nako iu.

Otea 8:5

Te kaawa are Tamaria, I a un n ami bouannanti ae taamnein te kao te ataei. N ningai te tai ae kam na aki bure iai?

Otea 8:9

Ti te bo ngkoe ma te aati ae e aki manana are e bon toua nako kawaina i bon i rouna. Ko biri nako Aturia ao ko kabooia b'a raom n te buaka.

Amota 3:10

E taku te UEA, “A kaikoi ni mwengaia b'aai aika a reke man m'akuri ni iowawa, ao man m'akuri aika a bure, b'a aki ata te riai.

Amota 3:9

Tuangiia ake a maeka ni bareti ake i Aikubita ma Atitota b'a ana bane n roko n ikotaki i aon maunga ake a katobibia Taamaria b'a ana noori taiani bure ma kairua ake a karaoaki i nanona.

Amota 8:14

Kam na bane ni b'aka n aki manga teirake, ngkami ake kam berita n araia antin Tamaria, ake Taan, ao Beera-teba.

Mika 6:16

E na riki aei nakoim i bukina ngke ko katotoong ana m'akuri te uea are Omri, ma natina naba are te uea are Aaba. Ko reitanako aia m'akuri, ma ngaia are, N na uruko, ao a na bane ni kakeaa manenam aomata nako. Bon akea temanna ae e na karineko.

Mataio 23:37

Ierutarem, Ierutarem, ae ko kamamateia burabeti, ae ko karebanaia ake a kanakomaiakaki nako im, ai bati ra au kani bobotiia am aomata, n ai aron te moa aine ngkana e botiia bunna i aani baina, ma kam rawa!

Ruka 13:34

“Ngkami, aika kaain Ierutarem, aika kam aki toki ni kamateia burabeti ao kam karebanaia ake a kanakoaki nako imi! Ai m'aiti ra au kani boboti ngkami, n ai aron te moa aine, ngkana e botiia natina i aani baina, ma kam rawa!

Ruka 19:42

ao E taku: Ko bia ataia n te bong aei, kawai ake e na reke iai te rau! Ma a karabaaki ngkai mai matam.