Otea 3:4 - Te B'aib'ara

⁴ E na bon maan naba te tai i m'aain reken uean Iteraera ke i m'aain are e anga te aba iai taiani karea i nanon te tembora ke i m'aain are a reke taian kawai are ti na kairaki iai iroun te Atua.

Otea 3:4 Iomraidhean Croise

Karikani B'aai 31:19

Ao e roko Nei Rakera i mwiin Raab'an ngke e nako ni koroburaei ana tiibu, ao e iraei bouan antin te utu are ana b'ai tamana.

Karikani B'aai 31:34

Ma e a kaman anai bouan antin ana utu Raab'an Nei Rakera ni kamenaki i aan kaintekatekan ana kamero, ao e a manga tekateka i aoia. Ao e kakaea Raab'an n ana auti n rianna Nei Rakera ni kabutaa, ma e bon aki roko n te kunei.

Karikani B'aai 49:10

E na taua te oko ni uea Iuta i nanon baina, Ao a na teimatoa n tautaeka kanoana. A na anga te m'ane botannaomata nako ina Ma ni bobaraaki, ao n ongotaeka i rouna.

2.Tamuera 6:14

E m'am'aie i bukin te UEA ma nanona ni kabane, ma akea ana kunnikai b'a ti te riinen.

2.Uea 23:24

E bane ni kamaunaiia aomata ma b'aai aika a rangi n ribaaki Iotia mai aon Iuta ma Iteraera, n ikotaki naba ma taan tabunea, taani kaiwa ao taian bouananti. E kabanea ana konaa ni karaoi b'aai ni kabane ake a koreaki i nanon te boki are e kunea Irekia i nanon ana Tembora te UEA.

2.Rongorongo 15:2

Ao e nako Ataria n te tai ae e waekoa ni kawara Ata ao e taku: Ko na ongora irou, ngkoe te uea ae Ata ao ngkami aika kaain Iuta ao Beniamin. E na memena te UEA iroumi ma ni buokingkami, ngkana kam teimatoa n ongotaeka ma n taataromauriia. Ma ngkana kam aki ongotaeka i rouna, ao e na bon kiitaningkami.

Te Otinako 28:4

Aikai b'aai aika kainanoaki b'a a na karaoaki: te ub'a, te raburabu i bukin te ibonga, te niiniira, ae te kabaraaki ae katamaroaaki n te karai, te m'aita, ao te kabae n nuuka. E riai ni karaoaki te kunnikai ae e tabu aei i bukin Aaron ma natina mm'aane ake a na riki b'a taian ibonga.

Te Otinako 28:6

E na karaoaki rab'atan te raburabu ni kabane man te riinen ae e tamaroa

B'aeb'aeti 2:9

A na m'akoroua ma n inako atiibun mataroana n te tano, E na otouai kaai ake b'ain kainan te mataroa. A uotaki nako ngkai b'a taenikai uea ma aomata ake a kakannato. Akea te reirei n te tua, ao akea naba te kaotioti mai iroun te UEA nakoia Ana burabeti.

Etekiera 19:14

ike e a bue iai kaina, ao e a kaurarakei m'aangana nako te urarake. Bon akea nikiran m'aangana; E tiku ni ngaongao. E na riai n aneneaki te anene ni mate aei ma te nanokawaki.

Etekiera 20:32

Tao a taku b'a a konaa ni katotoongia aroia botannaomata ake tekorakina ni waakina aroia i bon irouia n taromauri taiani bouannanti aika a karaoaki n taiani kai ma atiibu. Ma bon anne te b'ai ae e na riki!

Etekiera 21:21

Ngkana e tei uean B'aburon n te kaetieti, ao e na rineia b'a e nga ae e na nako iai ngkana e ioioa te kainikoto, titirakiniia antina, ao ngkana e karaua n taraa marakin nuukan te man are e kareanaki.

Etekiera 21:31

E na kab'atataingkami uniu n ai aron te ai, ao N na anga ngkami nakoia m'aane aika a iowawa aika a bane aroia n te tiritiri.

Taniera 11:31

A na kam'araaea te Tembora ana tautia tabeman. A na katoka te angakarea are e katoa bong, ao a na katea te b'ai are moan te kakamaaku.

Taniera 12:11

Ngkana e a katokaki te angakarea are e katoa bong, ao e a kateaki te b'ai ae moan te kakamaaku, ao e na riai n tia ni bane 1,290 te bong.

Taniera 9:27

E na karaoa ana boraraoi te tia tautaeka ma aomata aika a m'aiti i nanon itiua te ririki, ao ngkana e a kaania banen iteran te tai, ao e na katoki taian angakarea ma taian angab'ai. E na katokaaki te b'ai are moan te kakamaaku i taubukin te Tembora, ao e na tiku ikekei n aron are e a tia ni baaireia te Atua i bukina.

Otea 13:10

Kam tangira te uea ao te tia tautaeka. A angaa ngkai ami uea? Kaawa raa aika iai taan tautaeka iai?

Otea 13:11

I anganingkami te uea i bukin marakin nanou; I uotia nako i bukin buakakan nanou.

Otea 2:11

N na katoki ana bukamaru Iteraera akea riki manga te Toa ae Moan Otin Nam'akaina, Taian Taabati, ke taian toa ake tabeua.

