Otea 6:9 - Te B'aib'ara

⁹ Ti te bo ngkami aika ibonga ma te kaeng ni kimoa aika a na bakairaa. I aon te kawai nako Tekem kam tiritiri ao kam karaoi riki buure tabeua aika a kakamaaku.

Otea 6:9 Iomraidhean Croise

Karikani B'aai 12:6

Ao e m'ananga Aberam ni karokoa a roko n te Oke ae tabu are ana Oke More, are e mena n te tabo ae tabu are i Tekem. (A maekana te aba aei aomatan Kanaan n taai aikai.)

1.Uea 12:25

Ao e a manga katea Tekem i Eberaim Ieroboam mani karikiia b'a te kaawa ae e matoatoa riki nakon are mai i m'aaina, ao i mwiina e a m'aing nako ikekei. E nonoa naba te kaawa are Benuera.

Etira 8:31

Ni kauabwiin bongin te moan nam'akaina, ao ti a kiitana te Karaanga are Aawa ao ti a waaki nako Ierutarem. E tararuaira Atuara, ao ngke ti tabe ni m'ananga, ao e kararoaia ara kairiribai mani buakanakira n te aro ni karaba.

Ieremia 11:9

E taku te UEA nako iu: Ieremia, a iaiangoa kam'aneau kaain Iuta ma Ierutarem.

Etekiera 22:25

Ti te bo aia taani kairiiri ma taian raian aika a bekorara, ma n raebitiia konaia n aki akaaka. A kamateia aomata, ao i mwiina, a kimoai b'aai ni kabane aika a kakaawaki. A tiringiia buuia m'aane, ao a m'aiti aine ake a tiku n akea buuia.

Etekiera 22:27

Ti te bo mataniwiin nako Iteraera ma taian kameanti aika a tiritiri, aika raebitii konaia n aki akaaka. A maiuakina te maiu ae e buakaka n aroia n kaikoakiia ma n tiringiia aomata.

Etekiera 22:9

A karaoa te kewe tabeman aika bon oin am aomata, n te aro are a tiringaki ake tekorakina. A kang iriko ni man ake a kareanaki nakon taian bouannanti ni baangotan te aba, ao ake tekorakina a aki konaa ni katoka karaoan b'aai aika a kammaira.

Etekiera 23:27

N na katoka bebeekanim ao ainen matawaam are ko moana karaoana mai Aikubita. Ko na aki manga oki n iangoi boong aikai.

Otea 2:10

N na buuta kunnikaina ni kabebekanna i mataia ana tangira nako, ao bon akea temanna ae e na konaa ni kamaiua.

Otea 4:2

A aki toki n riiriki baikai Katekebuaka, karaoan ae e aki raoiroi, te tiritiri, te kimoa, ao te aki kakaonimaki. Te kiriwe n taabo nako.

Otea 5:1

Ongora, ngkami aika ibonga! Kakauongo raoi, Iteraera! Ongora, ngkami aika kaain te utu n uea. Bon tabemi karaoan te motikitaeka ae eti. Ma kam kam'aneia aomata i Mitib'a ao te Maunga are Tabora.

Otea 5:2

Bon taian rua aika a tiritiri ngkami n taabo n taromauri, N na katuaaingkami.

Otea 7:1

ao ni kamaoa manekana. Ma I a manga noora te bure i nanon Iteraera ao Tamaria. A b'anga ni kewe aomata nako: a aiwaa taani kimoa i nanon kawain nako nuukan te kaawa.

Mika 3:9

Kakauongo ngkami aika taan tautaeka i Iteraera, ngkami aika kam riiribaa te eti, ao kam kab'aoua te raoiroi nakon te buakaka.

Mika 7:2

Bon akea nikiran te aomata ae e raoiroi n tiku n te kaawa, akea ae e kakaonimaki nakon te Atua. A bane ni iangoa te kan tiritiri aomata nako. Ai bon te ikam'aam'ane temanna ma temanna i nanon aia kaawa.

Teb'ania 3:3

A bekorara aia mataniwi n ai aroia raian. Ai aroia kameanti aika bora ni baki ana taan motikitaeka, e aki kona n tiku nikiran kanaia nakon te ingabong.

Mareko 14:1

Ai uoua te bong ngkai i m'ain tain te Toa are te Riao ao te Berena are aki Karikaki. A ukoukora aroni kam'anean Iesu ibonga ake a kakannato ma taani koroboki, b'a a na taua ni kamatea.

Ioane 11:47

Ma ngaia are, a tewea te kabowi aia mataniwi ibonga ma B'aritaio, ao a taku, “Tera ae ti na karaoia? B'a a bati m'akuri aika kamimii aika E karaoi te aomata arei.

M'akuri 4:24

Ao ngke a ongo, ao a kabo b'anaaia n tataro nakon te Atua, ao a kaangai, Te UEA, boni Ngkoe are Ko karika karawa, ma aonnaba, ma marawa, ma b'ai ni kabane ake a mena i nanoia;