Otea 6:1 - Te B'aib'ara

¹ Ti a okira te UEA. E a tia n raeraeira ni kauarerekeira, ma E na kabaei ikoakira ao E na manga kamarurungiira.

Otea 6:1 Iomraidhean Croise

2.Rongorongo 30:6

E m'ananga ni kabutai taabo nako ana tia ua rongorongo Etekia i aon Iteraera ao Iuta ma taian reta aika a kaangai kanoaia: Kaain Iteraera, ngkai e reke maiumi man aia buaka uean Aturia, e a roko te tai ae kam a riai n tanrikaaki iai nakon te UEA ae te Atua are e taataromauriaki irouia ara bakatibu ake Aberaam, Itaaka, ao Iakob'a. E na toki unna ngkana kam karaoa aei.

Iobi 16:9

E raebitiai n unna, ao E ribaai; ao e kangengei wiina nako iu, ao e katokai matana au kairiribai nako iu.

Iobi 22:23

Okira te Atua ma te nanorinano, ao katoki b'aai ni kabane aika buakaka ake a kakaraoaki i nanon am auti.

Iobi 34:29

Ngkana e bon taku te Atua b'a akea te b'ai ae na karaoia, ao akea temanna ae kona n tiribureia. Ngkana E karaba matana, e na aki reke buokaia aomata.

Iobi 5:18

E bauti taian ikoaki te Atua ake bon mwiina; E kaikoakiko baina, ao E kamaiuko naba baina.

Taian Areru 30:7

Te UEA, Ko raoiroi nako iu; Ko kakorakoraai b'a kanga ai aroni korakoran te maunga ae nene ni matoatoa. Ma ngke Ko karaba matam mairou, ao I maaku.

Taian Areru 6:2

Te UEA, Ko na nanoangaai; b'a I a nrairai. Ko na kamaiuai, b'a I rangi ni mamaara.

Taian Areru 71:20

Ko a tia ni karoko kaangaanga i aou ma baika I a tia ni karawaawataaki iai, Ma Ko na manga kaoka nako iu marurungiu; Ko na kawakinai man te ruanimate.

Te Minita 3:3

te tai n tiritiri ao te tai ni kakamaiu, te tai n urub'ai ao te tai ni kateib'ai,

Itaia 17:7

Ane a na tanrikaaki aomata n te tai anne n onimakina te Tia Karikib'ai, Atuan Iteraera ae e tabu.

Itaia 2:3

A na m'aiti aomata ake a na roko ao a na kaangai, “Ti a nakon ana Maunga te UEA ae Atuan Iakob'a ma n taromauri n ana Tembora.” E na reireiniira te UEA ana Tua mai Ierutarem, ao ti na ongotaeka i rouna.

Itaia 30:22

Ao ane kam karaoia ami bouannanti ake taian tirewa ma koora kaanga taian turam ni maange; kam na karenakoia kaanga taian uraeki ae e a kam'araa.

Itaia 30:26

Ao i mwiina, e na bauti ikoakiia ana Aomata te UEA ma ni kamaoi ikoakiia ake e bon kariki. E na oota nako ootan nam'akaina kaanga ai aron ootan taai, ao e na oota taai itiua riki rakan ootana nakon aroarona mai m'aaina. E na karina n oota n ai aron ootan itiua te bong n te tai naba arei.

Itaia 55:7

Kaaki kawaim nako aika b'aoua ao am iango aika a buakaka. Okira te UEA ae Atuara. E na nanoangaiko ao ane E na kab'arai am bure nako.

Ieremia 3:22

N na kaangai nako ia, “Okirai, N na kamaiungkami man ami aki kakaonimaki.” Ao a kaeka ni kaangai, “Ti na okiriko, b'a bon ngkoe ara UEA ao Atuara.

Ieremia 30:12

E taku te UEA: Au aomata, kam a ikoaki ao kam a kani mate.

Ieremia 30:17

Akea ae e tangiria n riki b'a raoraomi ke n tabe n te b'ai ae e riki nako imi. Ma N na kamaoi ikoakimi, ao kam na manga marurung.

Ieremia 33:5

Iai tabeman aika a na buakana B'aburon, are e na kaon auti nako n taian mate ake aomata ake N nang oroia n uniu ma bononnanou. I tannako man te kaawa ae e buubura aei i bukin m'akuri aika a buakaka aika a tia ni karaoaki irouia kaaina.

Ieremia 33:6

A na roko boong are N na kamaiua iai te tabo aei ma kaaina, ao a na kukurei n te rau ae akea tokina.

Ieremia 50:4

E taku te UEA: Kaain Iteraera ma Iuta, Ngkana a riki baikai ao kam na tang, ao kam na kaai n okira abami n taromauriai, Ngai ae te UEA ae Atuami.

Ieremia 50:5

Ane kam na titiraki i bukin te kawai nako Tion ao i mwiina kam na roko ao kam na raonai ni karaoa te boraraoi ae kam aki urua ke ni m'aninga.

B'aeb'aeti 3:11

E kakioainako man kawaiu, E raebitiai ao E kiitanai.

Otea 11:10

N na bekorara kaanga te raian, Ngai ae te UEA, a na oki natiu, ma te ruru mai maeao.

Otea 12:6

Ma ngaia are, ko na okira Atuam. Onimakinna ma te taotaonaki n nano, ao kaota nakoina te tangira ma te eti.

Otea 14:1

Iteraera, rairaki! Oki rikaaki nakon te UEA, ae Atuam. E a tia ni kab'akako te bure.

Otea 14:4

Iteraera, kam a tia ni katinanikuai, ma e a toki uniu; N na kamaiungkami man tangiringkami n akea tiana.

Otea 3:5

Ma rimwi, e a rairaki n oki Iteraera nakon te UEA ae Atuaia ao nakon Tawita are aia uea. N te tai anne, a na roko iroun te UEA ma te maaku ao te ruru, ao E na karaoa ae e raoiroi nakoia.

Nakoaia Ibonga 14:48

Ngkana e a manga oki te ibonga, ao e aki manga kaoti te rebera arei i mwiin oneakin buraatitana, ao e na katanoataa te auti anne b'a e a itiaki, b'a e a tia ni kanakoaki te rebera mai iai.

Teb'ania 2:1

Te botannaomata ae ko aki kukuba karekea nanom ae e raoiroi

Te Tua-Kaua 32:39

Kam bon aki ataia? Bon ti Ngai te Atua; ao akea riki temanna; Bon Ngai ae I anaa te maiu ao I a manga kaokia. I katuaaingkami n te rawaawata. Ma N na kamaiungkami ngkai, ao bon akea ae kona ni katokai.

1.Tamuera 2:6

Ko anaa te maiu, ao ko anga te maiu. Ko kab'akaia aomata nako abaia maate ao Ko a manga kaokiia.

1.Tamuera 7:3

Ao n te bong teuana, ao e tuangiia Iteraera Tamuera ni kaangai, “Ngkana kam bon kan rairaki nakon te UEA, ao kam na anganai kakoauaana, b'a kam na kanakoi atuaia ianena, ni ikotaki naba ma te atua te aine are Nei Atiterota. Rairaki nakon te UEA ma nanomi ni kabane ao taromauriia n ti Ngaia. Ao ane na kamaiungkami mairouia kaain Biritia.”