Nakoaia Ibonga 8:7

Ao e katokaa te kabaraaki, ma te niiniira i aon Aaron, ao te roo i aon babatina, ao te ebota ae taona aona n te kabae n nuuka ae rarangaaki raoi i aon koreana.

Tekaria 10:2

Kam aki konaa n onimakini taian bouananti ma taani kaiwa, ke ni mwiokoa te kaantaninga ae kam karekea mairouia taan tabunea ma taani kab'ara mii. Ma kam a tia ni katai baikai ni kabane, ao kam a riki ngkai b'a kaanga taian tiibu aika akea te tia kaawakiniia.

Tekaria 13:2

E taku te UEA ae Moan te M'aaka: N na kamaunai ni kabane taian bouannanti mai aon te aba ngkana e roko te tai arei, ao e na m'aninga te aba taekaia n aki toki. N na bon kamaunaiia naba aia burabeti nako ma tamnei aika a kam'araa akana a tautaekaniia.

Ruka 21:24

ane a na tiringaki n te kabaang, ao ane a na kairaki nako b'a taenikai ao a na kauamaaeaki nako buakoia botannaomata i aonnaba; ao ane na uruaki Ierutarem irouia aomata aika tiaki I-Iutaia, ni karokoa tokin aia tai.

Ioane 19:15

Ao ngaiia a takarua ngkanne nakoina ao a kaangai, “Kamatea, kamatea, kamatea n te kaibangaki!” E taku Birato nakoia, “N na kamatea ami Uea n te kaibangaki?” A kaeka ibonga ake mataniwi ao a kaangai, “Akea ara uea b'a ti uean te tautaeka n Rom.”

Ebera 10:26

B'a ngkana ti boni kani kateimatoa arora ni karaoa te bure i mwin reken ataakin te koaua i roura, ao bon akea riki i bukira te karea teuana i bukini buure;

Tani Motiki-taeka 17:5

E a reke ana baangota ni mwengana ike e na taromauria iai te Atua, ao e karaoi taian bouananti tabeua ao te ebota. Ao e rinea temanna natina te m'aane Mika b'a te ibonga i bukin ana baangota.

Tani Motiki-taeka 18:14

ao a titiraki nakoia taani buaka m'aane ake niiman ake a m'ananga ngkoa n tutuo ni karaba ni kaangai, Kam ataia ae iai n te kaawa aei te aomata ae iai ana bouananti tabeua, ao ana ebota ni ibonga? Tera ami iango i rouna?

Tani Motiki-taeka 8:27

Ao e okira mwengana Kiteon i Obera ao e karaoa te bouananti man te koora, are a manga waakina taromauriana Iteraera. Ao e riki b'a te b'ai ni kam'ane nakon Kiteon ma ana utu n taromauria te bouananti. A bon tia n rangi ni konaaki buaka kaain Miiria n te aro are a bon aki manga reke korakoraia ni buakaniia Iteraera. Ma ngaia are, a tiku n rau Iteraera i nanon 40 te ririki i nanon ana tai ni maiu Kiteon.

1.Tamuera 14:3

Te ibonga are uouota te ebota bon teuare Aiia, bon natin tarin Ikabota are Aituba, are natin Bineati ao tibun Eri, ana ibonga te UEA i Tiro. A aki roko n te ataa m'aane akekei ae e a tia n nako Ionatan.

1.Tamuera 15:23

Kakaitaraan te UEA ma te aki ongotaeka nako Ina bon ti te bo ma buakakan taromauriaia bouananti ke bubutiaia kairakimi. Ko rawa ni karaoa te b'ai ae tuangko te UEA, ma ngaia are, E a tia te UEA ni baaireia b'a ko na aki konaa n uea.”

1.Tamuera 2:18

Ao e m'akuri Tamuera i bukin te UEA ao e karina i aona te kunnikai te rinen ae kaokoro

1.Tamuera 21:9

Ao e taku Aimereka, “Iai irou ana kabaang Koria are kaain Biritia, are ko tiringnga ngkoa n te m'arua are Era, ane e mena i akuun te ebota, ae e niiraki n te kunnikai. Anaia ngkana ko tangiria b'a bon ti ngaia te b'ainibuaka ikai.” Ao e taku Tawita, ko na anganai, “Akea riki teaina riki ae e raoiroi riki!”

1.Tamuera 22:18

Ma ngaia are, e a manga taku Tauro nakon Toeka. “Tiringiia ni kabane.” Ao e tiringiia Toeka ni kabane. E tiringiia 85 ibonga n te bong naba anne ake a kariaiakaki n uota te ebota.

1.Tamuera 23:6

Ao ngke e biri nako ngkoa Abiata are natin Aimereka te rorobuaka n raona Tawita i Keira, e uota nako te ebota.

1.Tamuera 23:9

Ao ngke e ongo Tawita ana iango Tauro b'a e na buakanna, ao e taku nakon te ibonga are Abiata, “Uotaamai te ebota ikai.”

1.Tamuera 30:7

E taku Tawita nakon Abiata are natin te ibonga are Aimereka, “Uotaamai te ebota, “ao e uotia Abiata nakoina.