Otea 4:12 - Te B'aib'ara

¹² Kam kaantaningai bouananti aika taiani kai ao b'aai riki ake tabeua aika a karaoaki n te kai b'a a na anganingkami aromi. Ni wene ni bure n taian bangota e boni kaoti aromi n aki kakaonimaki nako iu, Ngai ae Atuami.

Otea 4:12 Iomraidhean Croise

2.Uea 17:7

A riki baikai ni kabane i bukina ngke a tia ni bure Iteraera nakon te UEA are Atuaia, are E kamaiuia mai Aikubita, ike a tautoronaki iai ngkoa. A taromauriia antiia ianena,

2.Rongorongo 21:13

Ma ko a tia ni karaoi aron are a karaoia uean Iteraera aika taani bure aikai ao ko a tia ni katokiia aomatan Iuta nakon taromaurian te UEA, n aron are a tia ni karaoia Aaba ma ana kariki. Ko bon tiringa naba oin tarim, aika a raoiroi riki nakoim.

Taian Areru 106:39

A kam'araeaki n aia m'akuri, ao a aki kakaonimaki nakon te Atua.

Taian Areru 73:27

A na kabuanib'ai maiuia akana kitaniko; Ko na kamateia akana aki kakaonimaki nakoim.

Ieremia 10:8

Bon akea manenan taiani bouannanti, ao bon taian nanobaba aomata akana a taromauriia!

Ieremia 2:27

ngkoe ma am uea, am ibonga ma am burabeti b'a kaanga ai aron ae ngaiia ngkoa aika a karikingkami ma n anganingkami te maiu. Kam katinanikuai ma ngkana kam reke n te kangaanga, ao kam tang nako iu i bukin buokami.

Ieremia 23:13

A rangi n ribaaki irou burabetin Tamaria, i bukina ngkai a kab'arab'ara n aran B'aara ao a kairiia nako aomata.

Etekiera 20:32

Tao a taku b'a a konaa ni katotoongia aroia botannaomata ake tekorakina ni waakina aroia i bon irouia n taromauri taiani bouannanti aika a karaoaki n taiani kai ma atiibu. Ma bon anne te b'ai ae e na riki!

Etekiera 21:21

Ngkana e tei uean B'aburon n te kaetieti, ao e na rineia b'a e nga ae e na nako iai ngkana e ioioa te kainikoto, titirakiniia antina, ao ngkana e karaua n taraa marakin nuukan te man are e kareanaki.

Otea 14:3

E aki konaa ni kamaiura Aturia ao a aki konaa ni buokiira taiani kaa ni buaka. Ma ngaia are, ti riai n aki manga taromauri bouannanti aika ti a tia ni karaoi. Ara UEA, Ko a tia ni kaota te nanoanga nakoia ataei aika akea aia karo.”

Otea 5:4

Ami m'akuri aika a buakaka boni ngaai bukin aki okimi nako iu Ngai ae te UEA ae te Atua. Kam aki kona n ataai i bukin teimatoan tangiran te wene ni bure iroumi.

Otea 6:10

I a tia n noori b'aai aika a kakamaaku i nanon Iteraera kam aki kakaonimaki ao kam aki tau i bukin taromauriau.

Otea 9:1

Ko na aki karaoa am bukamaru Iteraera ke ni kakarongoa n aroia botannaomata ake tem'angina. Ko a tia n aki kakaonimaki nakon Atuam. Kam karaoa kateia ainen matawa ngkana kanakoaki kunin te uita b'a kam kukurei n te m'ane are kam karekea.

Nakoaia Ibonga 17:7

E riai ni kakaonimaki te I-Iteraera n toki man titiringan ana karea are e kaakarean nakon antin te kooti. E na kawakina te tua aei te I-Iteraera ni karokoa taai aika a na roko.

Nakoaia Ibonga 20:5

ma ngai I bon aki kariaia. Ngkana iai i buakomi ae e taromauria naba Moreka, ao N na bon ekinakoa ma ana utu ni kabane, ao N na bon aki kariaia b'a kam na riki b'a raoia au Aomata.

Mika 2:11

Aikai aekakin aomata ake a tangira te burabeti ae e b'anga ni kewe ma ni kam'am'ane, are e na kaangai nakoia, “I taetae ni burabeti b'a e na raanga nako i bukimi te wain ae e kangkang ma te wain ae te kamanging.”

Ab'akuka 2:19

Ko na b'aka b'a ko kaangai nakon te m'akoro ni kai, “Uti!” ke nakon te m'akoro n atibu, “teirake!” E kona ni kaoti b'aai te bouannanti nakoim? E tii kabiraki aona n te tirewa ma te koora ma bon akea te maiu i nanona.

Warekaia Iteraera 15:39

E na kauringngkami baikai b'a kam na riai n ongotaeka nakon Au tua ma Au reirei.

Te Tua-Kaua 31:16

Ao E taku te UEA: Moote, Ko na mate n te tai ae e aki maan, ao a nangi rin Iteraera n te aba ike a taataromauriaki iai atua riki tabeman, ao ane a na rawa irou Iteraera ma ni moana taromauriaia atua aikai. Ane a na urua te boraraoi aomata n aron are I a tia ni karaoia ma ngaiia,

Tani Motiki-taeka 18:5

Ao a taku m'aane akekei nakoina, Taiaoka, ma ko na taetae nakon te Atua i bukira. Titirakina te Atua b'a e na koro bukin te b'ai ae ti waakinna ke na aki?