Otea 3:1 - Te B'aib'ara

¹ Ao E a manga taetae riki te UEA nako iu. Ao e taku nako iu n te tai aei, “Otea, ko na tangira ma te aine ae e aki kakaonimaki ae iai ana tangira. Ko na karaoa aei ni kaotia b'a I tangiriia Iteraera, e ngae ngke a tia n taromauri taian bouananti ao a kukurei ni karean taiani keeke aika a karaoi man taiani uaa ni kai.”

Otea 3:1 Iomraidhean Croise

2.Tamuera 6:19

Ao e anganiia m'aane ma aine ni kabane ake n te koraki arei teutana te kariki, ao teutana te iriko ni man, ao te abutana te kureebe ae e m'au, ao a bane n okiri mwengaia aomata nako.

2.Uea 13:23

Ma E ataataiaomata te UEA nakoia Iteraera ao e kaota te akoi nakoia i bukin ana berita ngkoa nakoia aia bakatibu ake Aberaam, Itaaka, ao Iakob'a. E bon tuai man tannako ke ni kariaia b'a a na kamaunaaki n tiringaki.

1.Rongorongo 16:3

ao e anganiia aomata n tatabemaniia ni kabane akekei teutana te kariki, tabeua taiani iriko ni man, ao te abutana te kureebe ae e m'au.

Neemia 9:31

Ma Ko bon nanoanga man akoi, ma ngaia are, Ko aki roko n te m'aninga taekaia ke ni kamaunaiia.

Taian Areru 123:2

Tooro aki toki n tataara aia m'atita, ma ngaira ti na bon teimatoa n tataraiko, ni karokoa e na bon mena am nanoanga i aora.

Te Otinako 32:6

Ao a uti m'aaka aomata n te ingabong are i mwiina ao a tiringi tabeman taiani man ake a na kamanenaaki i bukin te karea ao tabeman i bukin te am'arake. Ao i mwiina, a bane n am'arake aomata ma ni mooi ni katibutauaia ao ni kakoroia n te aro are a riki b'a kaanga maan aika aki manana.

Ana Anene Toromon 2:5

Karina angiu ao kakorakoraai n taian kam'au ni kureebe ao taian aboro. I b'arua te tangira!

Itaia 45:22

“I kaooa te aonnaba ae e b'anin b'a e na rairaki nako iu ao e na maiu. Bon ti te Atua Ngai! Akea riki te Atua ni koaua.

Ieremia 3:20

Ma n onea mwiin anne, kam riki b'a kaanga te ainenum'a ae e urui taiani berita ni mare. Kam a tia n aki kakaonimaki nako iu. Bon aio au taeka Ngai ae te UEA.

Ieremia 31:20

Kaain Iteraera, bon natiu ngkami aika kam rangi n tangiraki. E koaua b'a I aki tangiringkami nakon b'aai nako? Ngke I aki toki ni karawaawataingkami, ma I tangiringkami b'a kam na meemena i rarikiu, b'a I aonga nanoangaingkami. Bon aio Au taeka Ngai ae te UEA.

Otea 11:8

Iteraera, I aki konaa ni kanakoko. I aki konaa ni kaaki taekam. N na kangaa ni konaa n uruaniko n aron are I karaoia nakon te kaawa are Atema ao Teboiim? I aki kona ni karaoia E nang korakora nanou i bukimi.

Otea 2:5

E aki kakaonimaki tinam. E rangi ni b'ainrang ao e taku, “N na biri n rimwiia au tangira A bane n roko b'aai mairouia kanau ma nimau, kunnikaiu te riinen ao te burae n tiibu, au b'a n oriwa ao te wain.”

Otea 4:11

ao a tia n aki kakaonimaki nako iu, Ngai ae aia UEA. Kam nanobaba Au aomata b'a kam rangi ni kam'aita iangoan te kukurei ma iangoan te wain.

Otea 7:5

A koro ni manging ana mataniwi n te bong are e katokaaki iai ana baunuea aia uea, ao e a manga ira burababaia.

Amota 2:8

Ao a wene ni matu i rarikin taabo n taromauri i aon kunnikai aika a anaaki mai rouia aika a kainano b'a b'aai ni kakoaua. Ao anai naba m'aane ake a reke man tuaaia aomata mani kabooa te wain iai, man nim i nanon au tembora.”

Amota 6:6

Kam momooi wain n taian boora ao kam kabiri ngkami ni kabira aika a rangi ni boiarara, ma kam aki nanokawaki i bukin uruan Iteraera,

Mika 7:7

Ma ngai, N na tarataraa te UEA, ao N na boni kariaria te Atua ma te onimaki, b'a E na boni kamaiuai. E na bon ongo irou.

Tekaria 1:16

Ai ngaia are, N na nanoangaa Ierutarem. E na manga moan kateaki te kaawa ae e b'anin, ao e na manga kateaki au Tembora.

Mataio 26:50

E taku Iesu nako ina, “Raou, ko aera ikai?” Ao a nako n Iesu, ao a kaki baiia i aona n taua.

1.I-Korinto 10:21

Kam aki kona ni moi man ana m'angko te UEA ao man aia m'angko taimonio. Kam aki kona n uaia n am'arake n ana taibora te UEA ma aia taibora naba taimonio.

1.I-Korinto 10:7

Kam na tai riki b'a taan taromauri bouannanti n ai aroia tem'angina i buakoia. N ai aron are koreaki ni kangai, “A tekateka aomata b'a a na am'arake ma ni moi, ao a tei rake b'a a na m'am'aie.”

1.Betero 4:3

Kam riai n aki manga karaoi baika kam karaoi ngkoa ngke kam iri nanoia aomata ake tiaki Kristian, ni maiu ni kaitataan ma ni kaib'ab'aru, ma ni manging, ma ni bobotaki ni manging ni kukurei ni kammaira, ma n iri taromauriani bouananti aika taromauri aika bati n ribaki.

Tani Motiki-taeka 10:16

Ao i mwiina, a kanakoi bouanantin aaba tabeua, ao a moana taromaurian te UEA. Ni karokoa n tokina, E a aki kona moana te UEA n taratarai rawawataia.

Tani Motiki-taeka 9:27

Ao e a roko tain taian uaan te kureebe, ao a bane nako kaain Tekem nakon aia nne n aroka ni kureebe ma ni kiniki uaan aia kureebe. A katikui aia kureebe n te tabo ni kamanti kureebe, ao a nakonako i aoia ni katinakoi raniia i bukin karaoan te wain. Ao i mwiina, a nako n rin n temboran atuaia ao a karaoa te bootaki n am'arake ae korakora. Ao a m'aiti ake a am'arake ma ni mooi, ao a karereantia Abimereka.