Otea 3:5 - Te B'aib'ara

⁵ Ma rimwi, e a rairaki n oki Iteraera nakon te UEA ae Atuaia ao nakon Tawita are aia uea. N te tai anne, a na roko iroun te UEA ma te maaku ao te ruru, ao E na karaoa ae e raoiroi nakoia.

Otea 3:5 Iomraidhean Croise

Itaia 17:7

Ane a na tanrikaaki aomata n te tai anne n onimakina te Tia Karikib'ai, Atuan Iteraera ae e tabu.

Itaia 2:2

E na riki b'a te kabanea n rietaata te maunga are e tei iai ana Tembora te UEA ni boong aika a na roko. E na bura i aon taian tabuki nako; ao a na uarurung botannaomata nako iai.

Itaia 2:3

A na m'aiti aomata ake a na roko ao a na kaangai, “Ti a nakon ana Maunga te UEA ae Atuan Iakob'a ma n taromauri n ana Tembora.” E na reireiniira te UEA ana Tua mai Ierutarem, ao ti na ongotaeka i rouna.

Itaia 60:5

Ngkana kam noora te b'ai aei, ao a na uremangangaa matami, e na bukibuki manawami ao kam na onrake n te kakatonga. A na bane ni uotaki nakoim baika a kakaawaki man taabo aika a raroa nakoa i aoni marawa ao kaub'aia botannaomata nako.

Itaia 9:13

Ma a bon aki okirikaaki naba Iteraera nakon te UEA ae Moan te M'aaka ma n taromauriia.

Ieremia 23:5

N te bong teuana N na rinea te uea ae e raoiroi man ana utu Tawita, te uea ae e na wanawana ao e na tautaeka ma te eti.

Ieremia 30:24

E na bon aki toki uniu ni karokoa e bane raoi te b'ai ae I a tia ni baaireia b'a N na karaoia. N te bong teuana, ao kam na ataa te b'ai ae I nanonna.

Ieremia 30:9

Ao i mwiina, kam na riki b'a au tia m'akuri, ao N na rinea te uea maibuakomi man ana utu Tawita.

Ieremia 33:17

E na nako uean Iteraera man ana kariki Tawita,

Ieremia 33:9

Ngkana e riki anne, ao ane a noori b'aai aika a raoiroi aika I a tia ni karaoi i bukin Ierutarem, botannaomata ni kabane n te aonnaba aei, ma arou ni karekea te rau iai.

Etekiera 16:63

N na kab'araa am bure, ma ko na riai ni iangoi am bure ma ni mamaa iai n te aro are ko na aki kakarongoa. Bon aei au taeka Ngai ae te UEA.

Etekiera 38:16

Ko na buakana Au aomata kaanga nangin te buaka ae rabuna aon te aba. N na kariaia b'a ko na taua abau are Iteraera, b'a a aonga botannaomata nako n te aonnaba n ataia b'a bon te UEA Ngai ae I tabu.

Etekiera 38:8

b'a tabeua riki te ririki, ao N na tuangko b'a ko na kataenikaia Iteraera, te kaawa are e uruakaki n te buaka. E a tia ni kiitanaki n te tai ae e maan, ma a tia n oki kaaina mairouia botannaomata aika ianena ake a maeka iai ngkoa. A maeka ngkai Iteraera ma te rau ni maungan oin abaia.

Taniera 10:14

I roko ngkai b'a N na tuangko te b'ai ae e na riki nakoia am aomata n taai aika a na roko. Te kaotioti aei bon i bukin taai akana a na roko.”

Taniera 2:28

ma bon ti te Atua ae Atuani karawa ae e kona n tuangko te mii anne. E a tia n tuangko te b'ai ae e na roko n taai aika i m'aaira. Ao tauraoi b'a N na tuangko te mii arei, are te kaotioti are ko nooria ngke ko matu.

Otea 1:11

A na manga ikotaki Iteraera ma Iuta ao a na rinea aia tia kairiiri ti temanna. Ao i mwiina, a na kaoki abaia, ao e na riki te bong aei b'a ana bong Ietireera ae e kakannato.

Otea 11:10

N na bekorara kaanga te raian, Ngai ae te UEA, a na oki natiu, ma te ruru mai maeao.

Otea 5:15

Ao i mwiina, N na rairaki nakon Au tembora ni karokoa a kaota aia kaairua ma n taromauriai, ni karokoa a korakai nanoia ma ni buubuti buokaia.

Otea 5:6

Kam anga te tiibu ma te kao b'a taiani karea nako iu, ma I a tia n tannako ma N na rawa ni kaotai.

Otea 6:1

Ti a okira te UEA. E a tia n raeraeira ni kauarerekeira, ma E na kabaei ikoakira ao E na manga kamarurungiira.

Amota 9:11

E taku te UEA, “E na roko te bong are N na manga kaoka iai uean Tawita b'a kaanga ai aron te bata ae b'aka n uruaki, ao N na manga katei oona ma b'aina nako. N na kateia ni kaoka arona are rimoa,

Mika 4:1

Ni boong aika a na roko, e na riki b'a te kabanea n rietaata i buakon maunga te maunga are e tei iai ana Tembora te UEA, e na bura i aon tabuki nako. A na b'ab'aroakinna botannaomata nako.

Warekaia Iteraera 24:14

Ma ngaia are, N nang nako n okira au auti, ma N na katikuko ma te kauring i bukin te b'ai ae a na karaoia Iteraera nako ia am botannaomata n te bong teuana.”

I-Rom 11:25

B'a I aki tangiringkami, taari, b'a kam na aki ata te b'ai ae raba aei, b'a kam kaawa ni bakanrabakau iai: b'a iai tem'angina i buakoia Iteraera aika a matoatoa nanoia n rawa n onimaki, ao a na tiku n aroia aei ni karokoa ae e koro m'aitiia aomata aika tiaki I-Iutaia n nakon te Atua.

I-Rom 2:4

Ke ko aki rangi ni mutiakina ana ataataiaomata ae bati, ma taotaonan nanona, ma arona n aki kakaiun? Ao ko aki ata ana ataataiaomata te Atua b'a e kairiko nakon rairan nanom?